أضف سؤال أو موضوع جديد          

غيرت بطارية التورس وحصل هالشي

up 3 down 0
bandar_qassim 640
قبل سنه و 2 شهر



انتهت بطارية السياره وغيرتها ببطارية كورية اظن اسمها primal ضمان سنه
كانت مراوح السياره قبل شغاله علطول مع المكيف
بعد ماغيرت البطارية صارت تشتغل المراوح اذا وقفت السياره مع تشغيل المكيف لكن قبل كانت شغاله تقريبا علطول
هل البطارية لها علاقة بالموضوع ووش الحل يااخوان







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


تقصد اول كانت شغاله على طول بسرعه عاليه مستمره
و الان اصبحت تشتغل مع الوقوف فقط او تشتغل و تطفي او كيف ما فهمت
و كيف عرفت انها لو مشيت تطفي


up 3 down 3
ابو تركي1401 -195
قبل سنه و 2 شهر



ايه نعم اخوي ابوتركي بالضبط نفس ماتفضلت

بالنسبة لاستفسارك كيف عرفت انها تطفي بالمشي لان صوت مراوح التورس عالي
يعني تسمعه على سرعات بسيطه مثل 40 او 60
واذا وقفت عند اشاره اسمعه تشتغل

بينما قبل اغير البطارية كانت شغاله علطول ماعدا اذا مسكت خط تطفي

هل البطارية له علاقة اول مره يواجهني مثل هالشي


up 3 down 0
bandar_qassim 640
قبل سنه و 2 شهر



امس كنت اتابع باليوتيوب فيديو لواحد متمكن بالكهرباء السيارات اسمه احمد الحربي
ذكر اشياء غريبه الصراحه و مقنعه عند فصل البطاريه و معلومات كثيرة
ممكن اول البطاريه ضعيفه كانت تعطي المراوح و الدينمو اقوى طاقه لها للتعويض
بينما بعد غيار البطاريه رجعت للوضع الطبيعي


up 1 down 0
ابو تركي1401 -195
قبل سنه و 2 شهر



ممكن البرمجة تغيرت بعد فك البطارية


up 3 down 1
ابو محمد بيشه 101
قبل سنه و 2 شهر



انا اشوف ان وضعها الحين طبيعي جداً ولا تحتاج حل 
لأن هذا هو الوضع في اغلب السيارات 
المراوح الكهربائية تطفي في كل السيارات حتى والمكيف شغال اذا ماشي بخط لان الهواء يضرب في الراديتر 
ويقوم بدور المرواح 





up 2 down 0
hussain4 779
قبل سنه و 2 شهر



اعتقد اختلفت البرمجة معك واتوقع يوم غيرت البطارية السيارة كانت طافيه والمفروض تغيرها وهي شغالة لاجل لا يختلف البرمجة معك ع العموم الان السياره راح تبرمج نفسها مع الوقت ممكن خلال أسبوع او اقل ترجع مثل اول والأفضل لو تمشي خط كم كيلو راح تتبرمج 

السيارات الامريكية هذا نظامها من تجربة 


up 3 down 0
088mansour 758
قبل سنه و 2 شهر



ممكن كان في سلك مباشر من المراوح للبطارية وانفصل السلك مع تغيير البطارية


up 1 down 0
الشريف بدر 273
قبل سنه و 2 شهر



مادام الحرارة طبيعية في الوقوف او المشي مع المكيف او بدون فهذا طبيعي 


up 1 down 0
ابو حسين.......... 785
قبل سنه و 2 شهر



على طاري المراوح والبطاريه .. انا خربت بطاريتي الهانكوك الفاشله وقبل ماتخرب باسبوع ولعت لمبتين بالطبلون ومثبت السرعه عيا يشتغل

بعد ماغيرتها بوحده جديده تفاجأت ان اللمبات راحت والمثبت رجع كما كان !!

من باب الحرص فقططط شيكت ع الفيوزات قلت بفكها وارجع اركبها واشوف الخربان منها طبعا علبتين تحت الدركسون وجنب البطاريه

اللي تحت الدركسون لقيت فيوز منقص واحد وصار للشاحن (( مشكله الشواحن غير الاصليه هي اللي تخربه )) وجيت عند كتاوت المروحه بالعلبه الخارجيه حاولت افكه رفض يتحرك نهائي ؟؟؟

بالنهايه فكيته بالغصب ب زراديه وزي ماتوقعت ذايب وملحم على المكان علشان كذا ماطلع الا بالقوة .. ف انصحك تشيك على كتاوت المروحه عندك تراها بأغلب السيارات تجي اثنين واحد للعالي والواطي او مايسمى بالسرعه القصوى والسرعه العاديه .. واتوقع سبب خرابها من البطاريه السابقه


up 0 down 0
ابو هيثم 7 2066
قبل سنه و 2 شهر



ابو منصور 88
سيارات فورد اذا فصلت بطارياتها ترجع لبرمجة المصنع ولا يكون فيها خلل بالعكس تضبط بعض الامور اللي كانت تحصل . حتى في كتيب التورس يقلك اذا حصل لما تعشق ريوس دقه قويه افصل البطاريه وخلها كم ساعه ثم رجعها .




up 0 down 0
ali400ali 222
قبل سنه و 2 شهر



صاحب الموضوع
التورس مراوحها متعددة السرعات
وشكلها قبل ملخبطة لسبب ماء في طريقة الاستخدام
ولما انفصلت البطاريه وركبت الجديده اشتغلت بوضعها الطبيعي تتغير سرعتها حسب حاجة السياره للتبريد


up 0 down 0
ali400ali 222
قبل سنه و 2 شهر



والله كذا افضل تفصل وتشتغل تماتيك ترتاح السياره
اما المراوح شغالة على طول الوقت ازعاج


up 0 down 0
يزيد الشمالي1 57
قبل سنه و 2 شهر



بعد تغيير البطارية رجعت لوضعها الطبيعي


up 0 down 0
business to consumer 1161
قبل سنه و 2 شهر



ماقصرتوا على الافاده

اشكر كل من افادني واعطى من وقته

شكرا جزيلا وفقني الله واياكم والجميع


up 0 down 0
bandar_qassim 640
قبل سنه و 2 شهر