أضف سؤال أو موضوع جديد          

مشكلة في فورد كراون فكتوريا 2011

up 3 down 3



من عشرة ايام ومن دون سابق انذار المكيف ما يعطي هواء بارد الحرارة ترتفع اطفي السيارة اجيب سطحة اودي الورشة الميكانيكي يقول التماس في الاسلاك اصلح كلش زين , اجي يا صديقي اتعرض لحادث في الوجهية بسيط الحمدلله وقاكم الله شر الحوداث, الحرارة والتكييف طبيعي , امس رحت مشوار بالسيارة اخش بزحمة فجاءة فصل المكيف هواء ساخن والضغط الاربي اي ام بدا يلعب والحرارة ارتفعت, جيت طفيت السيارة ربع ساعة ومسكت خط المطار ورجعت البيت تبريد وحرارة عال العال, انا موقف السيارة عند البيت اشغل السيارة واشغل المكيف يبداء الضغط يلعب وينزل للنص كل 30 ثانية تقريبا , امس شغلت التكييف تمام والحرارة طبيعية والسيارة واقفة , اليوم الصباح بدا يلعب المكيف, احد ممكن يفيدنا عن المشكلة ياريت والله ونحن على ابواب شهر كريم فضيل اسال الله ان يعيده عليكم بالخير والطاعات وكل عام وانتم بخير قبل الزحمة







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


عندك عطل في المروحه الحراره


up 3 down 0
حسي لسي 124
قبل 4 شهر



إذا تعطل مروحه الحرارة فيه نظام في الفورد يفصل المكيف ويطلع هواء حار نظام للسيفتي


up 2 down 0
حسي لسي 124
قبل 4 شهر



بس شغلتها اليومين اللي راحو وهي واقفة بدون مكيف حوالي ثلت ساعة ما راتفعت الحرارة متاكدين من انها مروحة؟


مروحة ولا اسلاك المروحة ولا حساس المروحة؟


جرب ولع الميكف اذا المروحه اشتغلت يعني مروحتك سليمه اذا مشتغلت اشتر حساس حق المروحه


up 0 down 2
faisal0 0 126
قبل 4 شهر



يعني المشكلة اما من المروحة او الحساس؟ مافي مشكلة بالمكيف نفسه , علشان اوضح اكثر لكم , احيانا بمجرد ما اشغل المكيف يبداء المكيف حار والضغط يلعب للنص كل 30 ثانية واحيانا طبيعي


منظم المروحه.   عموما الحر ماينصبر عليه
عليك بالتالي بعد توفيق الله
١/ تشخيص السبب وهو غالبا بسيط لاي كهربائي.  ولكن كي تطمئن.   قم بزيارة ثلاثة كهربائيون.  سيشخصون العله
مر الرميزان او المغلوث اوي اي موزع ثقه خذ اغراضك.   لن يكلفك شغل اليد اكثر من ٨٠ ريال
جايتك ايام نار.    حتى مكيفاتنا السليمه.  تكاد ان تخبط.    عوذه.     


وانت بصحه وسلامه الله يتقبل منا ومنكم صالح الأعمال وكل عام وانتم بخير 


up 0 down 0



بالنسبة مشكلتك
١-شيك على  فريون الكمبروسر 
٢-شيك على منظم المروحه لان لها اكثر من سرعه 
٣ - شيك على حساس الحراره موقعه جنب الدينمو جهة البطارية 
٤-شيك على اسلاك المروحه 


up 0 down 1



الانسان الطبيعي

الحرارة ترتفع طبيعي يفتح الكبوت يتأكد المروحه شغاله او لا

خصوصا انك تقول تمسك خط الحرارة طبيعي يعني مروحه

انا مستغرب من بعض المواضيع مثل كذا ترتفع الحراره يجي يسأل وش السبب

افتح الكبوت تأكد المروحه تشتغل او لا تأكد مافيه تهريب مويه بعدين شاور

انت حتى عند البيت شغلتها ولا تأكدت المروحه تشتغل او لا


شيك على الفيوزات خصوصا فيوز الكمبرسر فيه بلف قيمته 35 ويجي مشبوك في علبه المكيف

صارت معي وغيرتها ومشت الامور بس ودها لواحد كهربائي شاطر
ولا تقتنع بكلامه جرب توديها لاكثر من واحد


up 0 down 2



اخوي سبق حصل لي تقريبا نفس مشكلتك
الي حصل معي الموتر كان كويس فجأة قلب المكيف حار ثم ارتفعت الحرارة 
المهم صار اذا شغلت المكيف ترتفع الحرارة رحت فحصت وغيرت مروحة وغيرت الحساس حق المروحة ولا ضبط 
اشغل الموتر كويس والله اني رحت على الموتر تقريبا 200كيلو ولا ارتفعت ترتفع فقط اذا شغلت المكيف 
المهم طلع بالاخير الهوز حق الماء الحار الي يروح للثلاجة والله قفلته ومن بعدها الموتر ممتاز واذا مافهمت علي تواصل معي على الخاص وافهمك 


up 0 down 2
mohammad.612 1
قبل 4 شهر