أضف سؤال أو موضوع جديد          

حركة في الفورد فيكتوريا جابت لي الجنان أتمنى ألقى حل لها هنا

up 3 down 0
مشاري النداوي 11
قبل 4 شهر و 3 أسبوع



السلام عليكم و رحمة الله و بركاته

نبدأ بالموضوع .. 

شريت فورد فيكتوريا 2003 

و فيه مشكلة م لقيت لها حل بعد خسائر يعلم الله بها 

اذا شغلت المكيف و السياره حطيتها في D أو R يطفى 
و قالوا لي غير المنظم الهواء و انصلخت ب 350 ريال 
و الان م صار يطفى 
بس انه يبي يطفى و يرجع كأنه يشتغل 
هذا وهو واقف 
و اذا مشيت طبيعي جداً 
بس أوقف عند اشاره ولا مطب ولا ب زحمة يبدأ يلعب وكأنه بيطفى 
فاللي صارت عنده نفس المشكلة ياليت يفيدنا و اللي عنده علم ياليت يفيدنا 
لان كل م رحت لواحد يقول غير القلب حق الطرمبه و الثاني يقول غير جلد البخاخات و الثالث يقول غير كويلات و الرابع بواجي 
وانا تعبت منه 
و ابي الحل تكفون 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


اكشف كمبيوتر ويبان معاك ان شاء الله

في الغالب برمجة 

وفقك الله


up 1 down 0
غريب الدار 079 69
قبل 4 شهر و 3 أسبوع



معي زميلي سياره صني نفس الحركات وكانت المشكله حساس الكرنك


up 1 down 0
عمده33 1226
قبل 4 شهر و 3 أسبوع



حبيبي نظف الثروتل عند واحد فاهم
واذا انت في الرياض تعالني في شرق الرياض انظفه لك ونكسب معرفتك ومرحبا الف
موتري 2011 وانظفه مرتين الى ثلاث سنويا



up 2 down 0
ali400ali 160
قبل 4 شهر و 3 أسبوع



عرفت انك في جدة
عموما اشتر بخاخ ac delco
رح وشة محترمه وخله يفصل البطارية
ثم يفك الانتيك بهدووووء علشان مايخرب طرفه السفلي
لايفك حساس الدعسه يفك الفيش حقه بس
والاربع مسامير الكبار
ويطلعه ثم بالبخاخ ولا يوصل البخاخ للحساسات لين ينزل اللي فيه واذا صار نظيف جدا خله يجيب مناديل ويبللها بموية مع نقطة فيري ويمسحه ثم ينسفه بمناديل ناشفة .
طبعا ليش الحركة الاخيره لان بخاخ التنظيف يترك طبقة زيتيه وهذي تجمع الغبار بسرعه
بالتوفيق وانتظر افادتك بعد حل المشكلة


up 3 down 0
ali400ali 160
قبل 4 شهر و 3 أسبوع



حلها عندي اول شي شغل السيارة وافصل سلك الكويل اذا تغير صوت المكينة وصارت تفتف بقوه اعرف انه ممتاز جدا اذا تفتفه ضعيفه اعرف ان الكويل يحتاج تنظيف فكه ونظف السسته وشيك على جلده حقته اذا لونها صفراء غيرها والكويلات الثانيه مثله ثاني شي شوف صفاية البنزين اذا ماغيرتها غيرها ثالث شي نظف بوابة الثروتل وشيك على ليات لايكون فيه قطع او شي  رابعا روح محلات الكهرباء  خله يفحص نسبة شحن الدينمو وشيك ع اسلاك الكهرباء يمكن سلك  مجروح او مقطوع او منفصل وافحص حساس الاوكسجين يجي بعد الاقزوز  بعض الفورد كل دابه فيها ثنين والبعض العكس  واحد قبل الدابة والثاني بعدها  الاول يوزن نسبه الاكسجين والهواء  الثاني يقلل نسبة الكربون مهمات لازم تشوفها سو الاشياء اللي قلت لك  اذا مازالت  يبقى تنظف البخاخات وتفحص ظغط طرمبة البنزين تيسر ان شاء الله  


up 0 down 0
نواف الحربي4 306
قبل 4 شهر و 3 أسبوع



 قبل تطبق اللي فوق اول شي بكره شيك ع حساس  TPSمكانه فوق المكينة بنفس بوابة الثرول


up 0 down 0
نواف الحربي4 306
قبل 4 شهر و 3 أسبوع



نواف الحربي عزيزي هذا tps متعارف عليه باسم حساس الدعسه ويجي مع الثروتل لو شريت ثروتل جديد
لو انفك مستحيل يضبط لانه مركب بوزنية معينه لو انفك محد يقدر يوزنه وعلشان كذا نبهته لايفكه
تحياتي لك



up 1 down 0
ali400ali 160
قبل 4 شهر و 3 أسبوع



حصلت لي نفس مشكلتك بالضبط في فورد 97
فحصها فلبيني طلع من قطعة كهربائية صغيره قريبة من منظم الهواء لكن للأسف ماعرفت اسم القطعة
لأنه شالها وقال لي رح اشتري مثلها

وكنت لما اوقف اي محل لازم افضي الموتر حتى ماتطفي


up 0 down 0
chevrolet zr1 426
قبل 4 شهر و 3 أسبوع



شيك على الدينمو ممكن يكون فيه ضعف والحساسات بشكل عام لان صارت لي فتره كذا جنني وفشلني بالدائري وعند الاشارات


up 0 down 0
abdulaziz bin ateeq 74
قبل 4 شهر و 3 أسبوع



احتمال الكويلات لاانها مع الوقت والحراره بعضها مايعمل فيضعف عزم السياره وكانت معي والسبب الوقوف فترات
طويله والمكيف شغال


up 0 down 0
saadnmmm 24
قبل 4 شهر و 3 أسبوع



اتمنى اي واحد لحل المشكلة يعلمنا علشان يستفيدون 


up 0 down 0
نواف الحربي4 306
قبل 4 شهر و 3 أسبوع



ali400ali 86 عادي يفك وينظف ف بخاخ اكترونيات 


up 0 down 0
نواف الحربي4 306
قبل 4 شهر و 3 أسبوع



انا صارت لي قبل سنه اعشق D او R يطفى طلع المشكله من حساس سجي بعد القدبه حقت الفلتر على طول نظفه بمنظف الكترونيات وانت فاصل الاصبع السالب للبطارية واذا نشف الحساس ركبه واشبك البطاريه وان شاء الله مشكلتك تنحل

هذا الي صار معي وضبط الحمد لله


up 0 down 0
hamad_ab 233
قبل 4 شهر و 3 أسبوع



يجي بعد القربه*


up 0 down 0
hamad_ab 233
قبل 4 شهر و 3 أسبوع



بخاخ الالكترونيات نوعين . زيتي وغازي لكن الحساس مايحتاج نفسه تنظيف اهم شي البوابه او الثروتل وماددخله ومخارجه . وااحساس جنب الثروتل لو انفك صعب تضبط الدعسه بعدين .


up 0 down 0
ali400ali 160
قبل 4 شهر و 3 أسبوع



أرفع الريس
بس الله يعينك على صوت السيارة العالي


up 0 down 0
أبو حظيظ 55
قبل 4 شهر و 3 أسبوع



تصير معي كل فتره وافك اللي عن منظم الريس وابخ فيه منظف الكترونيات لين يشبع واشغل وادعس بنزين ويضبط

كم شهر ويرجع مره ثانيه .

عموما بنبهك عن كم شغله بالفورد وعندي نفس موديلك.

اول شي مكيف سيارتك يسحب هوا من المكينه واذا سيارتك فل كامل بريك اوتوماتيك يعني يفك مع تعشيق الدي

معناه ان البريك بعد ياخذ هوا من المكينه فانت شوف عند دعسة البنزين تلاقي ليات صغار جايه من ورى المكينه

الى داخل الطبلون ناحية المكيف شيك عليها من التنسيم او القطع .... بالاضافه لكلام الشباب نظم منظم الهوا وحساس الماف


up 1 down 0
abdullah.ags 279
قبل 4 شهر و 3 أسبوع



مشكلتك من السلك اللي رايح لمبه البريك اللي بالقزاز الخلفي او لمبه الريوس لان يمكن احد الاسلاك مجروح واذا عشقت R يصير التماس ويفصل الكمبرسور


up 0 down 0
كورلاوي 68
قبل 4 شهر و 3 أسبوع



لا معليش تو قريت المشكله صح
شيك على الدينمو يمكن فيه ضعف
وضعف كهرب الفورد يأثر بدفع هواء المكيف ويأثر على دورة البنزين يجي تقطيع وكذا
وشيك على صفاية البنزين والكويلات والبواجي والطرمبه وحساس الثروتل
والدينمو والبطارية وحساس الكرنك
والله يعين الجميع


up 0 down 0
كورلاوي 68
قبل 4 شهر و 3 أسبوع



والحاجه الثانيه الفوردات القديمه لي المكيف يمر من عند المكينه وحراره المكينه تأثر عليه
احسن شي تركيب عازل على شكل لي مثل اللي يركب على مكيفات الاسبيلت


up 0 down 1
كورلاوي 68
قبل 4 شهر و 3 أسبوع