أضف سؤال أو موضوع جديد          

التقفيل على مفتاح السيارة موقف طريف

up 18 down 5
الفارس المتألق 141
قبل 2 شهر و 2 أسبوع



السلام عليكم 
كيف الجميع أنا من عشاق هذا المنتدى  و لا يمر لي يوم إلا و أقوم بالدخول 
له المهم لي فتره حاب أنزل موضوع عن موقف حصل معي في مفتاح السيارة 

المهم راح أحكي لكم موقف حصل معي معزبكم عنده فورد كراون فكتوريا توني مطلعه وكالة عام ٢٠٠٢ 
ومبسوط فيه و متكشخ فيه هههههههه المهم جاني يوم شغله لازم أخلصها و يبغالي أطلع جنوب الرياض 
المهم طلعت لأحد المحلات مهوب بعيد عن طريق الخرج لشراء أغراض المهم تجيكم السالفة  الوقت كان حول الساعة ١ الظهر و في عز الظهر الجو حر و النفسية ماش 
و درجة الحرارة طاقة ٥٠ و الواحد بس همه يخلص شغله و يعود أنا وصلت لطريق الخرج ووقفت عند المحل المطلوب نزلت من السيارة ومن العجله فيني و الحماس قلت أبخلي السيارة شغالة و أبنزل 
و أنا دايم إذا جيت أنزل أقفل الباب كذا سبحان الله تعودت و يوم نزلت زي العادة أصبعي يحكني و قفلت الباب من الزر الداخلي و يوم تقفل الباب و سكرته توني أصحصح و أستوعب و ينقلب وجهي و الدنيا حر و الموتر شغال و البيت يبعد ٦٠ كيلو 
و أفكر وش الحل و قلت مالي إلا أكلم صاحب المحل ينتبه للموتر و أنا أبركب تكسي و أطلع للبيت ٦٠ كيلو رايح و ٦٠ كيلو راجع حول ساعة و أرجع و ألاقي الموتر الحبيب موقف و أفتح الباب و أنا في قمت السعادة و أوجه بعدها للبيت .

حبيت مشاركتكم هذا الموقف الطريف مع أنه قديم لاكن لم يخرج من الذاكرة و دايم صرت أنتبه علشان ما أتورط زي ذاك اليوم ههههههههه

أتمنى تشاركونا قصصكم أو موقف حصل معك في مفتاح السيارة وش سويت وقتها للإستفادة 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


ياشين مواقف المفتاح الي تجي بوقت فيه حر شديد والا برد شديد والا مسافر .

حصلي موقفين ما انساهم .
الاول : كان بنفس وقتك 2002 توني شاري كابرس 2002 امريكي فرحان وبعدين للاسف اطالع بالبطاقة المعدنية الي بفتحة الباب الا ومكتوب صنع استراليا ! طلع خروف .
ماهو ذا الموقف ، الموقف كنت جاي فيه مسافر ومعي الوالده الله يرحمها ويسكنها الجنه ، نزلت احد المحطات واخذت تنك كيك وشابورة واحطها بالشنطه بالقوه لانها مليانه عفش ومع الحماس حطيت المفتاح على جنب وارتب محل لهم واقفل الشنطه اثاري قفلت على المفتاح واتبهذلويضيق صدري علشان معي الوالده وبعد ساعتين من الطفش قلت بفك المرتبه الي ورى واحصل خلف التكاية فتحه توصل للشنطه واسحب اغراض وافتح طريق واعصر نفسي وادخل اتلمس المفتاح واحصله ، لكن اكتشفت لاحقاً انه ماكان له داعي ادخل الشنطه فيه واير بمعلاقه تسحبه ويفتح الشنطه !

الموقف الثاني مع موتري الحالي فكسار ومفتاح بصمه رايح الشرقيه وعلى البحر قلت بخلي ملابسي داخل السيارة واحط الريموت فوق الكبوت عند المساحات .
انبسطنا سبحنا بعدها فتحنا السيارة ولبسنا ومشينا ونسيت اخذ الريموت من فوق الكبوت ومافيه مسافة علشان كذا فتح واشتغل عادي طلعنا الى الشقه المستاجرينها وبالطريق لها اطالع الا اشارة مفتاح تاشر بالطبلون (يعني طاح الريموت بالطريق) واتذكر وارجع ادور طول الطريق رايح جاي وليل حتى الفجر مالقيناه والاسبير بالرياض بالاخير اضطرينا نكسل الايجار ونخلص امورنا ونمس الخط طالما السيارة شغاله وما وقفت الا بالرياض رغم السهر والتعب والارهاق وكان هذا اصعب موقف صارلي خايف تطفى السيارة ثم رقعها ماعاد تشتغل الابالمفتاح يعني سطحه وشغلات .


up 1 down 0
ابو لؤي2017 53
قبل 2 شهر و أسبوع



هههههههههه هههههههههههه الله يستر عليك ي  ابو لؤي ويرحم موتانا وموتى المسلمين 


up 0 down 0
نواف الحربي4 306
قبل 2 شهر و أسبوع