أضف سؤال أو موضوع جديد          

حلينا مشكلة الحرارة بفضل الله.

up 7 down 1



السلام عليكم ورحمة الله وبركاته

طبعا إذا تذكرون موضوعي السابق عن حرارة الماركيز ،، وكانت معلعلتني ،، 
المهم كنت موديه اربع ورش وكلهم يقولون الموتر تمام ومافيه الا العافيه.

ثم قلت بوديه الصناعيه حسب شور واحد موصيني على ورشه ،،
خليته عندهم وثاني يوم قال تعال الموتر خلص

فالبداية كنت اظن رأس المكينة مشعور او مثل كذا ،،
وطلعت الشغله بسيطة اللي هي 

(حساس الحرارة + طرمبة الماء كان فيها خلل بسيط وتم اصلاحها + بلف الحرارة شلته وقلت بركبه مع بداية الشتاء)

جربت الموتر بالليل و بالظهر ،، وماشاء الله الحرارة تمام.

لكن،،،،،،،
المشكلة اربع ورش ولا واحد منهم عرف للموتر ،، لكن الحمد لله انها جات بشغلات بسيطة ولا طحنا في ورشه نصابه كان يكذبون علي ويقولون خرطنا الراس ولا مثل كذا 
وتصير لي خساير بسبب الغش والكذب.
لكن الحمد لله كلها شغالات بسيطة.

واتمنى اكون افدتكم باللي عندي.

وهذا اللي حصل معي ،،
 وصلِ اللهم وسلم على نبينا محمد وعلى آله وصحبه اجمعين.







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


بس البلف مهم الأفضل تخليه لأنه هو يوزن الحرارة بين الماكينة و الرديتر. 

انا هاليومين أعاني الحرارة في الباثفايندر و مريت ورشة رديتر و ورشة اعرفها في الخبر و حتى ون ستوب كلهم اجمعوا انه ما عندي شي 

الحمد لله.  نصحوني ناس اشيل البلف بس أبدا ابخليه دام الحرارة ما توصل ال H ان شاء الله خير. 

كنت بمر الحمراني بس هونت لأنه طلب انيم السيارة عنده و سعر فحصه مبالغ فيه 750 ريال 


up 3 down 0
بدر الباثفايندري 793
قبل 4 شهر و أسبوع



اسدح رقم الورشة وموقعها بالتفصيل خل غيرك يستفيد المواتر تفقعت مكيفاتها مع ذا الحر


up 0 down 1
سند10 1073
قبل 4 شهر و أسبوع



ماعليش اخوي بموضوعك السابق قلت لنا انك مغير طرمبة الموية جديده راجعه امرك غريب بصراحه 


up 2 down 1
نواف الحربي4 330
قبل 4 شهر و أسبوع



رجع البلف نصيحه الفورد ماينفع تفك البلف نهائيا سواء صيف او شتاء 


up 3 down 1
نواف الحربي4 330
قبل 4 شهر و أسبوع



اللي ماهو مصدق يراجع موضوع السابق  عبد الملك المشتري الدوسري 


up 0 down 1
نواف الحربي4 330
قبل 4 شهر و أسبوع



وحساس الحرارة لخرب عداد الحرارة مايرتفع توي فاصله اللي ماهو مصدق يفصل الحساس راح يطفي عداد الحرارة  رجع البلف نصيحه ماراح تختفي الحرارة الا اذا رجعت وانت بكيفك 


up 1 down 2
نواف الحربي4 330
قبل 4 شهر و أسبوع



ترا البلف مهم جدا وابحث مقطع فاليوتوب عن الغاء بلف الحرارة وراح تغير رايك


up 3 down 1
ابو حسين.......... 369
قبل 4 شهر و أسبوع



نواف 
طرمبة الماء جديدة .. لكنها مجددة .. لذلك صار فيها مشكله

وغلطت اني ركبت مجدد .. والله المستعان

بخصوص بلف الحرارة عارف فايدته .. وان شاء الله خير.


up 0 down 1



لو مجدده ماتخرب من يومين كان من تركبها يبان المهم الله يوفقك 


up 0 down 2
نواف الحربي4 330
قبل 4 شهر و أسبوع



طيب وش المشكله الي كانت فطرمبة المويه وصلحتها


up 1 down 0
شويخ من أرض مكناس 2739
قبل 4 شهر و أسبوع



مشكور على طرح تجربتك

وياليت تكتب لنا اسم الورشة وموقعها , ما احوجنا للي مثلهم لأن الأمانة قلت من اصحاب الورش الا ماندر للأسف.


up 0 down 1
fsam 211
قبل 4 شهر و أسبوع



انصحك اهم شي الثرمستات ( بلف الحرارة ) ركبه ، هو الضمان بعد الله 
للتأكد مسار دورة التبريد صح او خطأ
اذا صح يفتح ويسكر لا تخاف 
اذا ركبته وموجودة الحرارة المشكلة لازالت موجودة


up 1 down 0
hemi_392 332
قبل 4 شهر و أسبوع



اخوي في حل اسهل لبلف الحراره

انك تفكه وتعمل له خرم بالدريل تشوف ريشه صغيره واخرمه وانسى الحراره باذن الله

الطريقه هذي طبقتها على الديماكس كانت اقل من النص والان ثابته على الربع في الليل و النهار

بس الخرم يكون صغير ولا تزود عن خرم واحد
لاني سويت اثنين ونزلت الحراره كثير رجعت لحمت واحد منهم


up 1 down 1
تعبت ادور راحتى 155
قبل 4 شهر و أسبوع



رجع البلف قسم بالله البانزين بتزيد صرفيته و اتوقع انك لاحظت


up 1 down 0



طالما فكيت البلف فماهو دليل انك صلحت الحراره
 و اصبحت طبيعيه.
لانه اكيد بتنزل الحراره حتى لو فيها خلل.
 رجع البلف و شوف اذا الحراره 
تمام معناته المشكله من اللي قلته من طرمبة الماء 
و حساس الحرارة.  اما اذا مازالت المشكلة موجودة 
فالمشكلة ما انحلت و ممكن فيه شيء  ثاني . 
اما نفس البلف فيه مشكله او مسكلة اخرى. 
 


up 0 down 1
amer ahmed 313
قبل 4 شهر