مجربين فورد تورس تفضل الله لايهينكم

خدومه جدا انا مجرب ٢٠١١ و ٢٠١٣.

وقطعها نفس قطع الايدج
اذا تبي معلومات ولا شي عنها
تواصل معي واتس اب وابشر
0566604431

ولد عمي معه 2013 والله دخل في مويا لحد نص الكفر وطفي وخلاها بالشمس يومين تنشف وشغلها طلع صوت ولا أحد اكتشفه كلهم يقولون خبطت وهي تمشي والنمر تمشي لحد الار بي ام أحمر وتعشق والحين شوي شوي صارت تعشق بس تجي نتعه والصوت صرير وصوت طعطططعطططططططط .تشبيه ولا احلا. 

المهم نصيحة لوجه الله كل شخص واستخدامه غير 
ياخي بتدفع انت فوق 50 الف حتى لو فوق 40 الف 
ياخي اخسر 500 ريال جربها استاجرها واللعن أبوها وبتشوف وطبعا اذا هو سيارته الحاليه من فئتها أو أقل فهي ممتازه أما معه مثلا لكزس is . Es صراحة تحتار للفخامه والمدى الطويل

يا حسام اذا كان ولد عمك رجله حاره السياره ما بتعيش معه

الماء ان دخل بأي سيارة طلعت اصوات و خرابات ماله دخل توروس او غيره

اللي اذكره جت فترة كثير ما سألوا عنها بالمنتدى
اكثر السلبيات 
ضيق الداخليه
 غلاء اسعار القطع الخارجية و لا يوجد بديل عن الوكالة
ضعف الانوار الاماميه مشكلة عامة بالفورد و الحل تركيب زنون
اما المميزات
عزل صوت ممتاز 
مراتب مريحه 
رساوة مع السرعة و ان كانت تفصل على 175

سعرها معقول جديدة او مستعملة
من موديل 2013 افضل القير تحوله عادي و تجي بكلميرا و شاشة صغيره

استاجرتها مرة 
اعجبتني  - لاحظت انها شبه ضيقة من الداخل 
لكن كويسة ماهو عيب كبير

معي ٢٠١٥ ستاندر اشتريتها قبل سنه ماشيه ذلحين ٥٧ الف
العيوب الي فيها حاجتين بس ضيق المقاعد بالذات الخلف والانوار الاماميه
تفصل على ال٢٠٠ مو ١٧٥ راسيه عزل صوت فوق الممتاز ماشاء الله

قطع الغيار الاستهلاكيه رخيصه اما الاكسسوارات ف طبيعي غاليه بس مو ذاك الزود
خدمة الوكيل تعامله ممتاز
لكن انصحك تستاجرها فتره وتجرب قبل ماتشتري

زميل لي معه تورس 2013. يشتكي من الحراره. وفق هاذا تفكك فيها اصوات وقطع غيار البدي غااالي  والسياره ماشيه ماشاء 160 الف وفيها اصوات ودايم تشتغل لمبات تشيك 
ويصلحها وترجع مره ثانيه وصاحبي نادم انه شاريها  وهو شاريها ب 100 الف والحين مسيومه منه ب 45 
نصيحه خذ افالون او سوناتا او موتر 4 سلندر احسن له 

   سبحان الله وبحمده



سمعت
اذا تعطل دينمو الكهرب او طرمبة الماء لازم تفك المكينة وتنزلها من السيارة!؟
وهذا الشي في الايدج و التورس ع حسب ماسمعت
واعتبره عيب كبير 
لان العطل بسيط والتصليح مكلف ويسبب اعطال فيما بعد عند تنزيل المكينة

انا ما جربتها للأمانة بس ولد عمي معاه  2011 وكالة و يمدح فيها و نصحني فيها مع اني حابب الإكسبلورر. 

ابو ناصر ٢٠١٧

معلوماتك غلط

انا امتلكت تورس ٢٠١٣ و ٢٠١١ والى الان امتلك ايدج ٢٠١٤

واتاجر ب التورسات و الايدجات

سمعت ان طرمبه المويا داخل المكينة واذا خربت الطرمبه هربت على المكينه وخبطت
سمعتها من واحد صارت معه نفس المشكلة و باعها تشليح
واللي بيتاكد يفتح الكبوت بالتورس ويبحث عن طرمبه المويا

السيارة ممتازة خصوصا اذا استخدام شخص واحد
اذا اختلفت عليها الايدي قل عليها السلام
البنزين اقتصاديه بالنسبة لحجمها
اارسى سيارة دفع امامي استخدمتها كثير بين ابهاء والباحه رايح جاي
بالنسبة للقطع الاستهلاكيه سعرها زي الفكتوريا رخيصه
قطع البودي والاكسسورارت غاليه حتى في الفكتوريا والسيارات الاخرى
احد الشباب معه 2012 يوميا يداوم من الرياض الى المجمعه وسالكه معاه
بعض الخرابات الورش بسبب جهلهم يحوسون الموتر زيادة ويبهذلون صاحب السياره لين يكرهها

الأخ mm.2015 الحرارة في الموتر على طول ولامن سرعة 100 وزود
عموما فيه ريش مثل ريش مكيف الاسلبت في لحية التورس ( يعني بين الكشافات) هذي تفتح من سرعة 100 وفوق ويخرب الدينمو حقها مع الحكات في الارصفه
فتلاقي السياره تسخن لانها ماتفتح على سرعة 100 واعلى
خل صاحب يشيك عليها

جربت التورس ( سيارة الوالد ) خط تقريبا 400 كيلو الصراحه العزل والرساوه 100% والمقاعد مريحه
تحس انها يبغاله سواقه هاديه وراكده
بالنسبه للقطع شريت مرايه يمين كامله وقزاز الراكب الاسعار كالتالي :
المرايه ( الوكاله بـ 1500 ريال وبرا الوكاله اخذتها بـ 950 ريال )
القزاز طبعا مدبل ( الوكاله 1200 ريال وبرا الوكاله بـ 1100 )

ضيق الداخلية راح تتعود عليه
ترا في ناس يبالغون بالمره بالذات المقاعد الخلفية يقولون مره ضيق
وللعلم انا من ملاك الاكسبديشن والتاهو سابقا ومع ذلك تعودت
و السلبيات طرمبة الموية هذه مشكلتها مشكلة عانيت كثير وتغييرها مو اي واحد يركب بعضهم ينزلوا المكينة وبعضهم من دون ماينزلوا المكينة
والسعر من 1500 الى 2500 شغل اليد
وايضا عزل الارضي سيئ جدا
اما عزل الهواء ممتاز

ومثل ماذكر الاخ ابوناصر 2017
العطل بسيط لكن التصليح مكلف جدا

جوده ومتانه ولكن لا انصح بها نظراً لرفع البنزين مستقبلاً...من خلال تجربه.

العزل فيها ممتاز جدا
ويكفيك انها دفع رباعي خل الامبالا والافالون تقعد
وهي البديلة عن الفكتوريا والماركيز باختصار
والسيارة منتشرة بكثرة يعني قطع غيارها بتنتشر مثل الهونداي باي مكان تلاقيها

https://ford.montada.haraj.com.sa/64349/%D8%AA%D8%AC%D8%B1%D8%A8%D8%AA%D9%8A-%D9%81%D9%8A-%D8%AE%D8%B1%D8%A7%D8%A8%D8%A7%D8%AA-%D9%81%D9%88%D8%B1%D8%AF-%D8%AA%D9%88%D8%B1%D8%B3-2010-%D9%88%D9%82%D8%B7%D8%B9-%D8%BA%D9%8A%D8%A7%D8%B1%D9%87%D8%A7---%D9%84%D9%84%D9%81%D8%A7%D8%A6%D8%AF%D8%A9-%D9%84%D9%84%D8%AC%D9%85%D9%8A%D8%B9/