تورس 2015 مشوراتكم

وعليكم السلام ورحمة الله وبركاته

إنت الحين تشوف سعرها نازل ؟ 105 الاف ؟ سعرها وصل 62 الف للسياحي إلا عاد إذا إنت تقصد الفل كامل هذا شي ثاني

أتوقع سبب نزول سعرها إنها مخزنة وثاني شي الطلب عليها قليل إلا إذا نزل سعرها .. لإن المنافسين كثر

اذا لمتيد تمام سعرها
لان ال16 اصفار لمتيد ماينقص عن 125 الف

طيب وش فئتها ؟

لمتيد انا شاك فيها شي سعرهاا موب طبيعي

انت اذا معجبتك فترى سعرها لقطه
من حقك تفحصها فحص كامل وبعدها قرر
وترا والله المتيد رووعه وفرق بينها وبين الفئات الثانية
سعرها سعر 16 نص فل بدون فتحه

انا مريت توكيلات الجزيره في رمضان
موديل ٢٠١٥ ليمتد فل كامل ب ١١٦٠٠٠.      يقول كان ب ١٥٥٠٠٠
ومريت صالات لقيته بدون فتحه ماشي ٣٢٠٠٠ ميل شبه جديد ب ٧٥٠٠٠

الله يعطيك العافيه مشكور

انا مدري بحثت في الموضوع لقيت الناس تقول ان بعض السيارات متعرضها لسيول مدري احد عنده خبر ب ذا الموضوع

لا لا فكرة السيول شيلها من تفكيرك
بس لايكون لونها احمر ولا ازرق وداخليتها اسود
لان اللون يلعب دور في السعر سواء داخلي،ولا خارجي
لاتقولي لونها لؤلؤي وداخلية بيج

الفحص يبين.  واذا كان في الوكاله.  الغاليه ب ١١٦٠٠٠.  الليمتد. فاكيد في المعارض اقل
انصحك بصالة العوهلي.  يجيبون سيارات نقوه.  وتقدر تطلع تقرير كارفكس
العوهلي يغير قماشات ويغير زيوت اول مايجيب السياره.  عندهم ورشه.       وناس تخاف الله.  سبق التعامل معهم
حتى الصره غيروها.     يقول اكسب ٢٠ الي ٢٥٠٠٠ ليه استخسر ١٠٠٠ ريال في صيانة السياره
لكن بعض الصالات يشلح منها. خاصه.  مجموعة السلام.  مزايا.   وبعض الصالات الكريهه.    وهذا بذمتي 
واللي افضل من الصالات.  تبحث عن مستخدم.   محافظ عليها    لكن الصالات.  تضمن المحركات ٣ سنوات 

داخليه كله بيج في لون احمر و اسود انا حصلته في معارض موب صالات

انا بحثت فيها لين طفشت 
التورسات اذا جاتك ضمان سنة فقط وسعرها اقل من السوق
فهذي فيها مشكلة يا من الشحن 
ما ادري اش علتها فيحطون عليها عروض 

اما اذا جاتك ضمان ٣ سنوات تحت ضمان توكيلات الجزيرة
هذي كويسة 

خذ رقم الشاصيه و روح الوكالة اسألهم تدخل الضمان او لا 
بالنسبة لسيارات فورد اللي تعرضت للسيول ( التوروس و الفيوجن ) ما تدخل ضمان الوكالة 
ضمانها يكون على شركة ناسي ايش اسمها بس ماهي الوكالة و يكون سنه او 30 الف الضمان 
و ضمان الوكالة 3 سنوات او 60 الف 

انتبه من التورس 2015 حق المعارض انا ماخذ 2015 سياحي قبل سنة من العرض بسعر اقل من السوق بكم الف

اخذته جديد وطلع ضمانه مايدخل الجزيرة جاته عاصفة رمليه

ياشباب انا شغال بالمعارض 
قدام عيني تورس من اشهر المعارض بمعارض النسيم 
مرشوشه كبوت ورفرف وصدام 
وخوينا شرا وحده والله مرشوشه كامل وفحصها طلعت مرشوشه كامل
انتبهووو في دفعه مضروبه

موجوده في معرض دبي بالنسيم مريت وشفتهم ٢٠١٥

اي والله حصلته صارت اغلبه متعرضه للسيول