في موقع الحادث القير ما يتحرك لسيارة فكتوريا

و عليكم السلام
لها عدة اسباب
لمبات الفرامل تأكد شغاله او لا فيه حساس خلف دعسة الفرامل اذا دعست فرامل يفتح الحساس
ليسمح للقير بالتحرك تأكد اللمبة اذا شغاله يعني الحساس سليم
بعض انواع السيارات مثل اللكزس معي حاليا حصل مشكله بالمفتاح ما يطلع افصل البطارية و يطلع معي
و يتحرك القير بدون فرامل ممكن الفورد نفس الشيء اذا ما نفع حركة الفرامل
افصل البطاريه و جرب شوف حرك القير و البطارية مفصوله

الله يحييك اخوي ابو تركي..
الحساس جديد مغيره من 6 شهور ولما احاول اعشق اكون داعس فرامل .. الطبلون ولا لمبة تشتغل فيه ولا صوت..
جزاك الله خير على الرد..

فيه قطعه زي الفيوز  لونها معدنيه كذا 
في علبه الفيوزات الي تحت الدركسون. 
فك الفيوز وارجع ركبه. يمكن مرتخي او شي زي كذا 


اذا ماظبط. افصل البطاريه. وروح حرك عصا القير 
والبطاريه مفصوله. يمكن تتحرك معك. لانها 
صارت لناس كثير وجربو هالحركه. وبعضهم ظبطت معهم 


الخيار الاخير.  اذا ماتحركت عصا القير. 


دور لك سطحه. ونش.   يشيل مقدمه السياره. 
من الامام. وتمشي على الكفرات الخلفيه. والوجهيه 
مرفوعه.  

الرجال يقول السيارة فكتوريا يعني دفع خلفي
وش الفايده يشيل الوجهيه و الكفرات الخلفيه ثابته ما تتحرك بسبب القير

صدقت  يابو تركي 

ماانتبهت ،،

في السيارات القير الاوتوماتيك الأرضي يكون فيها زر لون احمر او لون ثاني جنب القير و هذا علشان تضغط عليه تجيب مفتاح او اي شي

تضغط فيه على هذ الزر و يتحرك معاك القير بدون ما تدعس الفرامل.  شوف اذا موجود مثله في الكراون وانا ادري انه قير الكراون علاقي

ماهو ارضي بس شوف وعلشان تقطع الشك باليقين شوف كتالوج السيارة يفيد اكثر.  

انا ما ادري كيف نظام الكراون بس احاول اعطيك حل. 

ادعس فرامل مرات متتاليه.  اجراء اولي

الله يجزاكم خير ... سوف يتم تجارب ما ذكرتموه وراح ابلغكم بالنتيجة أن شاءالله...
برضو لا نستغني من بقية الأخوة المشاركة لتجارب ما يذكره..
الف شكر لكم جميعا أخواني

عبدالله الشفيعي
يقولك انوار الطبلون ما تشتغل لو يدعس مرات متكرره ما راح تعشق السيارة
اذا كان الحساس حق دعسة الفرامل المرتبط مع القير متعطل او معلق ممكن تفيد الحركه
ولكن السيارة تأثرت بحادث حتى انوار الطبلون ما تشتغل ما لها فايدة دعسات متكرره

مشكلتك بسيطه
البطاريه اكيد تغير مكانها مع الحادث شيك على الاصابع
راكبات صح وﻻﻻ وشيك عليها يمكنها انفقعت مع الحادث
وشيك على الفيوزات ﻻن سيارتك ماواصلها كهرباء
واذا كل الامور طيبه بس العصا ماهي نازله
في تحت الدركسون قطعه صغيره دائريه
فكها بمفك - وتحصل داخل الي يعشق القير
عشقه وانتهت المشكله
واذا ماعرفت اقرب ميكانيكي يسويها لك من الدركسون
او من تحت السياره عند القير يقدر يعشق القير
بس تكون ضاغط فرامل عشان ماتدحدر السياره وتدعسه وهو تحتها

اكتب باليوتيوب مشكلة عصا القير المحترف
وتحصل مقطع يوضح كيف تعشق القير من تحت الدركسون

ابشركم انحلت المشكلة...
فحصت الفيوزات لقيت واحد محروق في العلبة اللي جنب البطارية..
غيرته واشتغل الطبلون والسلف وقدرت احرك القير...
شكرا لكل من ساهم برأي.. وشكرا لاهتمامكم... وجزاكم الله خير