أضف سؤال أو موضوع جديد          

وش الحل مع نور الجراند ماركيز؟

up 5 down 2



السلام عليكم ورحمة الله وبركاته
أسعد الله صباحكم بكل خير
عندي نور الفورد سواء الواطي أو العالي تعبان وهذي المشكلة معروفة في الفوردات
ودي إذا أحد عنده طريقة أو نصيحة لتحسين مستوى الإضاءة يفيدنا فيها

وأبغى رايكم في أفضل نوع للشمعات إذا بغير الشمعات وتكون مناسبة لكهرباء الفورد لأنه حساس جدا والتوليف ممكن يسوي لي مشاكل أنا في غنى عنها وسلامتك جميعا







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


الفورد بأنواعه معروف عنه أنواره سيئه ..

خذ لك شمعات ديبو إذا ماتبي ترهم على شمعاته الأصليه .. وركب عدسات Q5 وهي الأفضل والمحولات تكون 35 واط ..


up 6 down 1
jakwar2004 217
قبل شهر



ماله حل بس غير الانوار ب اصليه وشمعات ديبو مع كتاوت يتحسن لاترهم شي الفورد كله كهرب وحساسات ماينفع فيه الترهيم  


up 3 down 1



السلام عليكم
انا كان عندي لينكون 99 ركبت له الكيبل الاصفر وشمعات فليبس وصارت الاناره ممتازه
وخدم معي 3 سنوات وبيعت السياره وما واجهت اي مشكله كهربائيه


up 2 down 0
dub_r-50 351
قبل شهر



لا تضيع وقتك ودراهمك على كتاوت والا لمبة
الحل الوحيد هو تركيب العدسات ولي موضوع خاص بالموضوع هذا تحديدا تقدر تشوفه لو حبيت
وبالنسبة لكهرباء الفورد غير صحيح انها حساسة
أبد ركب ورهم اللي تبي اهم شي يكون الشغل نظيف
هذا انا معي فورد ومركب شاشة وجهاز تشغيل عن بعد وعدسات زنون ولمبات led وكشافات ضباب led ولمبات الخلفية كلها led وكنت مركب كشاف led bar حق الجيوب
والحمد لله ما عليها خلاف


up 2 down 1
فورد530 1186
قبل شهر



ركب عدسات E55 او FXR ولمبات اصلية ومحولات اصلية وان شاء الله بتفرش لك الخط فرش


up 0 down 2
abuu m7md 89
قبل شهر



تركيب عدسات :
١- تفرش النور
٢- ماتعمي خلق الله

استخير واتوكل على الله


up 3 down 2
جبل ثور 100 73
قبل شهر



ماقصرتم والله يعطيكم العافية على الإفادة
أخوي فورد 530 ممكن لاهنت نشوف الموضوع اللي تقول عنه حتى أعرف اش نوع العدسات والأماكن المضمونة لشرائها
شاكر ومقدر لك وللجميع تحياتي


up 1 down 1



أكيد ممكن
تفضل اضغط على اسمي وأدخل على المواضيع



up 0 down 1
فورد530 1186
قبل شهر



نور الفورد
الحل له ترهيم عدسات
في ناس ثقه لو تبحث باليوتيوب بتحصلهم

ابعد عن ترهيم بعض محلات الزينه والله يخبص لك الدنيا
وتحصل الانوار كلها تبخير ومشهبه خذها نصيحه محب
اشتغل عند ناس فاهمه
واليوتيوب بتحصل
والعدسات عند q5 وهيلا4 وfxr هي افضل عدسات
وخذلك لمبات اوسرام او فليبس اصليه 4300 كلفن تحصلها حدود 350 ريال وتعيش معك كاقل تقدير 4 سنوات
والمحولات دينسو الجيل الثاني على 350-500 مستعمله تحمي بسرعه وتكرف طول العمر شرط تتاكد انها اصليه
وظفيره للعدسات وعدسات مرهمه .. هذي اسعارها على حسب البائع
وترتاح من غثى نور الفورد



up 0 down 0
م.داحم 61
قبل شهر



ركب لمبات ليد ممتازه وما تاثر على الكهربا انا مجربه ممتاز على الفورد


up 0 down 0
بركات ا
قبل يوم و 8 ساعه