أضف سؤال أو موضوع جديد          

ماهو أول قرض اخذته وكيف صرفته

up 4 down 3
akean 9
قبل 3 سنه و 4 شهر



السلام عليكم

كيف تقسم قرضك وتتصرف فيه دون ان يذهب بدون فايده







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


وعليكم السلام
الدين هم لاكن وقت الحاجه ومجبور بتاخذه
وش تسوي ماحد بيعطيك ريال
اول قرض طلعته قبل 4 سنوات
طبعا مجبور لو بيدي ماخذته
طبعا صدمت بموتري في الباحه وراح تشليح قبل 4 سنوات
وبعته تشليح ب18 الف
ومرمطه اسبوع ودوامي في مكه
وتاشيرة وعلى مكه واخذت تعريف من العمل وعلى البنك الاهلي
وطلعت 60 الف وكان معي غير ال60 الف 50 الف
ومع بيعة التشليح 18 الف
وعلى الصالات وطلعت الكامري الابيض امريكي 2009
جمرك والباقي ضبطت امور زواجي
والحمدلله باقي سنه وانتهي منه وتيسرت
وانصح الي ماهو منحد ولا مجبور
يبعد عن القروض دمار الراتب القرض يلعب في حسبتك


up 10 down 1
الرفاعي33 13910
قبل 3 سنه و 4 شهر



قبل اسبوع يسألني اخوي الصغير قبلوه الامن العام ويسالني وش ياخذ معه ووش يسوي


قلت له لاتاخذ قرض ... ضحك .. قلت لك جد اكلمك لاتاخذ قرض 


وافضل شي يسويه الواحد اول مايتوظف يدخل جمعيات ويجمع


up 6 down 0
شرقااااااوي 653
قبل 3 سنه و 4 شهر



اول قرض من البنك كان ١٣٥ الف ريال عشان البناء

و الحمد لله ما بقي منه غير سنة و يخلص اللهم لك الحمد


up 2 down 0
saud alsulami 30
قبل 3 سنه و 4 شهر



اول قرض لي بغيت اتورط فيه 

كنت ادور شاحنة مرسيدس وكلمني سوداني قالي انه عربن وحدة بمعرض موديل 2004 نظيفة نظافة ماشاء الله وقالي ترى مااقدر اكمل المبلغ خذها لك وكمل الباقي 

حسبتها يمين وحسبتها شمال طلعت صيدة بمعنى الكلمة 

واتواعد مع السوداني ونتقابل بالمعرض ووراني اوراق فحص الكمبيوتر من الصدام للصدام 

يعني اشتري وتوكل على الله 

المبلغ الي معي غير كافي واحتاج تقريبا 60 الف قرض 

المهم لفيت على البنوك وكل موظف يرحب في كاني بخطب من عنده ويجيب لي شاهي كله بس عشان اوقع على الورق 

دوامت عملي اليوم الثاني بطلبهم اوراق تعريف وطلبات للقرض قالو لي لازم تنتظر اسبوع حتى تجي الموافقة من الفرع الرئيسي بالدمام 

المهم تقفلت بوجهي وانا ماابغى غير التريلة المعروضة مفحوصة ومجربة جاهزة للشراء

طبعا المعرض اعطو السوداني مهلة 3 ايام اذا ماكمل الباقي يروح عليه العربون 

فعلا ماجاء اليوم الثالث الا التريلة مبيوعة بمبلغ 94 الف والسوداني حاجزها ب79 يعني بتصفى علي ب77 يابلاش

بعدها بأسبوع غزت علينا الازمة وممكن اغلبكم مر فيها 

طاح السوق بالارض وانلغت عقود نقليات وقلابات ولا عاد في مبيعات 

يعني لو اشتريت كان اسدد القرض من هنا واتفرج بالتريلة بدون شغل وبدون بيعة حتى ترد راس مالك من غير فوائد البنك 

خسارة بخسارة كانت بتطيح علي وحمد الله اني ماخذت قرض وابتلشت 

فكر مرة واثنين وثلاث واستخير قبل لاتاخذ قرض تراه مثل الصبخ ماتطلع رجلك منه


up 7 down 0
عربة للسيارات 1664
قبل 3 سنه و 4 شهر



أنا أخذت قرض واحد فقط وكان المبلغ 165 ألف ريال

كان معي مبلغ وأخذت القرض حتى أشتري شقة والحمد لله شريتها

أخذت القرض نهاية 2007 وسددته بالكامل منتصف 2009

كان بالنسبة لي هم وضغطت على نفسي حتى أرتاح منه


up 0 down 0
أبو عبادة 4851
قبل 3 سنه و 4 شهر



اخذت قرضين الاول ما كان لي ساعدت اخوي ونسيبي في البناء وكملت سنه وسددوني وسددته
القرض الثاني العام الماضي لشراء فله والحمد لله راحت سنة

ودائما انصح اي شاب من اهلي ابعد عن القرض الا للبيت ترا مافيه فايدة وتقدر تدبر نفسك براتبك




up 0 down 0
meshal alharbi 341
قبل 3 سنه و 4 شهر



اول قرض قبل 9 سنوات

اخذت لى ارض وبقى شوي منه وجددت موترى وبسطت عيالى

ثاني قرض اخذته كملت مبلغ عندي واشتريت لي بيت ولله الحمد والشكر

نظامي القرض تاخذه للاشغال المهمه فقط


up 0 down 0
tooty108 59
قبل 3 سنه و 4 شهر



القرض له طريقين .
1- شراء ارض
2- او بناء عقار.

فقط....



up 1 down 0
ابو.نايف999 -6
قبل 3 سنه و 4 شهر



نصحيه لمن رغب يطلع قرض يحطه في شي يستاهل
مثل الزواج اوشراء ارض بناء منزل
لان للاسف كثير من الشباب اول مايتوظف يطلع قرض الحد الاعلى
ويصرفه كامل ع سفريه للخارج وشراء سياره



up 2 down 0
ابوليان1431 399
قبل 3 سنه و 4 شهر




اول قرض لي قبل سنه

كان 140 الف

حطيت 80 الف بمشروع

واستفدت من الباقي سيارة جديدة

والحمدلله المشروع غطى القرض وزيادة


بالنسبه للسيارة غيرتها لانها كانت قير عادي ومتعبه

لو تماتيك كان ماطلعت الا 90 الف للمشروع فقط

لكن الحمدلله تيسرت الامور


up 0 down 0
coco13 895
قبل 3 سنه و 4 شهر



اول قرض كان عام 1424 اخذت 255 الف

كملت فيه المتبقي من بيتي المسلح وتزوجت به والحمد لله غطى وكان ايامها القروض على 10 سنوات



وخلصت ال 10 سنوات وبعدها اخذت قرض ثاني واخذت 274 الف بشتري استراحه جاهزه

اشتريتها ب220

وبعدها صار علي حادث بسيارتي وتعورت زوجتي وبنتي
وكانت المدام حامل والسياره تالف


فاضطريت اصرف باقي المبلغ في الامرين اللي امر فيهم


والان باقي سنه وشوي واخلص



اسأل الله العلي القدير ان يعتقنا من هالقروض


بس زي ما قالوا الاخوان الافاضل القرض للضروره او بناء مستقبل ما فيه شي


لي 13 سنه ادفع أقساط بس الحمد لله


up 1 down 1
حكيم المعاني 10322
قبل 3 سنه و 4 شهر



اعجبتني مواضيعك ي حكيم المعاني مررره روووعه ماشاء الله تبارك الرحمن 


up 1 down 0
نواف الحربي4 326
قبل 3 سنه و 4 شهر



لفت انتباهي موضوع
معلومات دوريه .......للاشارات المروريه
والله معلومات اجمل من حكايه انصحك الكل يقراها 


up 1 down 0
نواف الحربي4 326
قبل 3 سنه و 4 شهر



اول قرض كان في عام 1424 وكان حوالي 274 الف على النظام القديم 10 وبنيت فية الدور الثاني والملحق وسددتة وحاليا ولله الحمد بدون قرض


up 1 down 0
ttt104 428
قبل 3 سنه و 4 شهر



حياك الله اخوي نواف الحربي

اسعدني مرورك الكريم


ودامك حربي فلاززم تمر على مواضيع رفيقك ههههههههههههه ونعم بكل القبايل


up 1 down 0
حكيم المعاني 10322
قبل 3 سنه و 4 شهر



اول قرض اخذته الحمدالله نصفه تزوجت من خلاله
ونصفه سددت دين ومثل ماقال الاخوان
القرض حطه بزواج او بناء بيت
لان الاقساط اذا كان القرض بتحطه بسيارة او شي مامنه
فايده تاكلك ولاتقدر تزبط امورك الماليه



up 0 down 0
ftfr999 271
قبل 3 سنه و 4 شهر



نصيحة اكفل يتيم لمدة سنة ،، وانتظر النتائج وستندهش !!!


up 0 down 0
bassell -3
قبل 3 سنه و 4 شهر