أضف سؤال أو موضوع جديد          

مشكلة طرمبة بنزين فورد ماركيز 1997

up 2 down 1
ikutie 80
قبل 4 سنه و 9 شهر



السلام عليكم ورحمة الله

عندي مشكلة بطرمبة البنزين، ركبت طرمبة لكزس بس مدري لأي سيارة قيمتها 380 ريال وبعد شهر ضربت، والحين ركبت طرمبة ب 170 ريال المكانيكي يقول لفورد، بعد اسبوع عيت تشتغل الا بعد مانزلت للتانكي وضربته، شيكت على الريلاي او الكتاوت وبدلت مع كناوت التشغيل ( البخاخات ) قلت يمكن معلق، السيارة تشتغل تمام بس خايف يوم تعطلني،

لما اشيكها بالجهاز يطلع لي كود P0232 Fuel pump secondary curicuit high

اخاف تضرب علي الضرمبة هذه بعد.







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


و عليكم السلام يمكن في التماس تتبع اسلاك الطرمبة من وإلى
اللي حصل في سيارة الوالد قديمة طبعا مديل 80 وانا ماشي بالخط
الطرمبة تفصل والسيارة ما تشتغل
طبعا الطرمبة خارجية من تحت السيارة
رفعت السيارة وشفت سلك الطرمبة مجروح مع المشي والمطبات
يحك في سلك الواير حق البريك ويصير التماس ويفصل الفيوز
والحمدلله عملت له شطرطون والامور تمام


up 1 down 0
ryyan555 703
قبل 4 سنه و 9 شهر



اذا غيرت الطرمبه غير فلتر البنزين معها


up 1 down 0
faisal0 0 243
قبل 4 سنه و 9 شهر



وعليكم السلام 
مقدر اقول الا الله يعينك ويعوضك بموتر احسن منه

عندي في الحوش اخوه ماركيز 95 له خمس سنوات

كله عشان طربمة البنزين والسلف


up 1 down 0
alamri19 98
قبل 4 سنه و 9 شهر



حبيبي اهم شي  الطرمبة تكون اصليه نظف التانكي من الشوائب +غير فلتر البنزين +شيك على الاسلك لايكون ملتمسة +لاتخلي بنزين السيارة تحت الربع علشان ماتسخن الطرمبة  + لاتعبي والسيارة شغاله  وان شاء الله تنحل المشكلة  


up 2 down 0
نواف الحربي4 322
قبل 4 سنه و 9 شهر



وشيك على الفيوز اذا ضرب الفيوز معناها التماس 


up 1 down 0
نواف الحربي4 322
قبل 4 سنه و 9 شهر



بالنسبة للكود يقول دائرة  مضخة الوقود جهد مرتفع يعني الطرمبة يجيها كهرباء عالية  مثل ماقلت لك شوف الاسلاك والفيوز 


up 0 down 0
نواف الحربي4 322
قبل 4 سنه و 9 شهر



الله يجزاكم خير ولاهنتوا ياعيال، ريان، فيصل، العمري و نواف ربي يجزاكم الجنة والتوفيق،

فعلا المشكلة اظنها كهربائية، بس السيارة تشتغل معناها الفيوز و الكتاوت سليمة، يحتاج اشوف لي كهربائي شاطر يشيك التوصيلات، ويمكن توصيلات الطربمة الداخلية ممكن يكون فيها مشكلة، انا عيني على طرمبة بوش واذا ماهي موجودة هنا راح اطلبها من النت بعد ما أتأكد من كهرباء الطرمبة.


up 0 down 0
ikutie 80
قبل 4 سنه و 9 شهر



يالعمري السلف اظن حتى لموديل 2008 يركب والطرمبات شفت على النت موجود بوش و دينسو و ديلفي وكارتر بس كارتر مدري عنه مع انه سعرها مو رخيص.


up 0 down 0
ikutie 80
قبل 4 سنه و 9 شهر



فلتر البنزين مغيره من 5 أشهر ونظفته قبل شهر، تانكي السيارة دايما مااخليه ينزل عن الربع بس لما اعبي بنزين احيانا اطفيها واحيانا لا.



up 0 down 0
ikutie 80
قبل 4 سنه و 9 شهر



غير الطرمبه حقتت فورد جديده
واشتر لك صفايه بنزين ونظف التانكي
وركبها وتنتهي المكله وخلك من شغل التوليف
ووش دخل طرمبه لكزس في فرت


up 1 down 0
حسام -ابوسيف 57
قبل 4 سنه و 9 شهر



الطرمبه بالامريكي بالذات ملعونه ومالها امان ومتعبه جدا وتطلع الروح
احنا معنا جمس طلع روحنا بالطرمبه والطرمبه الديلفي هاذي
ماتنفع بريال كل شوي تخرب والله واشوف الشعب بالنت 
يمدحون حقت الفكسار واطقها من قطع الغيار برمضان الي فات
دينسو 270ريال واشتري فيش من نفس القطع الغيار اصلي
وامشي للميكانيكي ويولفها وماشاء الله ارتحنا منهاماشفنا منها شيء
ومعروفه طرمبات التويوتا ممتازه جدا وصبوره شوف عضويتي
بتلقى كل شيء قدامك من صور والقطعه وكل شيء يوضحلك


up 1 down 0
احمد شريف 3176
قبل 4 سنه و 9 شهر



دور لك كهربائي ممتاز يركبها نفس تركيب المصنع
بعض الكهربائيين يختصر اشياء كثيره ويولف من راسه
ولاطرمبة الفورد قوية وتتحمل
لكن اذا ركبت بطريقه غير صحيحه تضرب بسرعه وايضاالاسلاك اثناء اعادة التانكي لمكانه لاازم ينتبه لها لان مكانها ضيق


up 1 down 0
ali400ali 214
قبل 4 سنه و 9 شهر



حسام، احمد و علي لاهنتوا ع المعلومات، اشوف هاليومين تشتغل وان شاء ماتجيم واذا صار الله يعين اشتري اصلي و اخليهم ينظفوا التانكي مع فلتر جديد و اغير الكتاوت.


up 0 down 0
ikutie 80
قبل 4 سنه و 9 شهر



شريت طرمبة بوش مع فلتر داخلي بوش من أمازون وراح اشتري فلتر بنزين من هنا وانظف التانكي واركبهم، لأنه عملت لي نفس الحركة مرة ثانية.

مريت محلات قطع الغيار حول اربع محلات، وكلهم ماعندهم إلا تجاري نوعيات ماهي معروفة، صيني وماليزي .. الخ
ماعدى المعجل عنده بوش بس مو راضي يفتحها، ولما قلت له ألماني أكيد، قال مو متأكد مع انه مكتوب ملصق ع الكرتون صنع في ألمانيا بس لما سألت العامل وصار يتكلم كثير شككني فيها فما شريتها.


up 0 down 0
ikutie 80
قبل 4 سنه و 9 شهر



زين ماسويت ي الذيب 


up 0 down 0
نواف الحربي4 322
قبل 4 سنه و 9 شهر



حبيب قلبي يانواف.

للفائدة اذا أحد مر ع الموضوع راح احط رقم القطع:

طرمبة بنزين بوش:
Bosch 69128 Fuel Pump

فلتر الطرمبة الداخلي بوش:
Bosch 68015 Filter Kit for Fuel Pump

الفلتر الخارجي للبنزين راح اشتريه من هنا، فماعندي رقمه حاليآ. بس المحلات هنا من تعطيه استمارة السيارة راح يعطيك القطعة المطلوبة.


up 0 down 0
ikutie 80
قبل 4 سنه و 9 شهر