أضف سؤال أو موضوع جديد          

مشكلة فيكتوريا 2010

up 1 down 0
skakawi 17
قبل 6 شهر



السلام عليكم ورحمة الله

يا أخوان ظهرت لي مشكلة بسيارتي على فترتين متباعدة
المرة الأولى قبل أكثر من 6 شهور و المرة الثانية يوم أمس

ألا وهي بعد غسل السيارة ( غسل عادي وليس بستم ) اذا جيت أشغلها تشتغل و بمجرد ما أحرك القير من P لـ R ترجع تطفي أعيد المحاولة كذا مرة ونفس الشي
(وقت ظهور المشكلة تشتغل لمبة المفك في الطبلون) لاكن بعد ساعة أو ساعتين أجرب أشغلها وتشتغل طبيعي و لا كأن فيها شي

وش السبب برأيكم ؟ مع العلم أن الاسطب الخلفي مكسور هل ممكن يكون التماس في الكهرب بسببه ؟







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


وعليكم السلام ورحمة الله وبركاته
علامة المفك لها أكثر من سبب وصعب تحديدها إلا من خبير أو فحص كمبيوتر
إحتمال تكون أحد القطع التاليه لحقها موية
بواجي - اسلاك بواجي - كويلات - بوابة الهواء
انتظر عليها يومين يمكن تنشف الموية وتروح التفتفه


up 2 down 1
..original 128
قبل 6 شهر



ممكن موية الغسيل توصل داخل الكبوت وتأثر على البخاخ او الكمبيوتر او الاسلام


up 1 down 0



وتروح التفتفه مع حراره المكينه وتنشف المويه .( تكلمه لتعليقي اعلاه


up 1 down 1



الموتر يرجع لوضعه الطبيعي بعد الغسيل بساعة أو ساعتين و علامة المفك تختفي

بخصوص الموية تاصل داخل الكبوت , شيكت داخل الكبوت بعد الغسيل ولا حصلت أي أثر للموية

شاكر لكم تجاوبكم


up 1 down 0
skakawi 17
قبل 6 شهر



علامة المفك غير علامة المكينة
البواجي والكويلات ومايتبعها كلها تتبع لعلامة المكينة
اما علامة المفك فهي 80% من حاجتين اثنين في الفورد
الاولى حساس قربة الهواء ويجي راكب في في فلتر الهواء سلك هذا لو مكشوف اوخربان او ماهو راكب تمام بتطلع علامة المفك
الثانية في الثروتل فيه حساس تي بي اس هذا نفس الشي اذا كان خربان او مكشوف وجاته مويه تطلع علامة المفك
فأنت والله اعلم عندك مشكلة في احد هذي الحساسات الاثنتين اما يبيلها تغيير او تنظيف او اسلاكها مكشوفه يجيها الماء
طيب كيف تعرف؟
روح للاول وافصل سلكه وشوف هل نفس الاعراض تجي
وكذلك الثاني بعد ماتشبك الاول افصل سكله وهل نفس المشكلة تجي؟
بالتالي تعرف مين فيهم الي مسبب المشكلة
تنبيه
ترى لكل واحد طريقة فك لو غلطت تراك بتكسره او بتقطع السلك , فابحث في قوقل عن طريقة فك حساس قربة الهواء وطريقة فك حساس الثروتل
الي يجي لاصق في الثروتل سلك على قطعة بلاستك سوداء

والله اعلم


up 2 down 1



انفخ الكويلات واصابع البطاريه بالهواء احتمال فيه مويه عليها وشيك على حساس الكرنك هذا كذا مره نكبني بالماركيز وطلعت المشكله من هالحساس يجي تحت بصدر المكينه


up 0 down 0
abdulaziz bin ateeq 74
قبل 6 شهر



وشيك على فلتر الهواء + والثروتل ( بوابة الهواء ) مشكلتك بالدائرة الكهربائيه بالتوفيق ..


up 0 down 0
abdulaziz bin ateeq 74
قبل 6 شهر



جزاكم الله خير

المشكلة تكررت معي أمس الضغط منخفض و المكينة ترجف تبي تطفي فا فصلت فيش حساس MAF ورجع الموتر طبيعي
فشكل المشكلة منه والله أعلم


up 0 down 0
skakawi 17
قبل 5 شهر و 4 أسبوع



نصيحه اي واحد يغسل سيارته يغسل بودي لايغسل مكينه خصيصا الفوردات انا وضبت بسبب غسلت المكينه اولا مشكله الكويلات اذا
قديمه بتقعد تتنافض السياره
ثانيا البواجي مكانها نازل فتقعد المويه فيه وتتاثر السياره المهم السالفه لها كم سنه فمااتذكر التفاصيل بالضبط الحين ثاني سياره معي بعدها
ولاقدغسلت مكينه يالله هواء بس او انضف بالمنشفه


up 0 down 0
بن سحمي 113
قبل 5 شهر و 4 أسبوع



عزيزي هذا حساس او سلك عندك يجيه مويه ويلذع الموتر واذا نشف رجع طبيعي


نصيحتي لا تغسل هاليومين لين تخلص لزومك وبخصوص ان الموية ما تشوفها تهرب على قولتك ترى مهب شرط الكبوت يسبح عشان تتأكد ان المويه جالسه تدخل قد يكون عندك شق او فتحة في الجلد اللي فوق او الصاجه ويجي ذا المكان ماء


والافضل تدري وشوا متى ما صارت معك المشكلة اشقله قبل ينشف لكهربائي او ميكانيكي عشان يشوف التجربة بعينه

لان خوفك يوهقك يوم في مطر ولا شي ويصير يطفى ، خوينا كذا معه هوندا بعض المرات اذا غسل او جاء مطر قام يلذع كهرب موتره


up 0 down 0
a.ibrahem 2744
قبل 5 شهر و 4 أسبوع



تأكد إذا القطعه السودا اللي راكبه فيها المساحات وفتحات خروج الماء فيها كسور ولا لا


شوف الرفارف الداخلية تهرب مويه على الكمبيوتر ولا الفيوزات فوق الكفرات الامامية


up 0 down 0
العمدة168 3
قبل 5 شهر و 3 أسبوع