ما هي اسعارقطع غيار وصيانة فورد فيوجن؟

عليكم السلام لا تعتمد على كلام الناس  ياليت والله لو تروح تسئل في المحلات عن قطع غيارة  وان شاء الله يفيدونك الاخوان 

وعليكم السلام 
قطع غيار البودي و الاكسسوارت غاليه الى غاليه جداً 
اما قطع الغيار الميكانيكيه و الكهربائيه رخيص الى متوسط 
بالنسبه لوجودها خارج الوكاله رح الصناعيه وخذ فره 
على محلات قطع فورد وشف هل تتوفر او لا 
وبرضو مر الوكاله خذ تسعيره للقطع 

نعم سعرها انت بنفسك وحرك رحليك

وحط اسواء الاحتمالات سواء صيانه او اعطال
من فلتر الزيت الى اسعار المكاين والقيور وبالتشاليح

وايضا البودي وحط جميع الاحتمالات ...


وشوف هل السياره من ضمن امكانياتك وتستطيع تتلافاها

مشكورين جدا والله ما قصرتم...... انا جربت السيارة وفعلا رائعة جدا لكن الخوف فقط كان من صيانتها لكن بنزل الصناعية وان شاء الله خير......
طيب يا اخوان بالنسبة للسوق كم السعر لموديل 2014 نص فل لان اللي بشتريها منه يقول45 الف ريال

والله على نظافة السيارة يحدد سعرها  طيب كم ممشاها وكيف محركاتها والبودي 

مشكلة السيارة الوحيدة غير متوفرة بالتشاليح 

السيارة ماشية فوق 120 الف كيلو لكن حالتها جدا ممتازة...... اليوم بنزل الصناعية واشوف قطع غيارها متوفرة ولا لا لانها لو مش متوفرة ما هجيبها لان اسعار الوكالة كصيانة وقطع غيار غالية جدا جدا بشكل مبالغ فيه

طيب انا شفت قبل فتره موديلات 14 و 15 بطاقة جمركية مامشت ابد
من 45 الى 50 الف
انا من ناحيتي السياره اللي بتشتريها غالية
ثاني شي اليسر راح يحسبلك فوايد فضيعه واقساط على ثلاث سنوات ودفعه
خذلك جديده على يدك وراح يكون القسط على خمس سنوات

مشكور اخي اكرمك الله.... بالطبع الجديد افضل لكن والله انا ما احب اكون مربوط بأقساط فترة كبيرة وانا افضل اني اجمع تمنها كاش لكن ما بتيجي لان صديقي سوي حادث وتأمينه كان شامل لكن الوكالة سحبت منه السيارة وقالت خلاص تالف وياخد غيرها من اول وجديد..... اما اليسر اعتقد ما بيسوي الحركده هذه....... بس لو امكن تعرفني من فين اشتري سيارة جديده بالسعر ده اكون شاكر ليك

والله ياخي ترا كل شركات التقسيط نصب بنصب
اليسر راح يشتري السياره المستعمله ويخليها باسم الشركه
ويبيعها عليك بنظام تاجير
يعني لو سمح الله وسويت حادث وقدروها تالف تروح عليك الدفعه والاقساط اللي دفعتها
واعتقد دفعة المستعمل 10% يعني تدفع حوالي 4500
واليسر معروف اعلى نسبة هامش ربح
فكر واستخر وعسى الله يسهل امرك
طولت عليك السيارات الجديده شفتها بالنستقرام حسابات معارض السيارات تابعهم وتلقى المطلوب ان شاء الله

شكرا اخوي ما قصرت والله.....والله انا في حيرة لان الشركات كلها بتسوي نفس الشيئ هشوف قطع الغيار متوفره ام لا لانها المتحكم في الشراء

بالنسبة لشركة اليسر تاخذ تقسط من موديلات 2010 وفوق 
موديلات 2010 و 2011 على ثلالث سنوات
2012 على اربع سنوات 
رسوم ادارية 1500
فايدتهم كالتالي 7% على قيمة صافي المبلغ ( اجمالي السيارة-الدفعة الاولى) 
يعني سيارة ب 38000 دفعة اولى 10000 الصافي 28000 × 7% = 1960 سنويا × عدد السنوات (3) = 5880 
التأمين 4% من قيمة السيارة × عدد السنوات 38000×4%=1520× 3 سنوات = 4560 
يكون مبلغ اللي بتقسطه هو ( 28000+5880+4560= 38440 ) / 3سنوات (36)شهر = 1068
اجمالي السيارة بعد الاقساط = 48500 
يعني زادت السيارة بقيمة 10500 ريال على ثلاث سنوات 
أرجو أن تكون الحسبة واضحة  

كم موديلها لان 2016 نص فل  اصفار 64 و 2015  نص اصفار 55

 الكاش افضل الاقساط يرفعون عليك سعرها 

سعرها مبالغ فيه جداا فيه واحده ب الحراج  لونها فضي 2014ممشاها 46 ب 44 الف فرق واضح اعتقد 

أخي نواف الحربي جزاك الله خير الجزاء........ انا انزلت الصناعية لفيت علي محلات كثيرة لكن للأسف خاب ظني كثير..... الاغلب احبطني من قطع الغيار كان فقط يوجد الكفرات والفحمات وفلتر البنزين وبالطبع كلها تجاري وليست اصلية لكن اي مشكلة في الجير او الماتور حتي البودي قالولي لازم تروح الوكالة لانها ما بتتوفر..... وزادت الحيرة مرة أخري

بهذا الشكل اليسر راح تاخذ نسبة عالية جدا فوق المتوقع فقط الميزة في التأمين الشامل..... والله الواحد ينتظر حتي يجمع تمنها كاش افضل

برأي اذا قطع الغيار ماتقدر عليها اصرف النظر وريح راسك
والسيارات كثير بميزانيتك