حركة في الفورد فيكتوريا جابت لي الجنان أتمنى ألقى حل لها هنا

اكشف كمبيوتر ويبان معاك ان شاء الله

في الغالب برمجة 

وفقك الله

معي زميلي سياره صني نفس الحركات وكانت المشكله حساس الكرنك

حبيبي نظف الثروتل عند واحد فاهم
واذا انت في الرياض تعالني في شرق الرياض انظفه لك ونكسب معرفتك ومرحبا الف
موتري 2011 وانظفه مرتين الى ثلاث سنويا

عرفت انك في جدة
عموما اشتر بخاخ ac delco
رح وشة محترمه وخله يفصل البطارية
ثم يفك الانتيك بهدووووء علشان مايخرب طرفه السفلي
لايفك حساس الدعسه يفك الفيش حقه بس
والاربع مسامير الكبار
ويطلعه ثم بالبخاخ ولا يوصل البخاخ للحساسات لين ينزل اللي فيه واذا صار نظيف جدا خله يجيب مناديل ويبللها بموية مع نقطة فيري ويمسحه ثم ينسفه بمناديل ناشفة .
طبعا ليش الحركة الاخيره لان بخاخ التنظيف يترك طبقة زيتيه وهذي تجمع الغبار بسرعه
بالتوفيق وانتظر افادتك بعد حل المشكلة

حلها عندي اول شي شغل السيارة وافصل سلك الكويل اذا تغير صوت المكينة وصارت تفتف بقوه اعرف انه ممتاز جدا اذا تفتفه ضعيفه اعرف ان الكويل يحتاج تنظيف فكه ونظف السسته وشيك على جلده حقته اذا لونها صفراء غيرها والكويلات الثانيه مثله ثاني شي شوف صفاية البنزين اذا ماغيرتها غيرها ثالث شي نظف بوابة الثروتل وشيك على ليات لايكون فيه قطع او شي  رابعا روح محلات الكهرباء  خله يفحص نسبة شحن الدينمو وشيك ع اسلاك الكهرباء يمكن سلك  مجروح او مقطوع او منفصل وافحص حساس الاوكسجين يجي بعد الاقزوز  بعض الفورد كل دابه فيها ثنين والبعض العكس  واحد قبل الدابة والثاني بعدها  الاول يوزن نسبه الاكسجين والهواء  الثاني يقلل نسبة الكربون مهمات لازم تشوفها سو الاشياء اللي قلت لك  اذا مازالت  يبقى تنظف البخاخات وتفحص ظغط طرمبة البنزين تيسر ان شاء الله  

 قبل تطبق اللي فوق اول شي بكره شيك ع حساس  TPSمكانه فوق المكينة بنفس بوابة الثرول

نواف الحربي عزيزي هذا tps متعارف عليه باسم حساس الدعسه ويجي مع الثروتل لو شريت ثروتل جديد
لو انفك مستحيل يضبط لانه مركب بوزنية معينه لو انفك محد يقدر يوزنه وعلشان كذا نبهته لايفكه
تحياتي لك

حصلت لي نفس مشكلتك بالضبط في فورد 97
فحصها فلبيني طلع من قطعة كهربائية صغيره قريبة من منظم الهواء لكن للأسف ماعرفت اسم القطعة
لأنه شالها وقال لي رح اشتري مثلها

وكنت لما اوقف اي محل لازم افضي الموتر حتى ماتطفي

شيك على الدينمو ممكن يكون فيه ضعف والحساسات بشكل عام لان صارت لي فتره كذا جنني وفشلني بالدائري وعند الاشارات

احتمال الكويلات لاانها مع الوقت والحراره بعضها مايعمل فيضعف عزم السياره وكانت معي والسبب الوقوف فترات
طويله والمكيف شغال

اتمنى اي واحد لحل المشكلة يعلمنا علشان يستفيدون 

ali400ali 86 عادي يفك وينظف ف بخاخ اكترونيات 

انا صارت لي قبل سنه اعشق D او R يطفى طلع المشكله من حساس سجي بعد القدبه حقت الفلتر على طول نظفه بمنظف الكترونيات وانت فاصل الاصبع السالب للبطارية واذا نشف الحساس ركبه واشبك البطاريه وان شاء الله مشكلتك تنحل

هذا الي صار معي وضبط الحمد لله

يجي بعد القربه*

بخاخ الالكترونيات نوعين . زيتي وغازي لكن الحساس مايحتاج نفسه تنظيف اهم شي البوابه او الثروتل وماددخله ومخارجه . وااحساس جنب الثروتل لو انفك صعب تضبط الدعسه بعدين .

أرفع الريس
بس الله يعينك على صوت السيارة العالي

تصير معي كل فتره وافك اللي عن منظم الريس وابخ فيه منظف الكترونيات لين يشبع واشغل وادعس بنزين ويضبط

كم شهر ويرجع مره ثانيه .

عموما بنبهك عن كم شغله بالفورد وعندي نفس موديلك.

اول شي مكيف سيارتك يسحب هوا من المكينه واذا سيارتك فل كامل بريك اوتوماتيك يعني يفك مع تعشيق الدي

معناه ان البريك بعد ياخذ هوا من المكينه فانت شوف عند دعسة البنزين تلاقي ليات صغار جايه من ورى المكينه

الى داخل الطبلون ناحية المكيف شيك عليها من التنسيم او القطع .... بالاضافه لكلام الشباب نظم منظم الهوا وحساس الماف

مشكلتك من السلك اللي رايح لمبه البريك اللي بالقزاز الخلفي او لمبه الريوس لان يمكن احد الاسلاك مجروح واذا عشقت R يصير التماس ويفصل الكمبرسور

لا معليش تو قريت المشكله صح
شيك على الدينمو يمكن فيه ضعف
وضعف كهرب الفورد يأثر بدفع هواء المكيف ويأثر على دورة البنزين يجي تقطيع وكذا
وشيك على صفاية البنزين والكويلات والبواجي والطرمبه وحساس الثروتل
والدينمو والبطارية وحساس الكرنك
والله يعين الجميع

والحاجه الثانيه الفوردات القديمه لي المكيف يمر من عند المكينه وحراره المكينه تأثر عليه
احسن شي تركيب عازل على شكل لي مثل اللي يركب على مكيفات الاسبيلت