تم ولله الحمد شراء تورس ليمتد

ما شاء الله تبارك الله على البركة الله يعطيك خيرها ويكفيك شرها يارب

اولا مبروك والله يعطيك خيرها ويكفيك شرها.
بالنسبه للزيت موجود عل غطا المكينه 5/20 موتر كرافت
وبعض الشباب يغيرون كاسترول ماجناتيك 5/30 طبعا ماجناتيك
اغلى اذا بتاخذه من البناشر لكن جمله يطلع عليك كرتونه ب 230فيه 12
علبه.
بالنسبه للموجات فيه ناس يبرمجونها ب 200.
افضل مكان صيانه اي بنشري وغير عنده اهم شي اشتر قطع اصليه من
زيوت وفلاتر وغيرها . كويك لان وطقتهم غالين ولا فيه شي جديد.
بالنسبه لتوكيلاات الجزيره يستقبلون اخر خمس سنوات او اقل من 100 الف
بالنسبه للسيارات الامريكيه. الا اذا كان تغير هذا الامر لا اعلم.
نصيحتي لك : تسمتع مع هالموتر لانه ان شاء الله بيعجبك وترتاح له.
وبالتوفيق

ع البركة ان شاء الله
اذا الجنوط نفس الصورة تحتاج محافظة من الحفر و المطبات لانه دعسة واطية وكبيرة مقاس 20
وراح تكون قاسية شوي

لا هذا جنط 19 السعودي جنط 20
ولا تشيل همه ماعليه خوف جنط 19 لانه ارتفاع الدعسه 45
لكن ممكن اقسى خصوصا الحفر وعيون القطط بعكس جنط 18
لكن جنط 18 ارتفاع دعسته 55 فيكون هادي اكثر واريح
لكن هذا شكل افضل طبعا وارسى.

ماشاء الله تبارك الرحمن مره روووعه مبروووك  يعطيك خيرها ويكفيك شرها يارب 

لزوجه المصنع هو الأفضل 5w20
عند كويك لاين نفس اللزوجه

ماشاء الله ع البركه
والله يعطيك خيرها ويكفيك شرها

ماشاء الله
الله يعطيك خيرها ويكفيك شرها

ما شاء الله تبارگ الله 
الله يعطيگ خيرها ويگفيگ ويصرف عنگ شرها ويسخرها لگ يٓ رب

يعطيك خيرها ويكفيك شرها.    ماشاء الله 
طلعت تقرير كارفكس. والا ماطلعت

الله يجزيكم خير جميعا 
بالنسبة للتقرير طلعت والحمدالله السياره لم تتعرض لحوادث او اَي مشاكل اخرى

مبروك والله يعطيك خيرها 

الريموت يكلفك ٦٠٠ وحولها اقل والا اكثر 

دام الموتر توه واصل فخل اول صيانه لها في الوكاله او كويك لاين يعني خلك ع المضمون عالم تعرف تشتغل عليها ومتخصصه في سياراتها حتى لو تدفع مبلغ اعلى وبعدها تقدر تكمل مع اي احد مثل بترومين او ايسيدلكو او حتى كويك لاين ( الصيانة السريعة لفورد ) بالنسبه للمفتاح المفترض المعرض يسلمك المفتاحين مو مفتاح واحد لكن ان ماحصل تقدر تشتري مفتاح وكالة اظن ب250 او 300 وتبرمجه على كمبيوتر السياره ويصير زي مفتاح بلدها الموضوع بسيط ومبروك مقدما

اولا الله يهنيك ع موترك ويعطيك خيرها ويكفيك شرها
سيارة حلوة جدا ماشاء الله معي مثلك ليمتد امريكي
الزيت المناسب اللي انا اغير من مراكز ون ستوب فوكس زيت الماني ويمشيني 10000 بالراحة
لزوجة 5w30 يكلفني 280 ريال وشغلهم نظيف
او اذا عندك بنشري تثق فيه اشتري زيت كرتون وغير عنده
بالنسبة للراديو انصحك لاتستعجل لانه في قطعة تركب خلف الشاشة يتحول نظام اندرويد بضغطة زر والعكس
بس السعر غالي شوية 1900 ريال وجالس انتظر السعر ينزل
والريموت انا بعد زيك اعطوني ريموت واحد وجالس امشي اموري
شفت الاسعار مع البرمجة 600 ولا شفت يستاهل

اتمنى قدرت افيدك

اخوي فتى الحرمين شكرا لك ع المعلومة وبخصوص الزيت اليوم وديتها كويك لاين تبع فورد وغيروا لها 5w20 وامورها تمام الى الان وبخصوص الراديو بنتظر شوي 

غير جميع الزيوت فوراً 
وغير موية الاديتر طلع الموية القديمة كلها 

الله يعطيك خيرها ويكفيك شرها

نوع الزيت المناسب تلقاه مكتوب على غطا المكينة وهو للفوردات كلها 5دبليو 20 انا ماركيزي 2011 مطلعه من صاله امريكي قبل سنتين ونص والحمدلله اغير له اللزوجة هذي حقت المصنع ولا احلى خفيف وعزم يطرب ولا له صوت عالمكينة
والراديو تقدر تعدله عند اي محلات مسجلات انا بغيت اسوي كذا لكن سحبت لان خلاص مافي احد يسمع الراديو
اما الصيانة انا كنت اسويها في بترومين وكويسين لكن رحت كويك لاين اللي تبع الجزيرة ويستقبلون اي فورد ماعليك طبيعي يبون فلوسك وفلوسنا ليش مايستقبلون ههههه انت رح سو عندهم الصيانات افضل من بترومين اشوف لان في كل مره يفحصون لك الموتر ويشيكون تشييك كامل حتى على المساعدات وكل حاجه عكس بترومين
واما اسعارهم فهي مثل بترومين يزود 10 شيء زي كذا وتغير عندهم الزيت مع السيفون حق ابو 5 الاف يمكن حول 250 كذا والله ناسي كم للتورس لان خويي مغير قبل فتره

عالعموم الموتر تراه كفو من ناحية استخدام لكن انت جنطك كبير شوي يعني انتبه على الموتر من الحفر والمطبات

ايه نعم اخوي فيصل وديتها كويك لاين وغيرت زيت المكينة والقير ومويه الرديتر وامورها تمام