متضرر من التأمين هل يحق لي اشتري قطع غيار وكالة ؟
4
1
إضغط هنا للإخفاء
.
.
.
السلام عليكم ورحمة الله وبركاته
مالكم بالطويله يا جماعه انا بغيت استفسر
عندنا جراند ماركيز موديل ٢٠٠٠ بس نظيف جدا
ومحافظين عليه لمدة ١٧ سنة وصار لنا حادث عليه قبل ٣ اسابيع
الحمدلله الحادث كان خفيف بس تضرر الرفرف شوي و انطعج الجنط
وكان الغلط على الطرف الثاني ١٠٠٪ المهم وسويت الاجراءات الي مابعد الحادث كلها
المعتاده ولكن يوم يوم اخذت تسعيرات الورش لشغل اليد مع قطع غيار الوكالة قالو لي التأمين
مالك حق تطالب تصليح سيارتك بقطع غيار من الوكاله الضرر خفيف على الرفرف ويتسمكر مابنعطيك الا سعر تسعيرات شغل اليد حقت الورش
اما قطع الوكالة مابنعوضك فيها واستفساري هو
هل يحق لي مطالبتهم بقطع غيار وكالة رفرف وجنط ؟
هل يحق لهم اخذ الرفرف القديم المتضرر اذا عوضوني بقطع غيار من الوكالة سواء من جنط او رفرف
واذا رفضوا الا سمكره بس لمين اتجه اشتكيهم ؟
والسلام عليكم
انتظر ردودكم وشوركم يا اهل الخير
إبلاغ
الردود
انا رحتله وفعلا زي ماقالوا بعض الشباب قالي السياره قديمه مايحق لك وكاله مالك الا تجاري
بس الله وكيلكم نشبتلهم نشبه وقلت ما راح اوقع على ورقه الا بقطع غيار اصليه وانا ماعندي الا الرفرف والجنط بس
مالكم حق تطالبوني بتجاري
المهم بالبدايه قالو ٨٠٠ قلت اجل اذا هذا اخر كلام حولوني على شيخ الورش
يوم شافوني صامل رفعوها ل ١٥٠٠ قلت مابتجيب رفرف وجنوط اصليه هالالف وخمس ميه قالوا ذا حقها تبيها ولا حولناك قلت ابد حولوني
قعدوا ربع ساعه يتشاورون مع المدير قالوا ٢٢٠٠ اخر كلام تبي ولا نحولك
قلت بيني وبين نفسي يمكن تفرق عن شيخ المعارض ٣٠٠ ريال بس ماتسوى العنا والروحه والجيه عشان ٣٠٠
ووافقت ويقولون بيودوعونها في الحساب خلال اسبوع
صدقوني اذا شافوك صامل تبي حقك بيعطونك بس اصمل انت وابشر بالخير
0
0
شيخ الورش قدر لك الرفرف والجنط
اذا قدرها لك اصلي تقدر تطالب بها
اما اذا ما قدرها لك ماراح تقدر فقط راح تاخذ قيمة شغل اليد
قبل 6 سنه و 9 شهر