أضف سؤال أو موضوع جديد          

استفسار بخصوص التوروس

up 4 down 0
ابرا الحربي 15
قبل 8 شهر و أسبوع



حبيت اسأل عن استخدام التوروس بشكل عام 
سواً كانت المشاكل اللي تكون عادةً بالسياره
او سعر قطع الغيار الخ ..
والسؤال الثاني رايكم بـ التوروس ٢٠١١ وش مشاكله
وش مميزاته .. وايش الفرق بين التوروس السعودي والامريكي ؟
واخيراً هل صرفية البنزين عاليه ؟ او معقوله 
وسلامتكم .







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


هلابك عزيزي 

الصرفيه معقولة وقطع الغيار الاستهلاكية متوسطة 
لكن البدي شوي غالي ومن 2010 الى 2012 تلقى درجات 

وفقك الله


up 1 down 0
غريب الدار 079 77
قبل 8 شهر و أسبوع



انا بصراحة ما جربتها لاكن كنت ناوي اشتريها
وسألت بعض الاشخاص وفي بعض المنتديات
وكالعادة اختلفو العلماء
لاكن الي مدحوها تقريبا 20%
والي سبوها 80%


up 2 down 3
ghost1 574
قبل 8 شهر و أسبوع



نصيحه لاتوهق معاهاسيارة لا تستاهل وعيوبها كثيره
العزل الارضي سئ 
النوافذ اسوأ من السئ
ماتقدر تطلع راسك
ولاتقدر تسحب من الصراف
وصيانتها مقعدة 


up 2 down 6
نواف الحربي4 348
قبل 8 شهر و أسبوع



اذا انت رايق و فاضي 
رح محلات تأجير السيارات 
و استأجر لك النوع اللي في بالك 
و سوف تتفاجأ بتغير نظرتك لبعض السيارات 
خلك مع المثل 
التجربة خير برهان


up 3 down 1
نواف الحربي4 348
قبل 8 شهر و أسبوع



كمحرك ممتاز لاكن اذا كنت دبه و طويل ما تصلح ولو بيركب معك ناس كبار تراها ضيقة جدا


up 5 down 0
معاوية 4594 -175
قبل 8 شهر و أسبوع



والله وانا اخوك برضوا ناوي عليها ابي 2013 ليمتد امريكي وفيه من يذم ومن يمدح والمصيبة معي الان قراند ماركيز 2008 وماشي زي الحلاوة وخوفي أبيعه وأخذها واشوف شي مختلف تماما !!


up 3 down 0
088mansour 766
قبل 8 شهر و أسبوع



اللي متعود على الماركيز والفكتوريا بيتعب لين يتعود 

لكن كثبات ورساوة ومتعة قيادة فرق السماء عن الارض

تورس اثبت وانا املك ماركيز واملك تورس 

يامنصور اذا موترك طيب لاتفرط فيه 

ونقطة لاتغفل عنها توفر الامان فيها بعد الله مطلب ضروري 




up 2 down 1
غريب الدار 079 77
قبل 8 شهر و أسبوع



من تجربة يا طيب السلبيات : التكييف لك عليه و المرتبة الخلفية ضيقة كثير
و الايجابيات : صرفية خفيفة و عزل جيد


up 1 down 0
ayham73 654
قبل 8 شهر و أسبوع



اتحدى الي يسبها انه قد جربها ولاا عاشت معه فتره . ممكن ركبها
مع خويه وعطاها ذيك النظره السلبيه.
اخوي صاحب الاعلان عندي فكتوريا 10 وتورس 10 والله لا مقارنه
تبي عزل ولا رساوه ولا تكنولوجيا وكل شي يتفوق فيه التورس بفارق
كبير جدا الا شي بسيط ممكن الراحه لان جنط الفورد 17 والتورس لمتد
19 امريكي و20 سعودي. عموما ماراح تندم وعادك بتاخذ الفل. ممكن
بالنسبه للاختلاف يقولون رديتر الامريكي اصغر ويجي مروحه وحده كبيره
بعكس السعودي مروحتين متوسطه.لكن لو كان فيه اختلاف كبير كان ماشفت
اغلب الي بالسوق امريكي من موديل 10_16 .
عموما استخر ربك وحاول انك تستأجرها وشف تناسبك ولا لا


up 0 down 1
الوااادعي11 281
قبل 8 شهر



موتر طيب ويكفيك انه آمريكي
MADE IN USA


up 0 down 0



موتر طيب ويكفيك انه آمريكي
MADE IN USA


up 1 down 0



انا جربت 2013 موتر مافيه كلام متعة قيادة ورساوة وعزم حلو وعزل ممتاز اهم شيء يكون الموتر شد بلد

واللي يسبها لا ساقها ولا يعرفها اصلا


up 1 down 0
camry grandi 99 7270
قبل 8 شهر



بيض الله وجيهكم جميعاً وكل واحد استفدته من رايه والله ، ما قصرتوا ❤️


up 0 down 0
ابرا الحربي 15
قبل 8 شهر



انا من مستخدمين التورس مشاء الله جميله ومريحه وخرباتها قليل او بالاصح نادره 
الي يسب ماقدر جربها    عيب التورس قطع البودي سعره نار ارخصها الصدام ب ١٣٠٠    والقطع الاستهلاكيه اسعارها رخيصه وبعضها متوسطة السعر


up 1 down 0
999omar 11
قبل 8 شهر