وش الحل مع نور الجراند ماركيز؟

الفورد بأنواعه معروف عنه أنواره سيئه ..

خذ لك شمعات ديبو إذا ماتبي ترهم على شمعاته الأصليه .. وركب عدسات Q5 وهي الأفضل والمحولات تكون 35 واط ..

ماله حل بس غير الانوار ب اصليه وشمعات ديبو مع كتاوت يتحسن لاترهم شي الفورد كله كهرب وحساسات ماينفع فيه الترهيم  

السلام عليكم
انا كان عندي لينكون 99 ركبت له الكيبل الاصفر وشمعات فليبس وصارت الاناره ممتازه
وخدم معي 3 سنوات وبيعت السياره وما واجهت اي مشكله كهربائيه

لا تضيع وقتك ودراهمك على كتاوت والا لمبة
الحل الوحيد هو تركيب العدسات ولي موضوع خاص بالموضوع هذا تحديدا تقدر تشوفه لو حبيت
وبالنسبة لكهرباء الفورد غير صحيح انها حساسة
أبد ركب ورهم اللي تبي اهم شي يكون الشغل نظيف
هذا انا معي فورد ومركب شاشة وجهاز تشغيل عن بعد وعدسات زنون ولمبات led وكشافات ضباب led ولمبات الخلفية كلها led وكنت مركب كشاف led bar حق الجيوب
والحمد لله ما عليها خلاف

ركب عدسات E55 او FXR ولمبات اصلية ومحولات اصلية وان شاء الله بتفرش لك الخط فرش

تركيب عدسات :
١- تفرش النور
٢- ماتعمي خلق الله

استخير واتوكل على الله

ماقصرتم والله يعطيكم العافية على الإفادة
أخوي فورد 530 ممكن لاهنت نشوف الموضوع اللي تقول عنه حتى أعرف اش نوع العدسات والأماكن المضمونة لشرائها
شاكر ومقدر لك وللجميع تحياتي

أكيد ممكن
تفضل اضغط على اسمي وأدخل على المواضيع

نور الفورد
الحل له ترهيم عدسات
في ناس ثقه لو تبحث باليوتيوب بتحصلهم

ابعد عن ترهيم بعض محلات الزينه والله يخبص لك الدنيا
وتحصل الانوار كلها تبخير ومشهبه خذها نصيحه محب
اشتغل عند ناس فاهمه
واليوتيوب بتحصل
والعدسات عند q5 وهيلا4 وfxr هي افضل عدسات
وخذلك لمبات اوسرام او فليبس اصليه 4300 كلفن تحصلها حدود 350 ريال وتعيش معك كاقل تقدير 4 سنوات
والمحولات دينسو الجيل الثاني على 350-500 مستعمله تحمي بسرعه وتكرف طول العمر شرط تتاكد انها اصليه
وظفيره للعدسات وعدسات مرهمه .. هذي اسعارها على حسب البائع
وترتاح من غثى نور الفورد

ركب لمبات ليد ممتازه وما تاثر على الكهربا انا مجربه ممتاز على الفورد