صوت احتكاك وطقطه يالربع
3
1
إضغط هنا للإخفاء
سلام عليكم ومسااء الخير ع الجميع
يالربع عندي التورس 10 رباعي بعد ما احمي
الموتر الصباح وامشي يطلع صوت احتكاك تقريبا
من عند الكفر اليسار امامي ويزيد بقوه اذا لفيت يسار
ويختفي اذا لفيت يمين احيانا تصاحبها طقطقه تحت
رجولي وانتوا بالكرامه طبعا صوت عالي ومزعج .
العجيب بالامر انه يختفي الصوت بنسبه 90% بعد
المشاوير ساعه ساعتين ويجي تمام ممكن يكون منطقه
يبيلها تشحيم ومع الحراره وحركه الموتر تختفي ممكن
طبعا وديته اكثر من ورشه وعليهم الكلام لكن للاسف
الي يقول كرسي قير والي يقول رمان والي يقول مساعد
ولا واحد متاكد.
وديته اليوم عند واحد سعودي مشهور بخبرته وصراحه
ساق الموتر اول ماساقه قال الصوت يظهر بالصباح
ويختفي بعد المشاوير قلت له وصلت. قال امرها بسيط
وتعالني بكره الصباح .
سألته عده مرات ويش مشكلتها
عيا يعلمني سالته عن السعر عيا يعلمني قال تعال واضبطها
لك. فقلت ممكن امرها بسيط ويبغى يزرفني مدري لكن
الغريب ليش مايعلمني ويش مشكلتها وكم سعهرها.
فايش ممكن مشكلتها ياحبايب الله يسعدكم
ومشكورين ع المشاركه مقدما
إبلاغ
الردود
0
0
الاكيد وكلهم يتهربون ويرسلوني لورش ثانيه
لكن صراحه هذا من يوم ركب الموتر وساقه قال انه عرف المشكله
والله اعلم لكن رفض يعطيني ويش مشكلتها ولا كم بياخذ
فلوس قال تعال بكره وان شاء الله شغلتها بسيطه
كررت عليه عيا مايعلمني عود مشيت
0
0
شكله مايعرف طريقة التصليح بيسال واحد
او بيبحث عنها بالمواقع الاجنبيه
ولا ليه مايعلمك بدل ما يلف ويدور
والظاهر والعلم عند الله شغلتها بسيطه ولا وده
يعلمك علشان ماتصلح برا عند واحد ارخص
الله يعينك لفه ودورانه شكله وراه سعر فلكي
لكن نحسن الظن وانت رحله وشفه وش يقول
0
0
0
0
الدفع الرباعي افضل شي راسي وماتحس بالمطبات وماتزلق بالمطر وماتحذف بالمنعطفات دفع مستمر على الاربع عجلات يعني لو طحت برمله ماراح تغرز بس رمله بسيطه وارض مستويه مو تطعس فيها تعدمها
بس الله يعينك على تكلفته والسعودي الميكانيكي شكل سعره فلكي مثل البعض تقوله عندي عطل يقولك جبها ومانختلف باالسعر بعد الإصلاح يصلخك بسعر جامد ويقولك والله هذا في شغل كثير زيادة ياشيخ ،،،تساهيل ان شاء الله ياذيب
0
0
الظاهر انك عرفته يا ياسر مابلا هو ومشهور بشغله للامريكي بابها
وللامانه ماقد تعاملت معه مسبقا ومدري اصلا ذي حركاته ولا لا.
اخوي دحوم الظاهر شغلتها بسيطه ومايبغى يعلمني ألمشكله
ممكن عشان ماشتغلها عند غيره فبيكويني بالسعر نقول خير.
اخوي نواف صادق الرباعي كفو بكل شي لكن نقول تساهيل باذن الله
1
0
يمكن يحتاج تشحيم بس .. السياره awd العكوس تستهلك اسرع فيها
فحص العكوس ارفع الكفر عند البيت ولفه يمين يسار شيك ع الفضاوه
0
0
الصوت طلع من كرسي القير والحمدلله ضبط
بالنسبه للميكانيكي السعودي تركته رحت عند واحد
هندي متعامل معه قدييم وصراحه فنان والحمدلله ضبطت
0
0
0
0
0
0
يعني حتئ تمشي من عنده وانت مقتنع اما الي مسوي نفسه برفسور ولايعلم
قله سلام مع نفسك
قبل 6 سنه و 8 شهر