أضف سؤال أو موضوع جديد          

استفسار بخصوص استهلاك بنزين الماركيز

up 2 down 0
عزوز ابو عبدالله 6
قبل 5 شهر و أسبوع



مساء الخيرات عليكم








بخصوص استهلاك البنزين عندي لاحظته من كم يوم صار دبل الاستهلاك السابق يمكن 3 مرات




كنت افلل الموتر اخضر طبعا بحدود 48 او 45 
ويمشيني اذا بيت دوام بس من حي لبن بالرياض الى البديعه حوالي 6 ايام 
وكانت  كمية الاستهلاك اشرفها جدا ممتازه وطبيعيه 
تقريبا 12 / 100
الان صار فيه مشكله واضحه قدامي جدا




ان كمية الاستهلاك زادت ولمن بحثت بشاشة المعلومات حصلت الاستهلاك يطق 30 /100
وينزل 5 ويطلع 25 وينزل 10 ويطلع 30
يعني جالس يمشي زي عقارب الساعه كأنه ثواني ساعه بس ملخبطه مو موزونه




فهمتم علي ؟








عجزت فيها صراحه بيومين عبيت حوالي 80 ريال




فللت الموتر قبل يومين ورحت للبيت ثاني يوم داومت ورجعت اخذ اهلي للسوق الا اشوفه واصل للنص البنزين وافلل مره ثانيه وثاني يوم تحت النص 
والحين ربع مع اني مفلله امس بالليل 




طبعا نظفت البخاخات وغيرت بواجي وصفايه ونظفت البوابه الثرتول وكل شيء سويته قبل شهرين تقريبا








ارجوا المساعده







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


السلام عليكم ياخوي البنزين ماعاد مثل اول ممكن سيارتك مافيها شي بس اللي تغير البنزين ماصار يقعد كلنا نشتكي من البنزين ولا تنسى درجه حراره الجو والمكيف والبنزين خفيف مره ويطير على طول 


up 2 down 4
الخور قريبه 264
قبل 5 شهر و أسبوع



الصرفية اللي تقولها غير معقولة وغير منطقية ابدا

شف يمكن عندك تهريب في البنزين من احد الليات

ودها خلهم يشوفونها لان صرفها هذا ماله تفسير الاتهريب


up 1 down 1
سند10 1035
قبل 5 شهر و أسبوع



ياحساس الشكمان يافلتر الهوا هذي الي تزيد الصرف على
الفاضي


up 1 down 0
فور جي 60
قبل 5 شهر و أسبوع



الظاهر البنزين تغير ما عاد هو مثل اول
حتى انا واخوي كلنا فارقين البنزين عن اول
لنا الحين شهر تقريبا وهو ما يمديك تعبي فل الا ولمبة البنزين مولعه !
ما ادري مع الحر او فيه غش او مدري وش به


up 1 down 1
ابوناصر 454 651
قبل 5 شهر و أسبوع



موديلها كم اخوي ؟ 


up 0 down 1
نواف الحربي4 310
قبل 5 شهر و أسبوع



البنزين تغير ماهو مثل اول وفي مقطع في اليوتيوب عن البنزين يتكلم فيه المهندس حسن كتبي عن البنزين 95 و91 وتجربته ونسبه الاوكتان اللي فيه طلعت فضايح البنزين 91 طلع نسبه الاوكتان 82 والبنزين 95 نسبه الاوكتان 84 والمفروض يجي 95 ومثله للبنزين الاخضر 


up 0 down 2
الخور قريبه 264
قبل 5 شهر و أسبوع



الحساسات شيك عليها 
افحصها كومبيوتر يطلع الحساس
اللي يحتاج تغيره بالضبط  


up 2 down 0
لا للغلاء 387
قبل 5 شهر و أسبوع



واذا ضبطت اعطنا تجربتك 
وفقك الله 
وكفاك شر صرفية البنزين :) 


up 1 down 0
لا للغلاء 387
قبل 5 شهر و أسبوع



تأكد من الغطاء حق البنزين موجود ولالا
مستحيل كذا تتغير الصرفيه بدون ما تلاحظ خلل في السيارة
الامر الثاني افصل الاصبعين في الليل والسوتش مفتوح والافضل بدري شوي يعني لين الصبح يكمل عشر ساعات مفصول
ثم وصل سلك الموجب بالبودي
الصبح اشبك الاصابع ايضا والسوتش مفتوح
شغل الموتر
خله يحتمي شغل المكيف والانوار
ثم انطلق بستاسرع هادي وتدريجي وامش على سرعه معقوله تقريبا 16 كيلو
هذي اسمها اعادة وضع السيارة لوضع المصنع وموجودة في الكتالوج
لان السيارة كمبيوترها يخزن سلوك السائق وتتبرمج السيارة على طريقة استخدامه
ضبطها وعلمنا





up 0 down 0
ali400ali 166
قبل 5 شهر و أسبوع



اسباب صرفية البنزين
 ١-تفريغ دابات الرصاص الاماميه 
٢-غطاء البنزين
٣-حساس الماف  موقعه بنفس القربةالهواء
٤- كويلات بواجي
٥-استخدام زيت ثقيل 
٦- تسريب ليات البنزين 
٧-ضغط الاطارات المنخفض
٨- تشغيل المكيف


up 1 down 0
نواف الحربي4 310
قبل 5 شهر و أسبوع



اذا موديلها قديم  فيه لي حق الرجيع البنزين مكانه بجنب علبة الفريون السوداء ينشبك مع الفلتر البنزين انا كانت تصرف عندي حصلت اللي يطلع معه بنزين سديته وضبطت خفت الصرفيه مررره  


up 1 down 0
نواف الحربي4 310
قبل 5 شهر و أسبوع



عبي في محطات موثوقة زي الدريس وساسكو وسهل بس انا انصح بالدريس ترى وزارة التجارة مقفطين محطات واجد قاعدين يتلاعبون بالبنزين لدرجة ان بعضهم يخلط موية معاه عشان يوفر حسبنا الله ونعم الوكيل وفيه حاجة ثانية شيك على البخاخات والثروتل وفلتر البنزين والأفضل انك تغير فلتر البنزين كل سنتين تراه رخيص اظن قيمته ب٦١ ريال هالأشياء اذا توسخت يزيد استهلاك البنزين


up 0 down 1
kaboom smash 642
قبل 5 شهر و أسبوع



انا نفس الشي صار يخلص عندي اسرع
والسبب الحرارة و المكيف كل مشوار لازم اشغله

بس طبعا مو نفس صرفيتك لان سيارتي صغيره و 4 سلندر


up 0 down 1
monjed salih 90
قبل 5 شهر و أسبوع



والله غريبه اليوم بحاول انزل للصناعيه اشيك عليها 

موديل السياره 2006 للي سأل


up 1 down 0
عزوز ابو عبدالله 6
قبل 5 شهر و أسبوع



شيك على غطا لبانزين وفلتر المكينة


up 1 down 0
abo3edh 226
قبل 5 شهر و أسبوع



انا صارلي نفس الشيء على اكسنت 2010 مع ان مشاويري قريبه ودعستي وحده ولاحظت سيارتي تصرف

لاكن اكتشفت ان المحطه اللي اعبيها فيها دايم مضروبه فصرت الان اعبي بمحطات كويسه ولها سمعتها زي الادريس ولاحظت تحسن بالعزم وخفت الصرفيه بعض المحطات يغشون بالبنزين ويصير كنه ماء يروح بسرعه جرب تعبي موترك بمحطه كويسه وطرمباتها جديده وشوف تحسن موترك او لا جرب منت خسران اذا ولعت اللمبه جرب تعبي محطه كويسه وحديثه طرمباتها وشوف فيه تحسن او لا


up 1 down 1
ابو يزيد1414 54
قبل 5 شهر و أسبوع



مبدئيآ غيرت المحطه اللي اعبي فيها واشوف هاليومين


up 1 down 1
عزوز ابو عبدالله 6
قبل 5 شهر و أسبوع



غيرت المحطه والحمدلله يومين راح شرطه بس 

العيب كان بالمحطه اللي عبيت فيها اول مغشوشه الفل مايجلس يومين


up 0 down 1
عزوز ابو عبدالله 6
قبل 5 شهر و أسبوع



طيب بلغ على المحطه


up 0 down 1
ford91 38
قبل 5 شهر