كهربا الفورد

البطارية يمكن ضعيفة او الدينمو

دام عندك فورد ركب بوليسي تجي 200 امبير

البطارية ماتطفي السيارة وهي ماشيه صح ولالا والدينمو ماله ا3 اسابيع من يوم ركب وهو كذا

تمشي و تطفي و هي ماشية الاكيد من الدينمو

الدينمو التجاري يعمل كذا بالكهرباء لخبطه
عكس الاصلي جديد اوتشتريه من التشليح
الافضل لك ولاتخسر مبالغ
غير كتاوت وفحمات اصلي موتوكرافت
ماتكلف شي
ويرجع الدينمو مثل الاصلي ويعيش معك 3 سنوات او اكثر بأذن الله
.

تأكد من السيور لاتكون مرتخيه او الشداد نفسه 

للاسف الدينمو القديم حق الوكالة ماهو موجود ولا كان ممكن يحتاج تغيير كتاوت وفحمات فقط ويعطيكم العافيه جميعا +1

كان ماغيرت الاصلي انا كذا وهقني بالدائري مره الامبير طايح وضعف المكيف والانوار كنت واقف بزحمه دعست بنزين وطفى ولا عاد اشتغل الا ب اشتراك رحت لكهربائي داخل محطه ولحم لي الابر الي تجي خلف الدينمو وظيفتها تولد الكهرباء حصلها منتهيه ولحمها لي ورجع كنه جديد ثابت ع النص لكن خلاص دامك مغير خذ لك بوليسي وريح راسك

والله البوليسي غالي لو كان سعره سهل ماكان نزلت السؤال لاني قريت عنه ف كل مكان .. ياماجد تقصد اني اغير دينمو وكتاوت اصلية على الدنمو التجاري ؟

نعم كتاوت وفحمات اصلي علي التجاري
نفسها واحد

الله يعطيك العافيه

حياك الله
موفق خير

مشكلة اغلب الورش حراميه ونصابين ( الا من رحم الله ) .. بتقولون كيف ؟!

اذا جيته بموتر فيه خراب او عطل وتصليحه ما يكلف الا مبلغ بسيط ولا تتوقع ان المشكلة من هالشيء التافه البسيط
بعدها يشوف الشخص اللي قدامه هو صغير سن او جاهل او شايب او واحد ما له في السيارات ابداً او حتى لو انك 
فاهم بالسيارات لكن مشكلة موترك ما عرفتها .

هنا يبدأ بتمثلية النصب والاحتيال والخداع .. ويسوي من الحبه قبه .. وخذلك طلبات  قطع الغيار اللي لها اول وما لها تالي
واحتمال يقول لك تعال بكره والا بعد كم يوم .. وبمجرد ما أنت تطلع من الورشة يصلح الشغله في دقائق ( بدون مبالغة ) .

طبعاً انت بتجي على الموعد اللي قال لك .. والموتر ماشاء الله رجع سليم .. تسأله وش سويت راح يقول الشغله طويلة عريضة 
ويصرفك او يجيبلك قطع من سيارة ثانية ويقول غيرت القطع هاذي ويصير هو كسبان التالي  :-
(( اجرة يده جعلها للقص + قطع الغيار اللي ما استخدمها ورجعها وأخذ قيمتها + يطلبك بخشيش ومن فرحتك بالموتر تعطيه ))
وبعضهم يطلب قطع غيار ويركب الجديد اللي جبته له قدام عيونك .. والقديم سليم ١٠٠٪ .. يرمه قدامك ووجه معفط وملتوي على
أساس إنه خربان .. وبمجرد تطلع من الورشة يقوم بتصليحه بمبلغ بسيط جداً وينظفه ويبيعه على أساس انه وكالة .

آسف على الإطالة ( لكن الشاهد ) لا تستعجل في تنفيذ طلبات الورش او تعطيهم الضوء الاخضر في التصليح الا بعد ما تشوف 
وش المشكلة وطريقة وتكلفه الاصلاح .. ولا تنسى تأخذ اي قطعة تستبدلها مهما كانت لو تخليها عندك في البيت ممكن تحتاجها .

وسلامتكم 

كلام درر ياناصر
الواحد يكون حذر ويفهم الشغله كهربائي او مكانيكي
لو حاجه بسيطه لكي تجنب نزف الورش بالنصب والاحتيال وهدر مبالغ مالها داعي
والله المستعان

اتوقع مشكلتك كانت بسيطه
والكهربائي علشان يسرق دينموك الاصلي قالك جب دينمو لانه عارف السوق كله مجدد
قبل فترة كنت في ورشة وفيه فورد وجا راعيها واسمع الاخ يقله جيب دينمو جديد الدينمو عندك خربان
وانا اناظر في الموتر لاحظت الفيش اللي يركب في الدينمو مرتفع ماهو بوضعه الطبيعي واكبسه لين مسك وقلت لصاحب الموتر شغل وشغل وشوي وطفت اللمبه عنده واموره تمام
كان عند الاصابع مهتريه ونظفوها له الورشه لكن يبون يسرقون الدينمو
دامك غيرت بتجاري مثل ماقالك ابو مطلق اشتر كتوت اصلي وركبها وبالتوفيق

الدينمو  معدوم  وترا كتاوت وفحمات مافيه اصلي
الحل غيره اصلي من التشليح
او ركب دينمو بوليسي يركب سلام بسلام ويدوم لك اكثر من حق الوكاله  

اخوي لاتخسر فلوسك على الدينموات التجاريه

رح التشاليح ودور لك دينمو بوليسي 200 امبير وريح راسك
ركبه وانساه شرط افحصه بنفسك وشوف بكرته سليمه لانها بكلتش ..

اسعاره 350-600 انت وشطارتك والورش يبيعونه ع 900-600 ..
وهذي صوره
http://www.ford4arab.com/upload/i/00000/vo71o3pw922e_t.jpg
https://img1cdn.haraj.com.sa/userfiles30/2017-03-28/900x505-1_-58da41c053391.jpg

احرص لافكيته انك تاخذ معه فيشه وفيه الاصبع
لان الفورد العادي خصوصا الموديلات الجديده يجي اصبعه يسار والبوليسي يمين وتضطر انك تطول السلك او تفكه من كلبساته وتشده عشان يركب
بخصوص موديلك ممكن والله العالم يختلف الفيش
عشان كذا خذه بفيش الكهرب وبفيش الاصبع

دور بالتشاليح لازم بتلقى البوليسي افضل من الوكالة و سعره احسن من الامريكي بالتشليح