أضف سؤال أو موضوع جديد          

التأني وعدم الاستعجال في مشكلة عدم تبريد المكيف

up 11 down 3
fsam 212
قبل سنه و شهر



السلام عليكم

هذا موقف حصل لي وحبيت انبهكم له
تعطل مكيف السيارة فجأه ويطلع هواء فقط من دون تبريد مع العلم انه كان تبريده ممتاز
ورحت لفني المكيفات يمني وفحص السيارة وقال تحتاج فريون وب 180 ريال؟؟؟
قلت انا معبي فريون للجيب ب 150 ريال أصلي أمريكي, كيف ؟
بالأخير قال 100 ريال وماأرتحت له
رحت لكهربائي ثاني باكستاني وقال الفريون ممتاز عندك مشكلة بالكهرباء ماتوصل للكمبروسور تحتاج كهربائي.
رحت لواحد ثالث هندي أيد نفس كلام الباكستاني.
بالأخير رحت لكهربائي ممتاز ومعروف وفحص الكمبروسور وحصل سلك الكهرباء مقطوع بسبب قربه من السير
طلع الفيش وصلح السلك المقطوع واخذ 30 ريال
لذلك لابد من التأكد من كم شخص والا رحت ضحية لهم.







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


ياكثرهم اللي يقولون ع طول فريون
كل عطل تتعلم منه كثير كثير


up 6 down 0
نوار الوذيناني 664
قبل سنه و شهر



فعلا احيانا نخسر.  مع ان الحل بسيط
قبل ٣ سنوات مالقيت فريون رحت لكهربائي في الحاره قال غير اللي الحار شف التهريب
وكان فعلا عليه اثار.  شريته ب ٢٩٠ اصلي وعلى باكستاني قلت شوف اذا فيه تهريب قبل تعبي،
قال اوك ١٥٠ فريون و٥٠ تركيب اللي والغاء اللي الحار وتنظيف الابره زي الفلتر
قلت ضمان اسبوعين قال اوكيه.   كم يوم وطار الفريون.  جيته بغا يلف ويدور
قلت هاه. فيه مشكله بعيد هناك مايبغى يجي انتا تقول تعالي يامشكله.   عطاني ١٠٠ قلت نعمه
مريت  واحد في الحاره اعرفه قلت طلع التهريب قبل تعبي.   وخليت السياره عنده
جيته  العصر.   لقيته قد عبا فريون.  قلت خسرت نفسك   قال روح اذا شهر ماهربت حاسبني
هربت بعد كم يوم
تدرون وش السبب البسيط.  علبة الفريون.  مصديه.    سبب واضح وبسيط
اللي اكتشفها بالجلويه.    قال شغل يد ٤٠٠ قلت ابشررررر.   وعلى الخضريه // صناعيتنا// وب ٢٠٠ ريال فك علبة الفريون
وركب الجديده وعبيت فريون. والي الان ثلججججججججج
فسبحان الله 


up 5 down 0
عبدالله الشفيعي 1429
قبل سنه و شهر



فريون او كمبرسر
هذي على طول ردودهم
جزاك الله كل خير



up 4 down 0
ali400ali 222
قبل سنه و شهر



والله نفس سالفتك في سيارة اللانسر
واحد مهندس تبريد كان يبغى يغير الكمبرسر 
رحت الوكالة طلبت القطعة وموظف قطع الغيار ضحك وقال لي شكلك رحت عند حلاق 
دور لك على مهندس فاهم لانك اول واحد يطلب كمبرسر لموديل جديد

جزاك الله خير على تنبيه اخوانك
وكل عام وانت بخير


up 3 down 0
عاشق ميتسوبيشي 35
قبل سنه و شهر



مشكور على الموضوع
بس عند الكشف علي الفريون بساعة القياس فإن جزء من الفريون يخرج من السياره
وانت كشفت عند 3 ورش فحاول تزود الفريون شويه بسيطه


up 1 down 1
عمده33 1616
قبل سنه و شهر



أنا مكيف سيارتي انقلب حار رحت لكهربائي قلت شيك على المواصير والليات أول شي شيك عليهن وشيك على رديتر المكيف قال غ
عندك شق صغير ينسم قال تعال اسمع وفعﻻ طلع تنسيم وفك الرديتر ولحمته وجيت وعبى فريون أصلي واﻵن ما شاء الله تبريد ممتاز فأنت قبل تعبي فريون إذا فريونك ناقص تأكد أن ماعندك تنسيم عشان ما تخسر الفريون وقيمة الفريون


up 1 down 0
إلنترااا 271
قبل سنه و شهر



ممكن اعرف الي اكتشف المشكلة في الجلوية اسم محله


up 1 down 0
saudi595 25
قبل سنه و شهر



ابو يمن ...قصة او قصص من النصي والاحتيال
احذرو منهم .....الحوثيين ...والله لعضهم وكثير منهم حوثيه
بس ما يتكلمون يخافون ....فينصب عليك ..ويتقرب الى الله
بالضحك عليك


up 4 down 1
لا للغلاء 520
قبل سنه و شهر



والله ابو يمن فيهم رجال كثير منصحين وفاهمين وثقاة وفيهم غير ذلك.      والدنيا فيها وفيها.  لكن والله وبالله انهم اكثر صدقا من بعض
الجنسيات اللي لا اريد تحديدها. اللي الصادق فيهن ٢ في الميه ياخيو.  وبص حدترتك  اصابعك مش زي بعط
المكان اللي في الجلويه مقابل شركة تويوتا من جهة الشرق.  قريب من مطعم الطيب.    على زاويه


up 4 down 2
عبدالله الشفيعي 1429
قبل سنه و شهر