أضف سؤال أو موضوع جديد          

فورد فكتوريا 2011

up 1 down 2
نواف الحربي4 330
قبل 6 شهر و 2 أسبوع



السلام عليكم ورحمة الله وبركاته  مساء الخير  عند اخوي مشكلة في القير قبل اسبوع للاحظ القير يولع من الحرارة وتشتغل لمبة المفك راح  كشف كمبيوتر  كلش تمام  بس لمسك خط طويل ممتازه بس يلفلف ف المدينة بعد ساعه يسخن القير والدعسه ماتقبل قالوا لازم توظيب  سوا له توظيب كامل غير جميع الحساسات وشيك على جميع مواصير الزيت مع المبرد القير كلش تمام  مع العلم لها مبرد اضافي من بلادها  من عنده حل 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


هذي هي المشكلة. نستعجل. ونصدق الورش. اي عطل بالقير. يقول توضيب. مافية اي حلول ثانية المفروض تشترط علية. اذا ما انحلت المشكلة. يتحمل تكاليف الاصلاح. وبعدين حرام جربس وكالة يروح توضيب. فية اسباب اخرى منظم الدعسة اكتروني. يمكن العطل منة. وحساس التعشيق. كذالك.
لكن ارجع للورشة. وقلةةالمشكلة ما انحلت. صلحة والا رجع الفلوس


up 5 down 0
ابومزعل 257
قبل 6 شهر و 2 أسبوع



الله يسعدك ويوفقك  ي ابو مزعل غير حساس التعشيق ونفس المشكله تبدل كل التبديلات والسرعه ماوصلت 60 قال المهندس لازم تغير القير كامل اخوي طابت نفسه عن الفورد تكفون ي اهل الخير اللي مر بنفس المشكلة او عنده حل لايقصر ولكم دعوه بظهر الغيب 


up 1 down 0
نواف الحربي4 330
قبل 6 شهر و 2 أسبوع



حياك أبو عبدالله طيب الان القير بعد التوظيب يبدل جميع التبديلات والسرعه ماوصلت 60 وقبل التوظيب يسخن وتشتغل لمبة المفك ف الطبلون غير يطفيها لين تبرد وتشتغل عادي الان خايف يغير القير وترجع نفس المشكلة مع العلم لما وظب القير غير طنجرة القير 


up 1 down 1
نواف الحربي4 330
قبل 6 شهر و 2 أسبوع



حسبي الله عليه الي قص عليك وقالك توضيب وربي قهرر ياخي الفورد قيره من اقوى القيور ومستحيل يخرب وحرام يتوضب وتو الموتر 2011 صار لولد عمي مثلك وطب في واحد ابن كلب قاله توضيب وعنده بعد 2011 نفس الشيء ولد عمي ماصدق وقال مستحيل موتري نظيف وماهو ماشي كيف يتوظب المهم وداه عند خبير قيور في الثقبه اسمها ورشة الثقبه وعطاه ضمان 6 شهور وقال انتببببه لايضحكون عليك قير الفورد قوي جدا وصعب خرابه وسالفتها طلعت زيت قير مع فلتر بسس لكن سالفة ان موترك يبدل رابع وهو تحت ال60 كذا بيهد عزم الموتر والكلتشات راحيه فيها وغصب عنه يرجعه مثل ماكان والا يدبرلك قير ثاني على حسابه


up 4 down 0
هاوي707 136
قبل 6 شهر و 2 أسبوع



ارجع وخلك وراه لين تنتهي مشاكل القير كلها ويمكن يجرب يسحب عليك عشان يمكن تطلع بارد وتتركه
ليه تدفع 3000 توظيب عشان تصلح القير وعلى عشان يرجعه زي اول ؟ سلامات
خذها قاعده قبل تجرب موترك ماتعطيه ريال وان سويتها جيب وعندك ضمان يصلحها غصبا عليه بالقانون


up 0 down 0
ابوزياد123321 179
قبل 6 شهر و 2 أسبوع



وبالنسبه للحراره وش دراه انها حراره هل الكمبيوتر يقول انها حراره او علامه حراره في الطبلون ولا استنتاج ؟


واذا طلعت المشكله الدعسه ما تقبل يعني ماتقبل تزيد عن سرعه معينه ولا مافيه دعس نهائيا؟
اذا حطها في N ودعس المكينه ما تدور ؟


up 0 down 0
ابوزياد123321 179
قبل 6 شهر و 2 أسبوع



طابت جمعتكم الله يسعدكم جميعا  ويوفقكم  ابشركم المهندس بيغير القير على حسابه 


up 0 down 0
نواف الحربي4 330
قبل 6 شهر و 2 أسبوع



والله طابت نفسي منها معي 2011ماشية الحين 96 الف والقير موظبة ونفس المشكله م تغير تسخين ف القير 


up 0 down 0
نواف الحربي4 330
قبل 6 شهر و 2 أسبوع



قيرك ماشي 96 بيركبلك واحد من التشليح يمكن ماشي 370000 !!
ياخي انت دافع فلوس من عرق جبينك منت ملزوم تكسبه اذا ما يعرف يشتغل يتحمل خطأه
يرجع القير ذا زي ماتفقتو عليه او يرجعه زي ما كان ويعطيك دراهمك ريال ينطح ريال

وش اللي خلاك تضن انه حراره ؟ القير مافيه حساس حراره اصلا عشان كذا اسألك لو سخن بينعلن ابو القير ولا راح يفصل راح يكمل وتنحرق الكلتشات والحساسات وترميه تشليح اذا باقي بتقعد على نفس القير جاوب اسئلتي الليفوق


up 1 down 0
ابوزياد123321 179
قبل 6 شهر و 2 أسبوع



هلا بك ابو زياد ما لي نفس التكلم بس بجاوبك  هي مشكلتها لمسكت خط طويل ميه ميه بس للفلفت داخل المدينة  بعد ساعه  تشتغل لمبة المفك  والدعسه ماتقبل  تقول مكتمه لازم تطفيها عشر دقايق  وتشغل تمشي ماكن فيها شي يوم سوينا توظيب حصل  الحساسات منحرقه غيرها وغير الكلشتات وغير الطنجرة معها استلمنها بعد التوظيب ميه ميه بعد يوم رجعت لنفس حالتها تشتغل لمبة المفك والدعسه ماتقبل  رجعنها للورشه غير الكمبيوتر  وجربها صارت التعشيقات سريعه مره منعدمه  وداها لورش الكهرباء  مافيها  شي فحص كمبيوتر  مافيها شي يقول يمكن جرم القير فيه تسنيم المهم طلب قير مستورد بكره يوصل   


up 0 down 0
نواف الحربي4 330
قبل 6 شهر و 2 أسبوع



المهندس  نفظ القير كامل غير جميع الحساسات الداخلية والخارجية مع الطنجرة والكمبيوتر  والكلشتات حتى شيك على مبرد القير والمواصير  نفس الشي 


up 0 down 0
نواف الحربي4 330
قبل 6 شهر و 2 أسبوع



التوظيب مع الطنجرة كلف 3500 آلاف 


up 0 down 0
نواف الحربي4 330
قبل 6 شهر و 2 أسبوع



اشكركم من اعماق قلبي كل من ساهم في اجاد حل المشكلة الله يوفقكم ويحقق امانيكم ويرزقكم ب اللي تتمنوه ف يوم الجمعة  


up 0 down 0
نواف الحربي4 330
قبل 6 شهر و 2 أسبوع



الفعو. لكن فية شركات قيور. معتمدة. زي ترايستار. وديكسول. وهندهم اجهزة فحص للقير.


up 1 down 0
ابومزعل 257
قبل 6 شهر و 2 أسبوع



حياك أبو مزعل خلاص طلب المهندس قير مستورد السيارة من نغير القير ع الحراج ماعاد نبيها 


up 0 down 0
نواف الحربي4 330
قبل 6 شهر و 2 أسبوع



عزيزي
مبرد القير عندك اخر 8 رصات من رديتر المكيف
تاكد مافيه شي مسكرها وانفضها برشاش الموية في المغسله
الامر الثاني اذا ان القير حصل فيه رايش والمغناطيس ماهو فيه بسبب بعض اللي ما يخافون الله ولايرجعونه فيه بلف على مدخل مبرد القير ينفك ويتنظف من الرايش
اذا ما تنظف لو تركب قير من الوكاله شهرين ويخرب او اقل مع الصيف .
ملاحظة / اغلب الورش واغلب الناس يشوف الماصورة الفضيه اللي خلف الشبك في الفكتوريا والماركيز وعلى باله حقت مبرد القير بينما الصحيح انها لتبريد زيت الدركسون. فهل تقصد انه هوه المبرد الاضافي ..؟
وياليت توصف لي المبرد الاضافي اللي عندك لان اللي اعرفه بعض الفكتوريات البوليسي يجي مبرد اضافي لزيت المكينه .
اما القير في 2011 و2010 و 2009 ويمكن الى 2006
يكون اخر 8 رصات من رديتر المكيف هي مبرد زيت القير ومواجهه للهواء


up 0 down 0
ali400ali 199
قبل 6 شهر و 2 أسبوع



مبرد القير اللي موجود 2 واحد مع رديتر المكيف والثاني الاضافي قدام الشبك من بلادها  


up 0 down 0
نواف الحربي4 330
قبل 6 شهر و 2 أسبوع



تم البيع الفورد 


up 0 down 0
نواف الحربي4 330
قبل 5 شهر و أسبوع