أضف سؤال أو موضوع جديد          

ماهو الحل مع سيارة جراند ماركيز 2008 لوحات دبي لاهنتم

up 3 down 0
bander03 140
قبل سنه



السلام عليكم ورحمة الله وبركاته

الله لايهينكم عندي استفسار و ان شاءالله القى مساعدتكم اخواني

انا معي جراند ماركيز 2008 لوحات دبي

له عندي سنتين واخر تجديد استمارته من سنة بالضبط والموتر ماشي معي وهو يعتبر سيارة ثانوية وعندي جيب ما استخدمه الا للسفر

طبعا الاستمارة باسمي و عندي هوية اماراتية و كل شيئ سليم

بس لي فترة تقريبا 5 شهور ماحركته بسبب اللي سمعته من قرار منع السيارات اللي بلوحات خليجية
حاولت ابحث واتأكد مالقيت علم اكيد كل واحد سأله يقول عادي دامها باسمك و في واحد اعرفه حجزوا سيارته عشان لوحاتها كويتيه ومادري وش صار عليه احاول اتصل عليه جواله مقفل
وقريت موضوع ان واحد كل شوي المرور موقفه عشان لوحة سيارته من دبي و قريت بعد من تويتر ان السيارة اللي لوحتها خليجية لازم تتعدل اما تكون سعودية او تخرج خارج السعودية وترجع لبلدها

الحين وش رايكم ولاهنتم ابي حل هل أبيعها تشليح كامل أو فيه احد يحولها سعودية والا وش الطريقة
بيعتها في الامارات مافي وقت أبد اروح ابيعها خصوصا دوامي وضعه مايسمحلي.

لاهنتم أفيدوني وش الحل الله يحفظكم









إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


في انتظار الردود للإستفادة من الاخوان ..
لأن معي بطاقة اماراتية وافكر آخذ سيارة من الامارات :)


up 0 down 0
كحلي 306
قبل سنه



اخوي انا مو ضد النظام لكن بالعقل والمنطق وبكل مايحتويه العالم اجمع من عقلانيه وتعقل وووو ...وش تبيني اقول كل العالم عندهم قوانين والسعوديه قوانين اخرى.....انت سيارتك لوحات دبي وبطاقه مدنيه هويه دبي والسياره مجدده ومفحوصه واوراقها سليمه...سؤال بري ليه ماتقدر تمشي فيها داخل السعوديه اذا انت نظامي (نظاااامي ) ..ماعمري سمعت في اي بلد مواطنيها يستخدمون سيارات دول ثانيه وقالو لهم اطلعو (ولو فيه اقدم اعتذاري واعترف لكن ماعمري سمعت مثل هالاخبار ) قد اكون مخطئا لكن اللي اعرفه اذا انت اوراقك سليمه ليه المنع...ممكن لو الاستماره منتهيه اتفق مع النظام اما اوراقي سليمه مافي اي مبرر للمنع اتوقع اجتهاد فردي (ضعيف واحمق ) كالعاده من رجل المرور اللي ماعنده غير كلمه ممنوع.. لكن نظام مكتوب مااتوقع موجود ولو موجود مااقول الا حسبنا الله ونعم الوكيل...منعو الاستيراد 5 سنين ومانفع ثم طلعو نظام كفاءه الطاقه اللي قصم ظهر البعير وان شاء الله مايعوقنا من الاستيراد...نصيحه لك اذا سالت شرطي مرور عن المنع راح يقول لك دون مايناظر فيك (ايه ممنوع ممنوع وهو مايدري عن الطبخه ) . انت امشي عدل يحتار فيك عدوك اوراقك سليمه فحص سيارتك سليم ..وقفوك ..ليه المنع؟ ؟ ؟ ؟ ؟
اسف على الاطاله والانفعال لكن جد شي يحرق...
تعليق اخير . في ناس يقولون منعوهم بسبب ان البعض ياخذ لوحات دبي ويستخدمه ضد ساهر في قطع الاشارات والسرعه وخلافه ...ردي اقول لهم انت بكلامك قاعد تهين المرور عندنا وكانك تقول مافي مرور بالشارع (والحقيقه فعلا مافي من حطو ساهر وهم بالمكاتب ). وان صار هالشي فهو فعلا بسبب ضعف المررووور لانه لو عندي لوحات اي دوله وماعندك نظام مروري صحيح تستاهل الفوضى اللي تصير عندك
بالتوفيق


up 10 down 4
midnight_963 538
قبل سنه



يامرحبا بالجميع

أخوي ميدنايت

في قرار نزل ولكن مبهم وغير واضح
والجرايد مع الاسف تنقل اخبار ولا تتعمق بالتفاصيل
وقرأت بتويتر لاستفسار احد الاشخاص للمرور بتويتر وقال انا سيارتي لوحات خليجية وكل شي سليم هل يطبق النظام علي
رد المرور ان السيارة التي لاتحمل لوحات سعودية يجب جمركتها او ارجاعها الى مصدرها

حاولت اتواصل مع أكثر من شخص بالمرور وكل واحد يعطيك من راسه

مع الاسف غير واضحه الامور نهائيا

وعلى فكرة انا شريتها لاني كنت اتردد دايم على دبي للعمل ومابي اهلك موتري الاخر.

الله يعين


up 0 down 0
bander03 140
قبل سنه



على فكرة أخواني

رحت للمرور وطلبت اسجل بيانات السيارة عشان تنزل مخالفات ساهر عليها لكن العسكري قالي ماعندنا هالنظام وكل واحد يحولني على أخر

مع العلم ولله الحمد ولا مخالفة على حصلت عليها من سنتين الا مخالفة تضليل فقط وسجلت على هويتي السعودية


up 0 down 0
bander03 140
قبل سنه



امشي بالسياره دامك نظامي والهويه الاماراتيه معاك ولا عليك شي


الحين المرور اكتشف ان فيه سياراات لوحاتها خليجيه
ويستخدمونها سعوديين ولها اكثر من سنه داخل السعودية
حصلت مع احد اصحابي راح يسافر خارج السعودية
رفضوا وقالوا له يوجد مسجل بالجهاز مسجله بالجواز
دخول سيارة بلوحات خليجية قبل سنتين ولم تغادر
هذه السيارة يجب عليك اخراجها مره اخرى وارجاعها
او تحويل لوحاتها الى سعوديه .


up 1 down 0
ftfr999 269
قبل سنه



السيارة ورده مشاء الله حرام تبيعها تشليح


up 1 down 0
أبو حظيظ 67
قبل سنه



حبيبي شوف لك سياره نفس موديل سيارتك ونفس النوع ونفس اللون واشتريها وخذ لك وحده طبعًا مصدومه ومبيوع قطعها بشكل كامل عشان تأخذها برخيص مره وتكون سعوديه لوحاتها وانقلها باسمك بطريقتك في المرور بواسطه عشان الفحص وكذا وثم ياطويل العمر روح لورشه وبدّل رقم الهيكل حق الاماراتية بحق السعوديه وبس
طبعًا الطريقه يبي لها صبر وتفرغ لكن بالاخير ماتخسر سيارتك لأنهم يدورون الزّله ويحجزونها وتروح عليك


up 4 down 1
c a p r i c e ss 252
قبل سنه



الله يجزاكم خير و يوفقكم

اشكركم على تجاوبكم


up 0 down 0
bander03 140
قبل سنه



موضوعك متشربك . . . . .

أولاً حسب اتفاق الرياض 2014 ممنوع حمل جنسيتين من دول مجلس التعاون يعني أنت لو تروح للجمارك أو المرور

وتبرز هويتك الإماراتية فراح يحولونك للمباحث عشان تخير بين الجنسيتين السعودية والإماراتية

ثانياً : السيارة لم تقم بجمركتها أول ماشتريتها ووقت ماهو مسموح لموديل 2008 ,,,,, وهذا خطأك

ثالثاً : لو تروح الآن للجمارك لتحولها للوحات سعودية فلن يقبلوها لأن موديلها تجاوز الـ 5 سنوات وراح تحول للحجز

مالك إلا حلين لا ثالث لهما . . . . .

1- ترجعها للإمارات وتبيعها هناك

2- دور لك على تشليح ( بالخفاء ) يشتريها منك


خارج الوسط الرياضي

اخوي الموضوع متشربك عندك ياغالي

الهوية الاماراتية اسمها مقيم و تطلع للناس اللي لهم شغل او يعملون بالامارات يعنى من الاخوة الاحانب بالسعودية تصرف لهم هوية ومالها علاقة بالجنسية

انا كنت بالامارات عمل و شريت سيارة باسمي نظاميا و لا تمنع الانظمة في السعودية هذا الشي لكن مع الاسف صدر قرار ولا نعمل حقيقته لانهم مبهم وغير واضح
ومن بعدها صار التدقيق على السعوديين اللي يملكون سيارات بلوحات خليجية وهذا شي لانعترض عليه ولكن اللي وضعه نظامي و رسمي وش الحل
لان ناس واجد جابوا سياراتهم من دول اخرى ونظاما
بس طلع شي بعد ذلك و صار ممنوع
يعنى الشغلة شوي حوسه مافي شي واضح
ان شاءالله وصلت المعلومة


up 0 down 0
bander03 140
قبل سنه



الي اعرفه في استثناءات بالقرار حق الجمارك هم طبقوا النظام الي اذكره عام 2010بس ماني متاكد من التاريخ
وكثير ناس شارين سيارات قبل القرار وسولهم استثناءات بشرط انه يجيب مايثبت انه شاري السياره
قبل القرار حق الجمرك الي هو ماتتجمرك السياره اذا عمرها اكثر من 5سنوات
اذا انت شاريها قبل قرار الجمارك انه السياره لازم تكون اخر 5موديلات
يمديك تعطيهم مايثبت وتمشي امروك باذن الله

المشكله اذا قال وينك كل ذي المده
اوانتهت المده حق الاستثناءات اذا كان لها مده
او الموظف توه متوظف ولايعرف شئ


ملاحظه قرار الاستثناء كان يخص الطلاب الي يدرسون بالخارج
الي شارين سيارات قبل القرار
اما دول الخليج مدري بس اتوقع نفس الشئ حالهم من حال الي يدرسون بالخارج
لان القرار شامل للجميع


up 0 down 0
d7ooom777 454
قبل سنه



لا انا شاريها بعد القرار وماكنن ابي اجمركها لاني كنت كثير اروح دبي لعمل


up 0 down 0
bander03 140
قبل سنه



اخوي خد العلم الاكيد عشان ماتنحجز السياره اول شي لازم تكون اوراقها جديده وثانيا والاهم لازم كل ثلاثه اشهر تطلع بها الامارات تسوي دخول لنه من تضل اكثر من ثلاثه اشهر تعتبر غير نضاميه حتى لو كانت اوراقها جديده انا عندي سياره لويح دبي وكل ثلاثه اشهر اطلع بها الجمرك وارجع والله هم دق المشوار عشان اسوي خروج للسياره وبهدي الطريقه مستحيل احد يوقفك في نقطه تفتيش ياغالي


up 0 down 0
adood ali2013 324
قبل سنه



اخوي adood ali
مشكور والله . اذا النظام تطلعها كل 3 شهور انا اشوف قرار منطقي جدااا جدااا. اما تطلعها كل 10 ايام هذي المشكله.. شكرا على المعلومه القيمه


up 0 down 0
midnight_963 538
قبل سنه



الله يسعدك اخوي adood ali
معلومة مفيدة اول مرة اعرفها

الله يجزاكم خير جميعا


up 0 down 0
bander03 140
قبل سنه



اكبر ظلم من الجمارك السعودية هو منع دخول سيارات تعدى موديلها ٥ سنوات كل هذا من اجل ارضاء الوكيل
لماذا لايسمح للمواطن ان يستورد سيارة خاصة له في السنة الواحدة ويمنع ذلك عن الكميات الكبيرة التي يقوم بادخالها تجار السيارات فمن غير المنطق منع الفرد من الاستيراد طالما كانت موافقة لشروط المقاييس نرجو النظر في هذا الموضوع


up 0 down 0
محب السنه 221
قبل سنه



الله يسعدكم جميعا


up 0 down 0
bander03 140
قبل سنه



يا بعدي انا املك سيارة نوع مرسيدس لوحات دبي
لها معي 3 سنوات ولا كد احد قالي شيء واستخدمها يومياً ولا اخلي مكان ما اروح له
كلها اشاعات مغرضة لحاملين لوحات دبي والحسد الي فيهم نسأل الله السلامة
والدنياء يا بعدي ماهي فوضى شاري الموتر بحر مالي وبطاقتي بمخباتي محد يقدر يفتح اثمة
والله انت قاهرني الصراحة موقف الموتر 5 شهور هههههههه



up 0 down 0
outlook_1 -2
قبل 11 شهر



والمعلومية السياره لها 3 سنوات داخل السعودية ما طلعت وتوي مجددها فاحصة فحص عادي بالفحص السعودي ومودي اوراق الفحص
للامارات بالطيارة رايح مع واحد يبي يشتري سيارة ومجدد الاستمارة علشان اذا بغيت اشتري سيارة ثانية ما تتركم مخالفة التطويف واذا بغيت تفحص بالسعودية لاتنسى
تدخل على العسكري الي يكون بالفحص يختمها لك وبس الامور سهله وانتم مصعبينها خخخخ


up 0 down 0
outlook_1 -2
قبل 11 شهر