فورد اكسبيديشن استفسار

اذكر شفت اعلانات بموقع حراج عن منتجات توقف تهريب زيت الدركسون

وشوف ناس يمدحون فيها وللامانه ماجربتها

لاكن اذا حاب تجربها لهم اعلانات كثير منتجات المانيه لتوقف تهريب الزيوت ممكن تحل لك المشكله بااقل تكلفه مجرد راي ووجهة نظر لانك تقول تهريب خفيف وليس تهريب قوي والشباب فيهم الخير والبركه

سوي اصلاح احسن لك ووفر فلوسك 
وان شاء الله تدوم معاك بس بدل القطع اصلية وشوف لك ورشة ثقة 
اعرف واحد قبل سنة ونص مسوي اصلاح الى دودة كامري كامل ليومك ماشاء الله 
مافيها اي مشاكل ولا نقطة زيت تنزل 

موجود في ساكو مادة توقف التهريب .. نوع للجربكس ونوع للمكينة ونوع لطرمبة الدركسون أسمها stop
lake

اذا بتسوي اصلاح فشفلك واحد يكون فاهم صح بالدودات انا قبل سنة صلحت دودة سيارتي بالرياض بالصناعية القديمة عند واحد تركي ماشاءالله شغلو متتاز والى الان الدودة الحمدالله مافيها شي

انا جربت منتجات توقيف التهريب - مالها فايده

في مخرطة في صناعية شارع بن لادن في جدة اسمها مخرطة العسيري سويت عنده سيارة لها سنتين الين اليوم لاتهريب ولا شيء

في الرياض الصناعيه القديمه 
فيه ....اتراك شغلهم ميه الميه
عموما هم جهة الحدادين حقين الالواب والشبابيك
جنوب شرق 
ومتخصصين هيدروليك ...وصيانة دركسون
والله كان عندي لكزس ..تغيير العلبه .ب 4500
والله ضبطوها لي ب 400  والله شغل ولا اروع

صدقني بيخف التهريب اذا تركته بس ما ادري نفس الفورد ماركيز  حقتي ولا لا لان كان عندي تهريب من الماسورة اللي تحت هرب كثير ولان خف بشهر ازوده ربع علبه طبعا الكلام هذا اذا كان التهريب  من الماسورة  اما غير ذلك ابدا  ي الاسهل صلحها اذا ما ضبطت غيرها والله يسر امورك ويسهلها وجميع المسلمين  

ومعروف ان التغيير افضل من التصليح لان التصليح الواحد مايضمنه اما تغير اصلي تضمنه يعيش معك