سؤال بخصوص نقل الملكية

وعليكم السلام
المفروض المعرض مايسلم الفلوس حتى ينتقل الموتر باسمك
يعني يحجز المبلغ حتى تنتهي الاجرائات
او على الاقل يتاكد ان صاحب السيارة ماعلية مخالفات او ايقاف خدمات
الان مشكلتلك مع المعرض تشتكية بشكوى جامده في الشرطه
ولا تخاف حقك بتاخذة من صاحب السيارة والمعرض
لاتتاخر من بكرة دقهم بشكوى بجميع مايثبت

هذي لعبه من صاحب المعرض لازم تروح لوحدة المعارض وتقدم شكوى عليه
الوالد صار معه نفس الشي باع سياره عن طريق معرض وجلس يماطل بس عطاه شيك وراح ابوي اشتكاه وجلس يترجى يقول بيوقفون خدمات المعرض

دق المعرض بشكوى في وحدة المعارض في المرور ولا تشاور عليه والله يجيك يحب بطن جزمتك ماهو اقدامك

دق المعرض بشكوى في وحدة المعارض في المرور ولا تشاور عليه والله يجيك يحب بطن جزمتك ماهو اقدامك

قدم شكوى على راعي المعرض نظاما راعي المعرض مايسلم البايع فلوسه الا بعد ماينقل السياره للشاري

اللي حط ديسلاك راعي معرض الاخ ولك في الحركات ههذي

حسبي الله ونعم الوكيل ..
ناس ماتخاف من الله ، انسى امر الفلوس ..
إذا السياره ماهي واقفه عند المعرض ، لا تسكت له وتواعده با انك تبهذله بشتى انواع الطرق
.
بينك وبين المعرض السياره ، إذا انك سلمته الفلوس .. معناها لابد من المعرض يسلمك السياره ..
غير كذا هذا نصاب وحرامي ..
عليك به وقفه عنده حده .. لجل لايكون هناك ضحايا غيرك ..

اعتذر ان خانني التعبير بس بجد شئ يغبن ..

وماضاع حق وراه مطالب ..
.

المعرض انت جايبه عن طريقك ؟

كيف يسلم راعي السيارة الفلوس وهو مانقل الملكية ؟

ياغبي ذا ولا توه مستأجر معرض وجديد ع الشغلة

المشكلة عليه غرامة كبيرة سواءا يجهل النظام او مايجهل

المعرض ليس وسيط بالنظام يعتبر ضامن للطرفين ولا الحكومة ماكان اعطتهم كامل الصلاحية

فيه اشخاص ياخذون 200 ريال يسنتر لك على البيعة حتى تتم والمفروض تتفق معهم اذا ماعندك معارف

انا اشتري سيارات من الشرقية والرياض واكلم معرض موثوق سواءا توصية من احد او سمعة معروفة ومااوقف هنا اجيب طرف ثالث يشرف على الموضوع حتى لو ماعنده خلفية بالاجراءات لان بكون معاه خطوة بخطوة اقل شي يطلع لي بسند مختم باستلام المبلغ وبعدها تكون بالسليم

انت لك ثلاث اسابيع ماصار شي معك مالك الا الله يعينك تنزل جدة وضروري توقت على الصباح عشان تضمن تخلص شغلتك

ضروري تنزل بكرة الاربعاء ومامعك غير الخميس لو صار تأجيل بالمعاملة او شي لأن الاسبوع الجاي بتضييع دخلنا حج والدنيا معفوسة

والله العظيم يالمعرض يقفلونه لك بسبب التعدي على النظام

اول ماتتوجه على المعرض غريمك ماستفدت شي حول على شيخ المعارض وحقك يرجع بأذن الله

بلغنا ايش يصير معاك وان شاء الله تتخارج منهم بحول الله

خطأ مطبعي * تنزل محافظة طريف

الخطأ الكبير إن ما عندك ورقة مبايعة من المعرض، لأنه لو وقعت مبايعة في المعرض، فلا يحق للمعرض أن يسلم الطرف الآخر المبلغ إلا بعد اتمام نقل الملكية، لكن المشكلة أن المعرض قد ينكر المبايعة تماما، ولكن حاول أن تتعامل مع المعرض مبدأيا بأسلوب جيد، لأن لهم واسطات قد تخدمك في هذه المشكلة

ورقه تحويل البنك تثبت المبايعه. الله يعينك ويعوضك خير.

روح بورقة تحويل البنك عالمرور واي اثباتات اخرى وعالمرور حيقفلوا المعرض وحترجع فلوسك باذن الله حلوة وسيط انا مالي صلاح

أول شيء كذا خطاء عليك يمكن مهب معرض لازم يصور لك وتبحث عن اسم المعرض بقوقل وتأكد من رقمه 
ليش مااخترت المعرض انت بنفسك يعني تبحث في قوقل وتطلع معرض فالمنطقه الي هو فيها وتختاره 
قدم شكوى عليه لانه قبل مايسلم الفلوس المفروض يشوف هي جاهزه ولا لأ 
((مايضيع حق وراه مطالب ))

السلام عليكم ... انا نزلت لطريف ومن الصبااح وانا اطارد من الشرطه للمرور للاماره لشيخ المعارض قله يقلك مو شغلي 
وانا جايب معي صورت المبايعه وورقة التحويل البنكي وكل شي المرور يقلي امور المعرض سليمه وقانونيه لاكن ليش يسلم المبلغ 
قام واحد من العساكر دق على راعي المعرض يقله الرجال بيشتكيك يا تجيب فلوسه قال يشتكي انا نظامي