فورد اكسبلورر 2010

جرب اذا جيت توقف تحط القير على N واسحب الجلنط بعدين حط القير على P بسرعه كذا ما راح يطق معاك اذا عشقت R اذا سويت هذي الطريقه واستمرت معك الطقه معناته في مشكله شوف ورشة متخصصه في الأمريكي يفيدونك باذن الله

طيب لما تحطه بDوتمشي تغيراته ممتازه ولا فيها نتعه؟ 

السلام عليكم
الطقه بعض احيان بالاكسبلورر عاديه خاصه الريوس اذا لك زمان ما غيره زيت القير غيره
وبعض احيان بالاكسبلورر بالذات اذا عشقت ودعستك على الفرامل خفيفه تسمع صوت طقه
واذا تبي تطمان افحص كمبيوتر انتبه يقولوا لك توضيب وتصدقهم

طبعن هذي قصة واحد عنده نفس مشكلتك ((طقطقه في الريوس) )  فحص الكمبيوتر لم يظهر اي كود مما ادى الى تأخر الاصلاح كثيرا!!
الاسبوع اللي فات قررت اني اغير السيلونيد بعد التوكل على الله مع اني ما صار لي شهرين مغير الزيت والفلتر
جبت الحساس والزيت والفلتر وذهبت لاحدى الورش المتخصصة
تكلفة الحساس من الوكالة بعد الخصم 1199 ريال
الزيت 6 علب + الفلتر + الغازكيت = 300 ريال
اجرة اليد: 200 ريال
ساعات العمل من لحظة دخول السيارة الى خروجها 2 ساعة فقط 
بعد ما انتهى الفني طلعت جربت السيارة وكانت الصدمة!!!!
ما تغير شي على السيارة!! وهنا انجنيت وكان في عقل وطار ودقيت بالزول اللي ركبها
قاللي يا زوووول ازبببر شوي لازم نسويلها برمجة
وفعلا برمجها عن طريق فصل البطارية عدة مرات وتشغيل السويتش عدة مرات 
قال لي يا زووول روح وسوق السيارة يوم وخلها تتبرمج معك من جديد وادعيلي
والله انه دعيتله الله يوفقه طبعن قبل هاالكلام لازم تفحص(( الزيت +صلبان عمود الدوران +كراسي القير))

تكملت الجزء الاخير بعد ماغير الحساس السيلونيد الحمد لله السيارة رجعت تمااام التمام حتى الغيار ما تحس فيه
والريوس احطه مباشرة يشبك بدون طقة ولا تاخير ولا حتى تحس انك عملت ريويس.
المشكلة انحلت والنتايج:
تغييرات القير مثالية
صرفية البنزين قلت
صوت المروحة اختلف عن اول
ارتحت نفسيا
بالتوفيق واهم شي انه اللي يركب القطعة يكون عنده خبرة وركب مثلها قبل ويعرف كيف يبرمجها بعد التركيب!!!

بالنسبة للتعشيقات ممتازة فقط طقة الريوس
الله يعطيكم العافية