مشكلة تورس 2013

شيك على طرنبة البنزين.   لانها مشكله ميكانيكيه ماتنكشف بفحص كمبيوتر.     التقطيع 
له اسباب من ضمنها البخاخات.  

فيه حساس جنب المكينة كان يسبب لي تقطيع شيك عليه 

وانا بعد مشكلة حساس الشكمان وكان فيها تقطيع وتهريب بنزين 

طلع السبب بسيط جدا كان في طرمبة البنزين المكان اللي يطلع

هوا من التانكي مفصول وصار يطلع بنزين معه برا 

فلتر بنزين شيك عليه هو والطرمبة 

مافيه فلتر بنزين التورس.
نظف حساس الهواء بمنظف الكترونيات طبعا الي موجود
في قربه الهوااء فوق فلتر الهوااء وزد نظف البوابه
وان شاء الله تضبط

اخوي . حاس ان حرق البنزين زايد بعض الاحيان .. الشي الثاني يوم توقف بعض الاحيان تحس السياره بتطفي . فيه دخان اسود يطلع ولو كل فتره .

اخواني الله يعطيكم العافية على الردود
لا السيارة امورها تمام في كل شي الحمد لله 
لكن اللي مجنني هو التقطيع من 40 الى 60 
كان عندي مشكله وهي اذا عبيت بنزين والسيارة اطفيها ماتشتغل من اول مرة لكن الحمدلله سويتها من حساس البنزين اللي جنب المكينة
لكن البلا بالتقطيع ذااا جنني 

اخوي التقطيع من حساس الشكمان  هو السبب غيره لو تلاحظ اول ماتشتغل روح عن مؤخرت الشكمان راح تحصل بربره صوت يشبه التفتفه السبب حساس الشكمان 

عندي سنتافي 6 سلندر موديل 2012 ونفس المشكلة تفتفه تجي من 60 إلى 80 إذا كنت مرخي في الدعسه ماشي على مهلي،وإذا كنت شاد ماشي بسرعة ماتجي التفتفه.
غيرت بواجي ونظفت الثروتل وغيرت منظم وحساس الهواء وغيرت فلتر البنزين وفلتر الهواء ونظفت البخاخات بمنظف ميتسوبيشي ولافي فايدة.

عليك نور اخوي ب ص ر  نفس المشكلة بالضبط لكن انا من ال 40 الى 60 
اذا شديت على السيارة التفتفة ماتجي لكن على مهلي ومهدي تجيني 

نظف بوابة الهواء (الثروتل) تلاقيها مكربنه عندك .. حصلت معي في التورس رح لأقرب ورشة وقلة سو تنظيف لها ببخاخ اسي ديلكو او ببنزين
بعدها ركب فلتر هواء جديد ..
وحط منظف بخاخات في تانكي البنزين ينظف لك مجرى البنزين بالكامل .. خل البنزين على الربع وحط المحلول فيه وبعدها فلل البنزين وامش عليه 40 كيلو لين يطلع الكربون بالكامل
هي اساس التنتيع تلاقيها تصفية مكينة بس مادامك غيرت البواجي ونظفت البخاخات وفحصتها جرب نظف الثروتل وحط المحلول للبخاخات وغير فلتر هواء المكينة اللي يدخل على بوابة الهواء ..

واذا ما ضبطت معك شف هالفيديو فيه قطعة صغيرة للهواء في المكينة تسبب تقطيع وتفتفه وانطفاء المحرك شيك عليها برضوا :

https://www.youtube.com/watch?v=O1pwuWCeDFY

وفيه برضو قطعة صغيرة برضو لحساس طرمبة البنزين تسبب انطفاء المحرك ومكانها خلف المقعدة اليمنى الخلفية .. شيك عليها شف هالفيديو :
https://www.youtube.com/watch?v=o1ZFgaIy_wI

سو تنظيف ثروتل وحط محلول بخاخات اول وبعدها شيك على هالقطع الصغيرة عشان ما تكلف نفسك واجد وهي رخيصة اقيامها اذا تبي تغيرها .

وان شاء الله تضبط معك لأن التورس مشكلته اغلبه حساسات .. وبعض الورش يجهلون ويقولك طرمبة بنزين وحساس شكمان وغيرها وحساس الشكمان اذا هو خربان بتولع لمبة المكينة عندك والافضل اذا هو بداية خراب انك تفكه وتنظفه اول وتجرب .. افضل من انك تدفع فوق الف ريال عليه وما تطلع المشكلة منه ..

نظفت بوابة الهواء ببخاخ أسي ديلكو ولافاد ، وفلتر الهواء غيرته وغيرت البواجي وفلتر البنزين وغيرت منظم وحساس الهواءولافاد ، بعدها حطيت علبتين منظف بخاخات متسوبيشي ولافاد،بعدها وديتها الوكالة ونظفوا لي البخاخات ولافاد ، بعدها رجعتها للوكالة وفحصوها يومين كاملة وكل شوي أرجع أشيك عليهم أشوفهم شغالين في السيارة وألقاهم شغالين حتى الكفرات والجنوط بدلوها لي بسنتافي ثاني وطلعوا يجربون السيارة ولافاد ، وأفادوني أن جميع الحساسات سليمة وبطن السيارة من عكوس ومقصات ومساعدات . . . إلخ سليمة ، بعدها برمجوا القير والماكينة ولافاد ، وعجزوا عن وجود الخلل .

اذا الكتمه تستمر معك وماتجيك الا اذا شديت على الموتر
شيك على دبات التلوث يمكن مسدودة وكم ماشي موترك ؟

رح اي محل شكامين ولا تفرغ الدبات لانك مو متاكد لكن خله يفك الشكمان ينزله شوي ورح جربها اذا راحت معناته من دبات التلوث يا تغيرها او تفرغها

الكتمه ماتجي إلا إذا كنت ماشي على مهلي،أما إذا كنت شاد ماتجي.

جرب هذي الطريقه . حط زيت هيدروليك مع البانزين علبه صغيره وشوف الفرق

حلت المشكلة ولله الحمد بتغيير زيت القير 
الحمد لله