أضف سؤال أو موضوع جديد          

استفسار بخصوص تورس

up 1 down 1
088mansour 776
قبل 6 شهر و 2 أسبوع



السلام عليكم ورحمه الله وبركاته 

ي شباب انا ناوي على توروس 2014 أمريكي فل كامل ليمتد دفع امامي 
ابي انطباع عن هاذي السياره وكيف سواقتها وتحملها وسمعت ان أسعار قطع غيرها شوي مرتفعة وهل تنصحوني اخذها 

وعندي استفسار اخر 
معي قراند ماركيز 2008 امريكي نظيف ما شاالله فل داخليه هلوز  لم يتعرض لأي حوادث والبدي حقه وكاله لونه احمر فقط الصدام الأمامي مرشوش ممشاه حدود 210 الف كيلو لو وما يعاني من اَي مشاكل 
لو أفكر أبيعه كم ممكن يجيب 


شاكر ومقدر 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


جرب تستاجرها ب 200 ريال ليوم
وشف هل هي تناسبك او لا .....




up 1 down 0
مدرس عاطل 50
قبل 6 شهر و 2 أسبوع





سيارة راح تعجبك 
انا استاجرتها وراقت لي صراحة 




up 2 down 0
حرف الالف 822
قبل 6 شهر و 2 أسبوع



اذا الماركيز الي عندك كمل9سنوات
وطلعت مشاكله
اجل التورس بعد9سنوات وش بيسوي فيك!!
المعروف الماركيز والفكتوريا من اقوى السيارات
تحمل من فورد بغض النظر عن الموديلات القديمه
وجهت نظري مااتوقع التورس بتجمل معاك مثل الماركيز


up 2 down 1
d7ooom777 922
قبل 6 شهر و 2 أسبوع



التورس مشاكلها بعد ما تمشي 150000
طرنبة المويه ....وصيانتها معقده بالمقارنه بالماركيز والفكتوريا 
دفع امامي ما تتحمل الكرف .....مع الحوادث الله يستر ...
المكينه والقير ....تتأثر 


up 0 down 0
لا للغلاء 387
قبل 6 شهر و 2 أسبوع



من واقع تجربه لتورس 2013
السياره روعه وحلوه وخصوصا العزل مجنون فيها رغم ان الانوار فيها سيئه 
بالنسبه لقطع الغيار مو كل القطع غاليه تقريبا نفس قطع موترك الحالي
ماعدا قطع البدي غاليه ومثل السيارات الاخرى الصدام ب 1450 الشبك ب900 الشمعه بحدود 2000 وعليها
اما قطع المكانيكيه الاقمشه ب240 جلد عامود توازن ب 45 للحبه البواجي ب 90 كرسي  مساعد 170 مسمار توازن ب 100 طرمبة المويه ب 187

ندخل في العميق شوي
موية الاديتر من المعروف انك ماتغيرها واذا نقصت تزيدها
في التورس اذا ماغيرت موية الاديتر كل 72 الف كم راح تفقد الخواص وتنقص المويه واذا ما انتبهت لهذا الشي راح تضرب طرمبة المويه
وقيمتها بسيطه حدود 180 ريال ولكن شغل اليد مرتفعه جدا راح تكلف شغل يد من 1500 الى 2000 ريال
الشي الثاني
دودة الدركسون لو دخلت في مكان تجمع للماء او استخدامك سيئ مثلا تلف الطاره لاخر شي مع الوقت راح تخرب الدوده قيمتها تشليح من 2500 لحد 3000 وجديده بحدود 6000
الكلام هذا ياشباب مو من عندي صارت لبعض الزملاء

لذالك ياحبيبي لابد من ان تلتزم بصيانة السياره حتى زيت القير ضروري يتغير كل 48 الف وسعر الزيت مع زيت المكينه والسيفون 300 ريال طبعا الصيانه خارج الوكاله
انا خذيت الزيوت من الوكاله وغيرتها في بنشري ب 50 ريال لزيت القير والمكينه والسيفون
القير مايحتاج له فلتر لان الموديلات الحديثه فلترها داخلي ولا يتغير الا مع التوظيب

السياره معي موديل 2013 ومحافظ عليها جدا ولا واجهتني اي مشاكل من اللي ذكرتها اخر شي
فقط تم تغيير الاشياء الاستهلاكيه مثل مسامير التوازن والجلد والاقمشه
اتمنى اني ذكرت كل شي ووضحت لك بعض النقاط المهمه
وسلامتك
ملاحظه الموتر كفو وجبار وحلو وراسي واللي ذكرته لايعني عيوب في الموتر فقط التزم بالصيانه وخلك راكد وراح تستمتع


up 4 down 0
;كاسبر 389
قبل 6 شهر و 2 أسبوع



موتر ممتاز جدا خصوصا للسفريات.
راحه . عزل. رساوه. عزم. رفاهييه
وبالتوفيق مقدما


up 0 down 0
الوااادعي11 273
قبل 6 شهر و 2 أسبوع



الماركيز أذا ماهي مرشوشه وممشاها قليل وداخلية نظيفة وكل شي سليم تجيب من 30 وفوق بس اللون الاحمر ماهو مرغوب 


up 0 down 0
نواف الحربي4 310
قبل 6 شهر و 2 أسبوع



يهمك يا صاحب الموضوع هذا واحد استخدمها لما جاء يبيعها ذكر عيوبها ونادر الواحد يذكر عيوب سيارته علشان ماينزل من سعرها.....               السلام عليكم ورحمة الله




يسعد اوقاتكم بكل خير




بإختصار شديد راح اعرض عيوب التورس (sel)




1- عزل الصوت ممتاز لكن عزل الهوا سيئ




2-الدكسون تقيل نوعا ما تقدر تقول دركسون جيب




3- زويا الرويا من الداخل مصيبه ..سيئة جدا




4- السراوند (توزيع الصوت ) سيئ لدرجه ما تتخيلها




5- المرتبه( السيت) مرهق لعضلة الفخذ الخلفيه خصوصا بالسفر بالاضافة لحده الديكورالجانبي سواء




الجزء الايمن ( جهة القير) او الجزء الايمن(الباب)




6-التعشيق (الاول والثاني) ثقيل بالمره تحس راكب دينا باقي النمر (التعشيقات) ناعمة جدا 




7- عزل صوت المحرك عن المقصوره سيئ خصوصا اذا دست بزياده شوي




8- صوت الكفرات سيئ جدا جداجدا (الا اذا كانت نوعية الكفر لها دور!؟) 




9- المرتبه (السيت) في زاويته اليسرى من اسفل قطعة بلاستيك غريبه انواع العذاب خصوصا في السفر لما تحب تغير في وضعيات جلوسك




10- فيه تنسيم هوا بس ممكن يكون بسيارتي بس(نشوف تجارب الشباب)




11- نظام السنك الصوتي تصانيف يوم تمام ويوم اطرش




طبعا السيارة فيها مميزات ياما خصوصا الرساوه لكن هذه قائمة بالعيوب اللي ما تكتشفها الا بعد الاستخدام




طبعا انا عارضها للتنازل ماشية 3000 لونها فضي اللي له رغبه فيها ومو مقتنع بهالعيوب او ما تفرق
معاه ما نختلف




اللي دفعت فيها الرسوم 3500وقصد شهر 1 (1960 ريال) من بنك الرياض وعليها عرض صيانه مجانيه لثلاث سنوات وضمان مع تأمين شامل5سنوات
 


up 0 down 1
نواف الحربي4 310
قبل 6 شهر و 2 أسبوع



بالنهاية احنا مجرد نعطيك وجهات نظر احلا شي جربها قبل تشتريها اذا مرتاح معها اشترها وترا بعض السيارات تحافظ عليها تعكس معك وبعضها العكس صحيح وسلامتك  


up 0 down 0
نواف الحربي4 310
قبل 6 شهر و 2 أسبوع



الديكورات مزعجة بسبب جودتها الرديئة و صوت الازفلت الخشن ياساتر وقليلا من القساوه
اما كرساوه وفخامه ومواصفات فوالله محترمه جدا


up 0 down 0
root liner 42
قبل 6 شهر و 2 أسبوع



الغريب اني جربت الموديل السابق 2011 وكان افضل من ناحية عزل الهواء و الديكور غير مزعج!


up 0 down 0
root liner 42
قبل 6 شهر و 2 أسبوع