أضف سؤال أو موضوع جديد          

والحل مع صرفية البنزين؟؟

up 4 down 0



السلام عليكم ورحمة الله وبركاته

يالربع عندي ماركيز 99
توني قبل شوي جاي من طريق 24 كيلو 
صرف الفورد منه 7 لتر بنزين 
مهوب معقول والله

الاكسنت سايقها البارح نفس الطريق مانقص الا حول 2 لتر او حولها 

اهو المعدل الطبيعي كل لتر يودي 10 كيلو

يعني المفروض يودي على الاقل 70 كيلو

والاكسنت معروفه بالتوفير فيمكن تودي اكثر بشوي من 70 كيلو
اتوقع معدل الاكسنت لكل لتر 15 كيلو


الموضوع مهوب مقارنه بين السيارتين .. كلا 
لكن هذا عشاني البارح سقت وجربت بنفسي

والصرفية ملاحظها من شهرين بس ما قدرت افرق الا يوم سقت الاكسنت

مع العلم اني قبل اسبوعين مودي الموتر عشان اسوي تلحيم
للشكمان تحت .. والرجال يقول فيه ريحة بنزين من تحت
ويقول تأكد يمكن يهرب ولاش

وش العلم الوكاد للي حصل له

قبل لا اوديه ورشة وويقعدون يتفلسفون علي.







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


ملاحظة ( ترى هذا بدون ما اشغل المكيف لان الكمبرسر اخترب علي)



up 2 down 0



انتظر شوي اصلي واعطيك العلم كامل انشاء الله


up 2 down 1
mercy_sa 211
قبل 5 شهر و 2 أسبوع



اسباب صرفية البنزين
 ١-تفريغ دابات الرصاص الاماميه 
٢-غطاء البنزين
٣-حساس الماف  موقعه بنفس القربةالهواء
٤- كويلات بواجي
٥-استخدام زيت ثقيل 
٦-ليات البنزين 
٧-ضغط الاطارات المنخفض
٨- تشغيل المكيف
٩- لي الرجيع حق البنزين  موقعه بجنب الاقزوز جهت الراكب   
شيك عليها كلها 


up 4 down 2
نواف الحربي4 310
قبل 5 شهر و 2 أسبوع



١٠-حساس الشكمان 


up 1 down 1
نواف الحربي4 310
قبل 5 شهر و 2 أسبوع



اول شي الطبلون عندك الكتورني ولا امبير (عدادات) اذا الكتروني راح يساعدك انه يقول الصرفية يعني مثلا 23لكل 100كم

نبدا في الامور البسيطة :
1- افصل البطارية الاصبع السالب لمدة 1ساعة او اكثر ,, اهم شي برمجها بعد ما ترجع الاصبع والطريقة سهلة اهم شي ومشروحة في النت كثير
2- غير صفاية البنزين سعرها 50 ريال
3- غير فلتر الهواء سعره 50 ريال ونظف مكانه قفل بمنشفة الماصورة الي تودي للمكينة ونفخه هواء
4- فك حساس الهواء انفخه هواء ورجعه او منظف الكتورنيات ان وجد وهو الافضل

اما الامور الصعبة والمكلفة نوعا ما :
1- تنظيف بوابة الهواء
2- تنظيف حساس EGR
3- البواجي
4- الكويلات شيك عليها (نادر ما تخرب )
في واحد قالي في سسته تجي جو الكويل هيا الي توصل الكهرباء نظفها بنزين وتصير توصل كويس لكن هاذي المعلومة ماني متأكد منها

بالنسبة لريحة البنزين تحصل زي القربة تحت الشنطة لونه اسود فكه تحصل حساس وزي الفلتر وخذ مزيل صدا ونظفه ونفخه هوا وتروح الريحة

هذا رابط لتنظيف القربة السوداء الي تحت الشنطة طبعا سيارة تاون كار لكن نفس الي عندك https://youtu.be/gkA6x21E6aI


up 3 down 0
mercy_sa 211
قبل 5 شهر و 2 أسبوع



بواجي جديدة و كويلات نظاف
الصفاية توني مغيرها ما مشيت فيها اكثر من 25 الف كيلو
فلتر الهواء مغيره قبل عشر الاف كيلو.

والباقي بأشوف علومها نهاية الاسبوع عشان الدوام.


up 0 down 0



انت قلتها ماركيز موتر معروف انه يشفط البنزين شفط وانا اتوقع انك بتغير كثير من القطع وبتخسر وما راح تستفيد شي يذكر
والله يعينك اذا الموتر بيقعد معك وقت ارتفاع اسعار البنزين


up 0 down 1
اهاا 673
قبل 5 شهر و 2 أسبوع



لا تقارن اكسنت ٤ سلندر بفورد ٨ سلندر 


up 0 down 1
hack1 2907
قبل 5 شهر و 2 أسبوع



لااا تقارن الاكسنت بالفورد ي صاحبي
شي طبييييعي تحس بفرق كبير .. مكينة اكبر و٨ سليندر
معاي نفففس سيارتك لي ٤ سنوات او اكثر
كل يومين تقريباً احط ١٥ - ٢٠ ومشاويري اغلبها داخل البلد
اشوف الوضع طبيعي الحمد لله ... ما ادري عشان تعودت او لا
خل دعستك رايقة وامورك تزين


up 0 down 1
dehme999 160
قبل 5 شهر و 2 أسبوع



انا ما اقارن وذكرت كل شيء فالموضوع

لكن الصرفية غير طبيعيه بالنسبة للممشى 

يعني المفروض بالكثير يصرف 4 لتر في 20 كيلو كحد اقصى

وشكرا للمتفاعلين معي 



up 0 down 0



موترك فيه خلل اكيد
المعدل عندي 12 لتر لكل 100 كيلو الاستخدام العادي اليومي كل لتر يمشيك 8.3 كيلو
ايام ما يكون عندي مشواير ضرورية كلها هاديه ورايقه ينزل الى 9 لتر لكل 100 كيلو
عالخط مع المكيف مشيت 630 كيلو لين ولعت اللمبه وعطها من 50 الى 80 كيلو زيادة بعد توليع اللمبة
مع ملاحظة ان موتري مبرمج كامل للسرعات العاليه
اكيد عندك خلل شف رد الاخ نواف الحربي
وmercy






up 2 down 0
ali400ali 166
قبل 5 شهر و 2 أسبوع



شوف أنا كنت أعاني من نفس مشكلتك وكانت عندي جلد البلوف تعبانة وبعد ماغيرت جلد البلوف لاحظت تحسن كبير في صرفية البنزين، يمكن تكون مشكلتك بجلد البلوف إذا كانت تعبانة وسلامتك 



up 1 down 2
مجرد مشاركة 31
قبل 5 شهر و 2 أسبوع



لا جلد البلوف مالها داخل ف صرفية البنزين 


up 0 down 0
نواف الحربي4 310
قبل 5 شهر و 2 أسبوع



موتري فكتوريا امريكي 99
عندي مشكله في صرفية البنزين
اعبي فل اخضر يمشيني 320 كيلو بس
مع اني مغير
بواجي
نظفت الثروتل
نظفت الكويلات
نظفت البخاخات
غيرت زيت
غيرت كفرات
ومازالت الصرفيه عاليه جدا


up 1 down 0
عبدالرحمن الشريف55 50
قبل 4 شهر و 2 أسبوع



والله مثلك يا عبدالرحمن اتعبني بالبنزين .. صار جيب معد هو بسيدان

انصح بمنتدى فورد العربية .. خبرات اكثر بالفورد.


up 0 down 0