استفسار وفقكم الله

شوف مركز فحص ثاني .. احتمال جهازهم فيه خلل
السيارة ماشية قليل مستحيل تكون نسبتها كذا خصوصاً انها فكتوريا
( الا اذا كان صاحب السيارة موقف العداد )

صحيح انا عندي فورد ماشي أكثر من ٣٠٠ ونسبة المكينة٨٥%

يابه. اخذت تاهو. ٢٠١٣ ماشي ٢٠ الف فقط نسبة المكينه ٨٢
ويوم بعته نفس النسبه.   مالها علاقه احيانا بطاريه احيانا السياره حاره
عموما الفلبيني قال للي اشتراه. مافي مشكل. كلو كويس لان ذاك خاف من النسبه
وشريت جمس ماشي ١٦٥٠٠٠ كم نسبة المكينه ٩٠ مع ان فيه صوت تكايات 
وشكرا هذا مالدي 

عفوا. بعته والنسبه ٨٢. بس يوم شريته.  نسيت النسبه بس لايهم. حول الدعوى او سقط من الذاكره

انا عندي فكتوريا مبوش طلعت نسبت المكينه ٨٩
يعني فحص المكينه كمبيوتر كلام فاضي

ترا النسبة ماهي دقيقة احيانا البواجي تكون قديمة او مافي احتراق زين تقل نسبة الماكينة

السلام عليكم
اذا استخدام امريكي تاكد من ممشا السيارة عن طريق تقرير الكارفس
واذا بطاقه جمركيه لا بد يكون معه طقرير الكارفس اطلبه
واذا سعودي تاكد من صيانته بالوكاله تلاقي الممشا حقه الصحيح

فحص الكمبيوتر صار عليه لغط كثير

النسبة ترجع لعدة امور .. قد تكون بواجي قديمة شوي فتنزل النسبة شوي بمعدل ٤ الى ٨ ٪ 
وقد يكون رقم اوكتان البنزين ٩١ الاخضر او ٩٥ الاحمر فيكون الاحتراق غير مناسب 
وقد يكون فلتر الهواء اما تجاري او قديم ومضعف دخول الهواء للمكينة او نوع الزيت ولزوجته 
واحتمال يكون تجمع كربون على البلوف والبساتن والسلندرات .
وهناك امور ان شاء الله ما تكون منها مثل بداية تبويش ( ضعف في الشنابر والسبايك ) 

اخوي مالها دخل النسبة تاكد من نظافته ومن عزمه والمكينة مافيها صوت تكايات وسبائك وخلاص معناته ممشى الموتر صحيح اما النسبة ترا لو اجيب لك موتر مشنبر ورايح فيها واغير لك البواجي الحين واسلاك البواجي وانظف البخاخات اتحدى تنزل نسبته ن 96 فلا تصدق الخرابيط هذي المكينة كيف تعرف انها نظيفة عزم الموتر صاحي المكينة صافية مافيها صوت ولا تدخن ولا صوت سبايك ولا تكايات ولا غيرهمن باقي الامور والقير بعد ماله نسبه الفحص يعرف اذا تدعس عليه وتشوف تعاشيقه وتغييراته سلسله او لا وبعد يطلع له اذا الحساسات سليمة او لا ،، نسبة المكينة تعتمد زي ماقلت لك على البطارية والبواجي والبخاخات واسلاك البواجي باختصار مافي شيء اسمه نسبة مكينة

شف فحص الكمبيوتر اللي يعتمد بس على الارقام اعرف ان ماعنده سالفة مع احترامي صحيح هي تعطيك مؤشر بسيط لكن لايعني الاعتماد عليها كلياً



يعني انا بوضح لك نسبة التفاوت فيها


انا شريت موتري عام 2014 تقريباً موديله 2009 ممتاز ماشي حول 179 قل 180 الف نسبة المكينة اعطاني 88%


بعدها بيومين وبنفس المكان فحصت موتري اللي ببيعه طبعاً فحصه المشتري ودليته انا عليه وموتري اللي ببيعه موديل 2006 وماشي 310 طلع نفس نسبة المكينة 88%


بس تحسب ان الفحص معتمد عليها لا يفتح غطا الزيت يمغل الموتر يجرب قيره فيه فضاوه فيه شي


واخرتها قال ماشاء الله الموتر سليم وذا ارتاح وشراها ولين الحين اشوفها في الشارع تهجول واللي شريتها انا الحين مشت معي 330 الف ماشاء الله تبارك الله يعني انا لحالي مشيتها 150 الف ولو في المكينة خلل كان ماكملت 20 الف معي


ف انا اشوفها مهيب مقياس والفحص اللي يعتمد عليها فاشل لعلمك انا مانظرت لها ابد يوم جيت اشتري انا بنفسي محطت الموتر ومحطه ذا اللي في الفحص قال سليم اشتر ماعليك من ارقام هذا بواجي بنزين يستعمل مدري ايش


لاني كنت اعبي السوناتا 2006 95 وبواجيها جديدة وتوني مصفيها


والاوبريس اول ماخذيتها كان يستعمل 91 وبواجيها بلد واتوقع فيه عوامل ثانية بعد


الخلاصة لا تعتمد عليها واذا الموتر نظيف وجربته عزمه فيه ونشيط ومافيه خرفشه في مكينته وما استهلك توكل على الله

ي رجال كلاك خرابيط نسبه المكينه ذي

اكثر.من واحد متخصص يقول كلام فارغ

نظف البخاخ والثروتل وغير فلتر هوا والبواجي وانطلق بنسبه مكينه فوق ٩٠