ايهما افضل فورد تورس ولا ايدج

شف الايدج والتورس والاكسبلور الجديد والفليكس نفس الشيء عزم قوة مكاين قيور الامر راجع لك تختار اللي يناسبك شكله.والصرفية كلها نفس الصرفية وتراها تصرف التورس والايدج لو تدعس عليها لا يغرك انها 6 سلندر اشوف مع اخوياي كذا اما عن مسكة السعر فكل السيارات الحين تطيخح وتنزل اسعارها

وحط في بالك تراها تطلب فحمات واجد بسرعه تخرب فحماتها يعني استهلاكية

شاكر مرورك أخوي فيصل ما قصرت
وأنتظر مرور باقي الاخوة بتفاصيل أدق بحسب استفساراتي المحددة
جزاكم الله خيرا

التورس مع ولد عمي ٢٠١١ على يده وكاله السياره. 
انا سقتها وسافرت عليها يمكن مرتين. 
السياره عزمها ممتاز. لاكن عيبها مثل الداخليه ضيقه 
الواسع بالشنطه وسيعه الداخليه بالخلف ضيقه شوي 
عزل الهواء لك عليه. صرفيه البنزين اشوفها جيده. 
هي على حسب دعستك وحسب السرعه وحسب المكيف 
لاكن بكل السيارات داخل المدينه تصرف بنزين. لانك تدعس 
وتهدي وتوقف عند اشاره وتمشي. لاكن على الطرق السريعه 
دعستك ثابته ١٤٠/١٦٠ والمكيف شغال. ماتصرف كثير 
انا سافرت عليها من الرياض للجنوب طبعاً فللت بنزين من الرياض
وسرعتي ١٤٠والمكيف شغال. من الرياض للطايف. عبيت 
مرتين مره بالرياض والمره الثانيه قبل الطايف بقى ربع وزودت. 
لاكن ماني مسرع ١٣٠/١٤٠ اشوفها حلوه طبعاً اتكلم عن٢٠١١
الموديلات الثانيه ماادري عنها كيف صرفيتها 

عيوبها طبعاً الوسع ضيقه مثل ماذكرته. 
وقطع البودي غاليه نار 
هذا الي اعرفه. عن٢٠١١ طبعاً انا سافرت عليها 
اول مااشتراها ولد عمي. والحمدلله هي معه للحين 
وماعمره غير فيها غير الاشياء الاستهلاكيه. 

او صدمه جت بالوجهيه وكلفت ٨ ألاف. قبل سنتين تقريباً

اما قير ومكينه ياربي لك الحمد وكاله. 


وقبل فتره بالمعارض شفت ٢٠١٦ ستاندر ٧٢ الف. 

هذا الي اعرفه واتمنى اني افدتك لو بالقليل. 

احسن الله اليك أفدت وأجدت اسكرك على مرورك الكريم
وكذلك الأخ فيصل

افيدك في التورس

العزل ممتاز
رساوة ع الطريق ثابتة وراسية
صرفية البنزين متوسطة يعني فلها ب 55 الى 50 ريال يمشيك 550 كم داخل المدينه بالراحه 
قطع الغيار الميكانيكا متوسطة وماتلاقيها الا وكالة ونادراً تلاقيها بقطع الغيار لكن قطع البودي والاكسسوارات الخارجية غالية
السيارة عملية وتخدم معاك وقليلة الخرابات بشرط تشتريها اصفار وتكون على يدك

نفس القير و المكينة
بس شيك على حجم التانكي
عشان ممكن يفرق معك بالتفليل
اضرب سعة التانكي بعد ما تنقص ١٠ لتر
بسعر لتر البنزين

و لو بتشتري شوف الدفع الامامي اقل صرفية من الرباعي المستمر

انتظر الى ما تطلع اسعار البنزين الجديدة و ان كان معروف بيكون ٩١ اللتر بريال

اذا بتحول على الاربع سلندر عندك جيب نيسان اكستريل بقير CVT موفر جدا"
او هوندا CR-V بنفس القير
اذا منت محتاج قوة مكاين الV6

صرفية التورس والايدج نفس الشي اذا دعستك متوسطه

واسالني انا على الايدج لاني عندي ٢
٢٠١٠ ليميتد
٢٠١٤ سبورت

وانصحك ب الايدج لانها أوسع

شكر الله لكم مروركم
اذا هي والايدج نفس الشي تماما فاتوكل على الله واخذ الايدج؟

وعليكم السلام

ي رجال واذا تفرق كم يعني ؟ كم ف السنة أقصد

لو تحسبها ترا بيطلع الفرق بسيط جداً

صدقت أخوي...
لكن كثير من الي سألتهم كانوا ينصحوني بالتورس ويذكرون أنها عملية جدا قليلة الخراب ومرغوبة ومريحة في السفر وحتى في البلد
وقليل نصحني بالايدج لذلك حبيت اعرف رأي المجربين من الاخوان حتى لا أقع بأخطاء شافوها وعرفوها ..
فأحسن الله اليكم من شارك منكم أبيض وجه ، والي عنده شيء اخر يفيدني فيه فجزاه الله خيرا

صدقت أخوي...
لكن كثير من الي سألتهم كانوا ينصحوني بالتورس ويذكرون أنها عملية جدا قليلة الخراب ومرغوبة ومريحة في السفر وحتى في البلد
وقليل نصحني بالايدج لذلك حبيت اعرف رأي المجربين من الاخوان حتى لا أقع بأخطاء شافوها وعرفوها ..
فأحسن الله اليكم من شارك منكم أبيض وجه ، والي عنده شيء اخر يفيدني فيه فجزاه الله خيرا

انصحك ب الايدج

التورس والايدج واحد مافي فرق ابدا

تراها وحده مكينه وداخليه كلها سوا.
لكن زي ماقالو الي نصحوك ان التورس طبعا اكثر رغبه ومسك
للسعر بعكس الايدج.
طبعا التورس اريح وعزلها افضل لانها سيدان وانسيابيه اكثر.
لكن الايدج ميزته مرفوع واوسع داخليا.
واذا بتأخذ خذ دفع رباعي افضل بكثير من الامامي.
معليك من الي يقول خرابات ومدري ويش موتري ماشي 200
والحمدلله طيب ولا فيه الا. العافيه
وانت اصلا بتاخذها ع الضمان يعني امورك في السليم
وبالتوفيق

احسن الله اليك اخوي mm88zz ما قصرت
اخذ الدفع الرباعي تقصد الايدج او التورس ؟

الايدج والتورس واحد


انا معي ايدج دفع رباعي امريكي ممشي ١٨٠
رساوه وقوه وصلابه والمكيف صلاتي ع النبي
الاقمشه ماقد غيرتها ابد والزيوت ماقد غيرتها ابد ،،، 

بالنسبه للبنزين صرفيته حلوه نفس التورس
اعبيه فل ب ٥٠ ريال اخضررر ويمشيني ٥٥٠ كيلووو 

المكينه كل ماكبرت تقل صرفيتها ..
لانه عداد الضغط مرتاح في السياره فبالتالي تشرب بنزين قليل
المكاين الصغيره هي اللي تشفط لان عزمها
ضعيف وتحتاج ترفع الار بي ام كل ماحاولت تدوس !!

مكينه ترتاح ابوا لو خط سفر لكن مكاين صغيره هي الأوفر داخل مدينه وبشكل كبييير لأنك داخل المدينه ما انت محتاج ترفع ار بي ام