تحديث مشكله طقه الاكسبديشن على سرعات منخفضه. هنا الحل

4 2

لايمكنك التصويت حتى الحصول على 20 نقطة على الأقل
إضغط هنا للإخفاء

midnight_963 679
قبل 7 سنه و 4 شهر

السلام عليكم شباب
تحديث لموضوعي السابق عن طقه الاكسبديشن لما تهدي السياره لمطب او لفه ثم تعمل تسارع من جديد
بعد بحث دقيق في المواقع الاجنبيه . وجدت ان هالمشكله موجوده قديما من موديلات 2004 وقبل نفس الوصف بالضبط ووصف دقيق. وجدت من حلول الاعضاء ان السبب من ترس داخل عمود الكردان يحتاج ينفك العمود وفكه سهل في ورش متخصصه ويتم تشحيم الترس المتصل بالقير (او الدفرنس الحقيقه مو متاكد ). اكثر من عضو اكدو انهم سو هالحركه واختفت الطقه نهائيا . وبعضهم ذكر انها اختفت اكثر من 3 شهور بس في احتمال عودتها لسبب اذا احتاج الترس تشحيم مره اخرى. واكدو من خلال المنتديات ان فورد بكبرها اصدرت نشره (وليس استدعاء ) ذكرت فيه انه اذا حدثت الطقه فهي بسبب الترس اللي داخل العمود يحتاج تشحيم. واستغرب اغلبهم ليه ماحطت فورد صره خاصه حق تشحيم الترس كل مااحتاج لذلك بدل الفك كل مره . طبعا الان نحتاج نعرف ورش متخصصه في فك وتركيب عمود الكردان ونشرح لهم وش المطلوب بالضبط.
ملاحظه. هذا الكلام من خلال بحثي لحل مشكله طقه الاكسبديشن مثل ماهو مشروح من قبل مني ومن الاعضاء وممكن يكون الحل او لا ...اتوقع انه هو السبب الرئيسي للطقه ولااجزم بذلك عشان كذا لازم اكثر من عضو يجرب.
واللي يعرف ورشه ممتازه لفك العمود بالدمام ياليت يفيدنا . ومشكورين
بحط روابط المنتديات اللي بحثت فيها وهي بالانجليزي وفي ها صور للشرح
شكرا واسف على الاطاله

https://www.ford-trucks.com/forums/829718-clunk-when-accelerating-from-complete-stop.html

http://www.frontiernet.net/~jmray/F250SlipYoke.htm

http://www.eurekaboy.com/f250/slipjoint.htm

إبلاغ

الردود