طقه قير الاكسبديشن من الاول للثاني بسرعه منخفضه هل من حل

نفس الشي. بالتورس

شيك ع الصليبات

كانت عندي نفس الطقه في حمس وطلعت من الصليبات تعبانه وغيرتها عددها 2

للمعلوميه الصلبان بالقير الاوتوماتك علامات اعطالها لما تكون السيارة واقفه وتحطها في D اذا سمعت صوت طقه تحتاج تغيير وكذالك اذا حطيتها ع R

انا مدري كم موديله اذا من القديم شوف مقصاته وعضلاته 

فيه حساس اسمه السيلونيد اذا خرب يسبب طقطقه اسئل عنه مرتبط بالقير

طبعن هالحساس لو تفحص كمبيوتر مايبين معك 

https://youtu.be/ONAjgjR_5uE
شوف المقطع هذا وان شاء الله يفيدك

ابو مزعل  مخ القير مايسبب نتعه الا في حاله اللي هي سسته او سبرنق لها علاقة بسلامه التغيير عند انكسارها تلاحظ دقة او نتعه بالقير وسبب خرابها الرئيسي الشد على السيارة فقط ومخ القير اذا منسد يسبب تأخر في التعشيق فقط يطول وهو مابدل لان مخ القير مرتبط مع الفلتر وهو اللي يوزع الزيت ع مجاري القير ونادر ماينسد واسباب انسداده عدم التغيير الزيت والفلتر
اذا صاحب الموضوع مهتم بالزيت والفلتر  وضع القير عنده ممتاز 

الاخ نواف الحربي كلامه صحيح
انا عندي نفس المشكله جمس صالون ولها فتره طويله
فحصة كمبيوتر طلع عندي عطل منظم التعشيق الي هو الحساس
واللمبة تشك انجين شغاله فقط تحتاج تغيرها وتروح الطقه ولمبة
التشك انجين .

يعطيكم الف عافيه جميعا . في ناس تقول من عمود الصليب او الصلبان والله مااعرف مكانها وناس تقول الحساس السيلينويد وكل النظريات صحيحه بس نبي التشخيص السليم. انا سمعت انه تشحيم الصلبان يحل المشكله وديت السياره عند واحد متخصص بالشغله قال لي بالحرف العمود مايتشحم والطقه عاديه وطبيعيه حتى نزل تحت الموتر وحرك العمود بيده يمين يسار ومع الحركه تسمع صوت الطقه . وناس نظفو السلينويد او غيرو السبرنقه وانحلت المشكله ولما رحت ور احد يشوف لي السلينويد كلهم اما يقولون لك مافيه شي ليه تبي تنظفه او يقول لك بالحرف مااشتغل هالشغله غريبه والله . نواف سيارتي 2012 بدون دبل قصير والزيت غيرته مرتين على 40 الف محافظ عليه. اتمنى اسمع تجارب وخبرات اكثر . واتمنى تنحل المشكله هنا ومشكورين احلى منتدى

ابو خلودي مشكور على الرد بجرب وبرد لكم خبر . ان شاء الله تظبط

أخوي هذي الطقه معروفه لجميع ملاك الإكسبدشن والغالبيه راحوا للشركه وهو عيب منعي مامنّه ضرر ..
وفيه ناس أعادوا برمجة القير عند الشركه وإختفت مده ورجعت .. لكن ومن تجربه وأنا من ملاّك الإكسبدشن فهي طبيعيه ما تأثر ..

اخوي جاكوار
انا معك بخصوص ان كثير راحو الوكاله وانا منهم وقالو طبيعيه. حتى بعضهم قال لي ماتنفع برمجه القير. انا اتكلم عن اللي جرب حلول ونجحت معه مثل تنظيف السلينويد او تشحيم الصلبان خصوصا للاكسبديشن . بالنسبه للوكاله الحقيقه ماصرت اروح لهم ولا اصدقهم لانه ممكن الحل يكون عندهم ومكلف عليهم عشان كذا يقول لك طبيعيه ولما يخلص الضمان ويخترب الموتر يصلخون جلدك . اكبر حراميه عندنا هم الوكالات لاتثق فيهم ابدا نصيحه

يارجال ريح راسك كل الاكسبدشنات كذا من وكالتها مالها حل

اللي عندي من يوم خذتها وخويي نفس الشي واللي بالدوام كلهم عندهم الدقه

السلام عليكم شباب
جربت حل الفيديو اللي مرسله اخوي خلودي الله يجزاه الخير. للامانه هذي ملاحظاتي
1- حسيت في تحسن بنسبه 70 بالميه. الطقه ماراحت لكن خفت كثير وحسيت الموتر يوزن نفسه اكثر. ممكن تكون الشغله نفسيه من عندي لااعلم بس ممكن يكون هذا الحل . اتمنى من اصحاب الاكسبديشن يجربون الفيديو اللي بالاعلى
2- حطيت الموتر على 1 ومشيت بالموتر خفيف طبعا واهدي وامشي اكثر من مره. لاحظت انه فيه طقه (مع العلم اني بالتعشيق الاول ماغيرت ) معنى هالشي انه احتمال الصوت من الصليب. ادري ان هالشي يناقض النقطه الاولى لكني احط كل الاحتمالات لعلنا نصل الى حل جذري. راح احاول اشحم الصليب في الفتره القادمه واي جديد راح ابلغكم. شكرا لكل من شارك بالتوفيق للجميع

 يعني مانحلت المشكلة شحم الصلبان وشوف 

ان شاء الله اخوي نواف دعواتك :))

السلام عليكم 

يا شباب عندي الاكسبديشن يتاخر يوم اعشق يعني يوم احط القير على Dيقعد 3 ثواني وبعدين تتحرك السياره من ايش تكون المشكله وايش الحل مع ان كل شي سليم ما شاء الله تبارك الله بس هذا التاخير ايش سببه

السلام عليكم
عندي تحديث جديد عن المشكله بس بنزله في موضوع مستقل عشان يسهل البحث عنه
بالتوفيق

موستنج جي تي ار
اعمل برمجه القير في الوكاله ويضبط معك ان شاء الله