شاشة التورس في السوق الصيني بالبحرين او الإماراتي .محتاج اجابتكم

فيه سوق صيني بالبحرين زي سوق دبي؟؟؟؟

اليوم احد الشباب في العمل يقول فيه سوق صيني في البحرين وإن شاء الله احد الأخوة يؤكد لنا هالمعلومه

ايه فيه اسمه سوق التنين 

صحيح في سوق صيني في البحرين  توه صارله تقريبا سنة 
اسعارهم غالية مو مثل دبي ومافتحت كل المحلات فيه 
وبالنسبة للشاشة خد من شركة معروفة احسن مثلاا رود ماستر
وادا تبغا نقاوة صوت ركب بايونير بس اكيد غالية 
لانه المسجل العادي بدون شاشة ب ٦٥٠ ريال 

اهلا اخوي عبدالعزيز
للأسف مشكلة التورس انه مايركب عليها الشاشات اللي ذكرتها (بحكم ان سيارتي 2013 , سواء 2013 او غيرها :( )

فحاليا اشوف اسعار الصينية سواء في البحرين وبعدها ان شاء الله دبي

فإذا كان الفرق بسيط اخذتها من هنا

نعم فيه سوق صيني في البحرين

حتى اسمه مدينة التنين و يقع ورا جزيرة المحرق. رحته العام الماضي كلله غالي و راعيين المحلات صينيين.

فيه موجود السوق الصيني في البحرين بس أسعاره نااار ومايسوي ابد ابد أغلى من المحلات بكثير

الله يعافيكم جميعا , راح يكون توجهي بإذن الله للسوق الصيني في دبي .

اذا رحت السوق الصيني في دبي 
بتشوف اسعار رخيصة لا تبين لهم انك راضي عن السعر 
وتشتري على طول ترا ينزلو في الاسعار 
وخصوصا اذا عرف انك سعودي اول ماتدخل المحل يعطيك سعر مرتفع 
وبالتوفيق ان شاء الله 

قبل كل شي تأكد من مواصفاتها لا يغرك السعر
من ناحية المعالج والرام والذاكرة الداخلية
ودقة الشاشة وهل الشاشة نوعها مقاومة او سعوية (يعني لمس بالضغط او لمس مثل الجوال)
خويي شرا شاشة للفورد من دبي بسعر رخيص ولما جربناها ماتسوى حتى 100 ريال
وفتحة الـ GPS وهمية مجرد فتحة فاضية
واذا تبي رأيي انصحك تطلبها من النت بالتحديد موقع aliexpress والله ماراح تندم ومجرب بنفسي طالب شاشة مواصفات خياااااال

اخوي دارك لو تقدر تعطينا اسم شاشة خويك اوصورة الكرتون اذا كانت متوفره

او اسم الشاشة اللي انت شريتها إذا تفضلت .

فيه موقع يرهم لك اسلاك تشبكه مباشرة على شاشة الوكاله وتشتغل
ولكن غاليه مره ممكن يصل الى 2000 ريال , وتجاوبه مع الناس سيء للغاية وساحب على العالم

وكذلك الموقع اللي يتعامل معه ردودهم على الإستفسارات بطيء جدا جدا , وانا مستخسر اضحي بـ2000 ريال

المخلص الأمين
اسم الشاشة تقريباً ستيل كول وحرام اصلا تركبها في موترك ماتسوى وكلها تهنيق

اما الشاشة الي شريتها شركة newsmy
اسم شاشتي NU3001
ونزل موديل اجدد منها/ Newsmy NR3001 Android Car

ابحث عنها بس شرط ماتركب الا على المواتر الي ديكورها مربعي مثل كامري 2002
يعني تبي تركبها على كامري 2007 ولا اكسنت 2011 مستحيل تركب

وهذا رابط الموقع/ https://www.aliexpress.com

ابحث عن موديل سيارتك مثلا كذا / honda accord 2013 android car

ويطلع لك الشاشات المتوفرة واهم شيء تقرأ مواصفات الشاشة وتبحث عن افضل مواصفات

طلبت اسم الشاشه عشان لما ابحث في علي اكسبريس اتجنبها .

عموما الله يسهلها ونشتري شاشه طيبة

والله يجزاكم خير على المشاركة والفزعة

نصيحه لوجه الله لاتقرب السوق الصيني الي بالبحرين ابد عليك بدبي 

الي بالبحرين اغلى من السعوديه ب ٦٠٪‏ بكل شيء 
عنيت له وندمت مشوار على الفاضي وتقريبا اكثر من نص المحلات مسكره 

مافتح كله للحين 

المشكله مافيه احد في المملكه او الخليج يقدر يرهم لي اسلاك كهرب
عشان اوصل مابين شاشة النصف فل و اسلاك سيارتي السياحية

فحاليا متواصل مع احد الشباب قرر هالاسبوع يطلع للإمارات , وان شاء الله يصور لي الأسعار من هناك حقت الصينية :(

تعبنا من الإنتظار

يارجال ركبها بالتجريح والله مافيها خوف مجرد يجرح السلك لين يوصل للنحاس ويشبك عليه سلك آخر يعني مايقطعه كامل لالالا
وهذا انا مواتري كلها الي صارت عندي مجرحها ومركب اكثر من شاشة
اكثر من 7 سنوات وانا انتقل من سيارة الى سيارة ومن شاشة الى شاشة
والحمد لله ولا مرة صار لي مشاكل

حياك الله اخوي دارك . انا ماعندي مانع اركبها ولكن حتى التجارية بالنسبة للتورس فيها مشكلة المكيف وبعضها تعليق للأسف
. السيارات الأخرى سبحان الله راكبها مثل اللوز . ولنفرض اني باركب التجاري . تمنيت اشوف كهربائي فنان يسوي حقت الأسلاك ويريحنا ولكن حسافة مافيه شيء