مميزات وعيوب الـ تورس
25
3
إضغط هنا للإخفاء
السلام عليكم ورحمة الله وبركاتة
اليوم بكتب لكم موضوع عن سيارتي
بعض مميزات وعيوب ولن اكون متحيز
مميزاتها :
١- جودة في الصناعة الميكانيكية
٢- جودة في خامة الديكور
٣- بدي ماشاء الله قوي مقارنة بباقي السيارات
( ملاحظ قوة البدي في جميع السيارات الامريكية ) حتى الصدامات
٤- عزل الصوت ممتاز
ولما نتكلم عن العزل يجب التفرقة بين عزل الصوت واحساس بصوت الهواء من النوافذ
لان صوت الهواء يعتمد على انسيابية السيارة وصلاحية جلد الابواب ووزن الابواب اذا سبق وانفك الباب
( ولاكن لايقارن بالسيارات الفارهة )
٥- قوة السيارة في التجاوز وحتى طلوع العقبات
٦- قطع الغيار ماقول رخيصه مره لاكن تستحق قيمتها بجودتها ( وان قارنت قطعها الاستهلاكية بسيارات اقل منها حجما وسعرا بتلقاها ارخص منها )
٧- رساوة السيارة ماشاء الله ممتازة
٨- فراملها ممتازة مقارنه بوزنها
٩- توفيرها في البنزين جيد مقارنه بـ الـ ٤ سلندر ( وسط المدينة ) ومقارنة بـ الـ ٨ سلندر في خط سفر
١٠- راحة السيارة مع المطبات والحفر
( بسبب الجنط ١٧ ومقاس الكفر ٢٣٥/٦٠/١٧ مقاس الوكالة )
نجي للعيوب وان شاء الله اذكرها كاملة :
١- ضعف الانارة في الليل
( الحل تغيير العدسة + تركيب زينون اصلي وشمعة اصلية )
٢- المراتب الامامية غير مريحة عكس الخلفيه مريحة جدا ( مراتب الشكل القديم الخلفية اريح من الجديدة ) ودك تسافر وانت راكب ورى هههههههههههههه
٣- مكيفها الظهر مايجمل الا اذا كان على ٥
اما ف الليل ماشاء الله ثلاجة
٤- القير مافيه تبترونيك ( من موديل ١٣ وفوق موجود حتى في الاستاندر )
٥- لمبة السقف ماتقدر تقفلها اذا الباب مفتوح
٦- التكاية دايم تتقطع وموجودة في اغلب التورسات
٧- مرتبة الراكب ماتقدر ترفعها في الاستاندر
٨- المراية الوسطية فايدتها ٤٠٪ فقط السبب لانها مرتفعة السياره من ورى وماتشوف زين
( بالنسبة لي )
٩- المساعدات تغييرها صعب ومكلف مقارنه بالشكل الجديد ( لان يجبرك تفك الفلنجة وتفك كل شي تحس انك مسوي حادث هههههههههه )
تقريبا يغيره لك شغل يد من ٢٠٠ لـ ٢٥٠
١٠- اللحية حق الصدام مزعجة في المواقف والمطبات وفكيتها لدرجة كانت علبة البيبسي تحك فيها
بالنسبة للصيانه
كل ٥ الاف كيلو
اشتري ٦ علب زيت مكينة بـ ( ٨٤ ريال )
والفلتر بـ ( ٢٠ ريال )
والتغيير في محل الزيت بـ ( ٢٥ الى ٣٠ )
وكل ٣٥ الف كيلو
اشتري ٦ علب زيت قير بـ ( ١٢٠ )
والتغيير بـ ( ٢٥ الى ٣٠ )
بدون فلتر مايحتاج
+
فلتر هواء بـ (٥٥ الى ٦٠ ريال ) في محلات قطع الغيار موتر كرافت اصلي
+
فلتر المكيف تقريبا بـ ( ٤٠ الى ٥٠ ) ماني متاكد بالضبط
واتمنى اكون وفيت بموضوعي واعذروني اذا نسيت شي
لايك + تعليقك
دس لايك + تعليقك
ابغى استفيد منكم اذا اخطئت في شي وصححه لي
إبلاغ
الردود
0
0
قبل 4 سنه و 6 شهر