أضف سؤال أو موضوع جديد          

نصيحة من نصب ورشة بخضرية الدمام

up 5 down 2
sarrar 107
قبل 3 شهر



صباح الخير

كان عندي مشكلة ان الدركسون ثقيل - بدون صوت علبة الباور المعروف-

مريت 6 محلات في خضرية الدمام مابين كهربائيين وهيدروليك وكلهم اتفقوا على انها علبة الدركسون


طبعاً الي اكتشفته ان اخوانا بالله اي ثقل في الدركسون على طول غير العلبة :)

اتفقت مع محل هيدروليك على انه يحل المشكلة


قال روح جيب علبة دركسون واضبطك

جبت علبة درسكون وكالة ب 500 + 200 شغل يد

بعد ساعه ونص تم التركيب وجلست الماصورة تهرب وفكوها وركبوها وتهرب لين ضبطت من ثالث مره

تم التركيب وايقاف التهريب لكن المشكلة زي ماهي :)

قال اهاااا


دقيقتين واحل لك المشكلة


فصل سلك وشبك سلك وسبحان الله إنحلت المشكلة :)


قلت شاطر : يعني اصلا هذي هي المشكلة لكنك خسرتني 750

قال لا اصلا الطرمبة ماتسحب زيت وهي خربانة


آمنا بالله


مشيت من عنده و20 دقيقه الا الدرسكون ثقيل والصوت حق الباور طلع


وقفت الا مافية ولا قطرة زيت - هرب الزيت كله -


ياعيني سيارة 2012 وتهريب زيوت ؟

رحت لورشة ثانية بالثقبة موصى عليها وشرحت له السالفة

رفع السيارة وطالع فيها وقال كسروا لك راس الماصورة حقت الزيت :)

وخسروك طرمبة ع الفاضي كان المفروض اول شي شيك الكهرباء ثم يشيك الطرمبة

والحين روح جيب هوز الدرسكون اصلي ب 300

خلصها بيض الله وجهه وماخذ الا 80 ريال




ثاني يوم رحت للورشة الاولى


وقلت له السالفة وعطيتة الفواتير (( 80 + 300 )) وفوقها فواتير محلة


وبعد هوشة ورفع صوت و و و و


اخذت الدينمو حقي القديم لأنه سليم وفوقة 400 ريال :)


ملاحظة / مشاكل ورش وتدق ع الشرطة بتجيك دورية وتقول لك رح المركز افتح محظر - وبعدها في المركز بيقولون لك اختصاص المحكمة رح لها ارفع دعوى







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


اول شيئ الله يعوضك
ثانيا موضوع طول بعرض وسالفة ونصبوا عليك
علمنا اسم الورشة على الاقل عشان لاينقص على غيرك جزاك الله خير


up 3 down 0
ولد العرب 175
قبل 3 شهر



قول اسم الروشه واذا عندك رقم العامل عشان الناس تتفاداة علي العموم اغلب الصناعية عايشين علي النصب ويسوون من الحبة قبة


up 3 down 0



الورشة -عالم الهيدروليك -

العامل اسمه - ساري -


up 7 down 0
sarrar 107
قبل 3 شهر



طيب ياخوي عطنا اسم الورشه اللي في الثقبه 
وجزاك الله خير


up 1 down 0
عبدالله 711 712
قبل 3 شهر



تدري ليه النصب ذا كله ؟!؟! 

اولاً ما فيه عماله مدربه .. كل الموجودين عباره عن سباكين طباخين .. وبعضهم اصلاً ما يدري كيف جاء للسعودية ؟!؟!

ثانياً النظام عندنا غلط في غلط اجل بالله واحد انصب عليه عيني عينك والشرطة يقولون هذا اختصاص المحاكم ويقولون ليه 
المحاكم مليانه قضايا وبشر ومشاكل ؟!؟!؟ 

لو مسكوا العامل الحرامي النصاب المرتزق ودقوا خشمه وغرموه مبلغ يخليه يحرم النصب وفوق ذلك سجنوه والله ان 
تلقى بلدنا بألف خير .. لكن للآسف ما تاخذ حقك الا بيدك ولسانك .. كاننا في غابة لا نظام ولا قانون .

وزين منك يا صاحب الموضوع انك اخذت بعض حقك بيدك ولسانك .. ارفع القبعة احتراماً لك . 


up 5 down 0
nasser1430 358
قبل 3 شهر



انا صرت اشتري راحتي بـ150 ريال على ايام السيارات المستخدمة ،،، اي خراب اروح افحص عند ورشة متخصصة وادفع 150 واطلع وانا ضامن وعارف الخراب بالضبط
و اروح اي ورشة ثانية اخليه يضبط الخراب حسب تعليماتي
وبكذا بحسك فاهم السالفة ومارح يقدر ينصب عليك




up 0 down 0
chevrolet zr1 426
قبل 3 شهر



نصيحة لك ولغيرك 

لاتحاسب شغل اليد إلا بعد ماتجرب السيارة ..


على الاقل بتخسر قيمة القطع .


up 0 down 0



خذه نصيحه من اخوك اي شغل في ورشه خل بينك وبين شرط اذا ماضبطت ماراح تاخذ فلوسك اذكره مره سويت دوده من حسن الحظ ان عليها ضمان اهذ يوم ترجع تخرب اكثر من اول قعدت عنده كم يوم اخر شيء رجع الفلوس رحت صلحتها مركز ثاني ورتحت


up 1 down 0



غير كذا حتى لو انت تعرف المشكله في طريقه اسويها

اصير شاك في الخراب ف اذا وقفت عند ورشه خليته يشوف وش العله اذا علمني سالته متاكد قال ايه وسوا فيها الي صانع السياره شرطت عليه اذا ما زانت ماله ريال وماشي عليها الي كان بيلعب عليك على طول يكنسل ويقولك لا خلاص رح لغيري واذا فافهم او بيتعلم بيوافق حل مشكلتك حاسبه ما حلها دق سلف واطلع ولا يشد ريال

اذكر طلع لي صوت جهه السيور ورحت لهم وتفلسف وقال من الشداد واشرط عليه ولا طلع منها وكان يبي 100 وامشي واخليه قام يهوش قلت له متفق معك من البدايه وانت موافق ما اكلت حقك الا خسرتني سعر الشداد


up 0 down 0
hamad_ab 233
قبل 2 شهر و 3 أسبوع



أي مشكلة تجيك حاول تبحث بشكل موسع عنها واذا شافوك فاهم مشكلة سيارتك راح يضربوا لك الف حساب،
بعض السيارات يضرب معك حساس بالقير تروح لهم قالوا لك توضيب قير، منها تعرف انها ورش تعبانة.


up 1 down 0
ikutie 79
قبل 2 شهر و 3 أسبوع