مشكلة فيكتوريا 2010

وعليكم السلام ورحمة الله وبركاته
علامة المفك لها أكثر من سبب وصعب تحديدها إلا من خبير أو فحص كمبيوتر
إحتمال تكون أحد القطع التاليه لحقها موية
بواجي - اسلاك بواجي - كويلات - بوابة الهواء
انتظر عليها يومين يمكن تنشف الموية وتروح التفتفه

ممكن موية الغسيل توصل داخل الكبوت وتأثر على البخاخ او الكمبيوتر او الاسلام

وتروح التفتفه مع حراره المكينه وتنشف المويه .( تكلمه لتعليقي اعلاه

الموتر يرجع لوضعه الطبيعي بعد الغسيل بساعة أو ساعتين و علامة المفك تختفي

بخصوص الموية تاصل داخل الكبوت , شيكت داخل الكبوت بعد الغسيل ولا حصلت أي أثر للموية

شاكر لكم تجاوبكم

علامة المفك غير علامة المكينة
البواجي والكويلات ومايتبعها كلها تتبع لعلامة المكينة
اما علامة المفك فهي 80% من حاجتين اثنين في الفورد
الاولى حساس قربة الهواء ويجي راكب في في فلتر الهواء سلك هذا لو مكشوف اوخربان او ماهو راكب تمام بتطلع علامة المفك
الثانية في الثروتل فيه حساس تي بي اس هذا نفس الشي اذا كان خربان او مكشوف وجاته مويه تطلع علامة المفك
فأنت والله اعلم عندك مشكلة في احد هذي الحساسات الاثنتين اما يبيلها تغيير او تنظيف او اسلاكها مكشوفه يجيها الماء
طيب كيف تعرف؟
روح للاول وافصل سلكه وشوف هل نفس الاعراض تجي
وكذلك الثاني بعد ماتشبك الاول افصل سكله وهل نفس المشكلة تجي؟
بالتالي تعرف مين فيهم الي مسبب المشكلة
تنبيه
ترى لكل واحد طريقة فك لو غلطت تراك بتكسره او بتقطع السلك , فابحث في قوقل عن طريقة فك حساس قربة الهواء وطريقة فك حساس الثروتل
الي يجي لاصق في الثروتل سلك على قطعة بلاستك سوداء

والله اعلم

انفخ الكويلات واصابع البطاريه بالهواء احتمال فيه مويه عليها وشيك على حساس الكرنك هذا كذا مره نكبني بالماركيز وطلعت المشكله من هالحساس يجي تحت بصدر المكينه

وشيك على فلتر الهواء + والثروتل ( بوابة الهواء ) مشكلتك بالدائرة الكهربائيه بالتوفيق ..

جزاكم الله خير

المشكلة تكررت معي أمس الضغط منخفض و المكينة ترجف تبي تطفي فا فصلت فيش حساس MAF ورجع الموتر طبيعي
فشكل المشكلة منه والله أعلم

نصيحه اي واحد يغسل سيارته يغسل بودي لايغسل مكينه خصيصا الفوردات انا وضبت بسبب غسلت المكينه اولا مشكله الكويلات اذا
قديمه بتقعد تتنافض السياره
ثانيا البواجي مكانها نازل فتقعد المويه فيه وتتاثر السياره المهم السالفه لها كم سنه فمااتذكر التفاصيل بالضبط الحين ثاني سياره معي بعدها
ولاقدغسلت مكينه يالله هواء بس او انضف بالمنشفه

عزيزي هذا حساس او سلك عندك يجيه مويه ويلذع الموتر واذا نشف رجع طبيعي


نصيحتي لا تغسل هاليومين لين تخلص لزومك وبخصوص ان الموية ما تشوفها تهرب على قولتك ترى مهب شرط الكبوت يسبح عشان تتأكد ان المويه جالسه تدخل قد يكون عندك شق او فتحة في الجلد اللي فوق او الصاجه ويجي ذا المكان ماء


والافضل تدري وشوا متى ما صارت معك المشكلة اشقله قبل ينشف لكهربائي او ميكانيكي عشان يشوف التجربة بعينه

لان خوفك يوهقك يوم في مطر ولا شي ويصير يطفى ، خوينا كذا معه هوندا بعض المرات اذا غسل او جاء مطر قام يلذع كهرب موتره

تأكد إذا القطعه السودا اللي راكبه فيها المساحات وفتحات خروج الماء فيها كسور ولا لا

شوف الرفارف الداخلية تهرب مويه على الكمبيوتر ولا الفيوزات فوق الكفرات الامامية