قصة واقعية هاذي نهايتها حياكم

36 2

لايمكنك التصويت حتى الحصول على 20 نقطة على الأقل
إضغط هنا للإخفاء

الرفاعي33 13917
قبل 7 سنه و 9 شهر

السلام عليكم ورحمة الله وبركاته

مساكم الله بالخير جميعا اعضاء منتدى حراج

اليوم جايبلكم موضوع وقصة واقعية حصلت امامي
بجميع تفاصيلها وبقولها لكم كاملة
قبل شهرين واحد من الشباب معه افالون 2007 لؤلؤي لمتيد الرجال شاريها قبل 3 سنوات
واول ماخذها نضيفه يهنيك تطالع فيها
الرجال كرفها كرف الله لايوريكم .

المهم بعد ماستخدمها 3 سنوات وحصلة فيها حادث
قبل سنه راح فيها رفرف ايمن وشمعه وطرف كبوت
صلحها واستخدمها وحب يغيرها قبل شهرين
وكان ناوي على لكزس او تورس
الي حصل انه حصل بموقع حراج تورس 2010 نضيفه
واتفق مع صاحبها على البدل راس براس
صاحب التورس من اهل قيا قبل الطايف ب70 كيلو حولها
طبعا صاحب الافالون اعرفه عز المعرفه
وما علم صاحب التورس بالصدمه
قالة ابد الموتر مافية شي نظيف
صدقة الرجال وهو على نياته وراحلة
وتمت البيعه في قيا وتوجه للطايف وفحص التورس
وطلعت مثل ماقال راعيها نضيفه وبودي بلد
الا الصدامات مرشوشة وهاذا شي طبيعي
خوينا مبسوط ان البيعه مشت ومشى كذبته على راعي التورس مادرى ان الله فوق ويمهل ولا يهمل
راحت الايام واخذنا اسبوعين ....

وبعد ماقالي القصه قلت حسبك الله
لعبت على الرجال عشان ديرته مافيها فحص
المهم صاحب التورس الي شرا الافالون
راح الطايف وحب يتطمن ويكشف على الموتر
وهنا الكارثة والغبينه اتصل بالرجال
وقال ياالطيب انا وثقت فيك وبكلامك
على ان الموتر وردة مافية شي
الان الموتر مصدوم ولا وضحتلي هالشي
رجعلي موتري وخذ موترك
واذا على تكاليف النقل انا اتحملها
نفسي طابت من موترك
قال خوينا الله يستر عليك بعنا واشترينا ولا لك شي عندي
حاول فية يومين ومارضى خوينا يرجع الموتر
كلمني قلت ياخي ناصب علية وغاشة
والرجال جاك بكل ادب واحترام
وبيتحمل قيمة نقل الملكية
قال ماحد قالة يشتري بدون فحص
قلت بكيفك لاكن اعرف ان الله يمهل ولا يهمل.

رجع صاحب التورس يحاول فية
وقال شوف انت غشيتني وخدعتني
ورافض ترجعلي موتري
لاكن اقسم بالله لادعي عليك ليل ونهار
واني ماشي مكه وابشر بدعوة مضلوم عند باب الحرم
وبتشوفها يابنفسك ولا في عيالك
والله وبالله ياشباب ماكمل 7 ايام
الا والرجال خوينا داخل بالتورس في قلاب صغيردهاتسو
الموتر تشوفه تقول الله يرحم من فية
انعجن عجن ولا عاد يتصلح واعرضة تشليح
يالله جابلة 6000 والرجال جاة رضوض ودق اسبوع في المستشفى وجالة درس من الله وتحذير عمرة ماينساة
هاذي قصة حصلت امامي بجميع تفاصيلها
فالحذر ياشباب من دعوة مضلوم مابينها وبين الله حجاب
فية ناس ماتفهم بالسيارات وناس في اماكن
يكون الفحص بعيد علية ويوثق بكلامك.

عشان كذا لو في موترك لو حكه بلغه بجميع التفاصيل
عشان تسلم من دعوة ويرزقك الله.

اخوكم الرفاعي 33

إبلاغ

الردود