أضف سؤال أو موضوع جديد          

قير الاكسبديشن هل يسبب ضعف بالعزم

up 3 down 0
بوحمد4445 37
قبل 7 شهر و أسبوع



السلام عليكم ورحمة الله



اخواني انا توي موظب ماكينة اكسبديشن 2007 وقبل كان عزمه ضعيف وتوقعت بعد التوضيب يصير عزمه قوي بس للاسف نفس العزم ماتغير وفحصته كمبيوتر يقولي المكينة تمام وكويس التوضيب المشكلة بالقير وكل الميكانيكة اجمعوا انه توضيب مع اني احس ان تبديلاته كويسة تعطيها تقريبا 70 % لكن العزم ماش ماهنا عزم وبالخط يالله يجيب ال 150 بعد طلعت الروح اما بالطلعات والجبال مستحيل يجاوب معاك.
ايش رايكم ابدل القير ولا كيف.







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


على فكرة اغلب العالم يعتقد دائما ان سبب ضعف عزم سيارته في المكينة وتلقاه يقول غيرت بواجي واسلاك وطرمبة وكفرات ومساحات ومافيه شي ما غيره

والمشكلة عنده ضعف القير مع الاستخدام او انه فيه مشكلة بس يشوفه يبدل يقول كويس


زميل لنا كان معه سوناتا 2011 ونفس الشي ضعف في العزم ويالله ترد وماش عزمها مهب عزم سوناتا واخوه قبله كان جالدها وهو جلدها خطوط وماكان يحافظ وانهبلت

وغير بواجي وكويلات وخرابيط قلت له المشكلة في القير دام ردته ضعيفة ويالله تدبل وفعلن مدري وين فحصها وقال عندك مشكلة في الطنجرة اعتقد ومالها حل الا تبديل


up 1 down 2
a.ibrahem 2744
قبل 7 شهر و أسبوع



القير ماله دخل بالعزم خذالعلم مني انا
انا كان معي موتر مخبط قيره اذا كنت ماشي 40 ودعست بقوه يعطيني فاضي وبالنزول مايمسك الموتر يعطي فاضي
ومع هذا كنت اسايس الدعسه وامشي عليه لل180 ومرات اوصل 200 جلست اسبوعين امشي فيه كذا وسافرت عليه من الدمام لجده ورجعت وبعدها بأسبوع ودع
خلاصة الكلام القير ماله دخل بالعزم تأكد من البواجي والكويلات وشغلات الكهرب تأكد من الصفايه وبوابة الدعسه وجرى الهوا كامل


up 1 down 6
miz00 200
قبل 7 شهر و أسبوع



^^ من قالك ان القير ماله دخل في العزم والنشاط

بناءً على تجربتك حكمت ان القير ما يضعف العزم على فكرة ترى ما يمشي الموتر الا هو مهب المكينة وضعف البواجي والكويلات شي نسبي والرجال يقول توه موضب يعني اكيد حاط بواجي وكويلات جديدة

وترى القير فيه اكثر من قطعة فيه طنجرة وفيه وتروس كلتشات وخرابيط مهب قطعة وحدة وكل وحدة تسبب شي


up 2 down 1
a.ibrahem 2744
قبل 7 شهر و أسبوع



اول  شي الله يسعدك قلبك لاتسرع السرعه ماوراها إلا  الخساير  بالنسبة لي  القير اول حاجة  ياقلبي شيك على حساساته كامله إذا كويسه احتمال 80%الكلتشات  محترقه لان القير عندك تبديلاته كويسة فمعناته تحتاج  بتبديل كلتشات إذ طلعت المشكلة  كلتشات غيره لان مستحيل يرجع مثل بلده لان ببغاء لها واحد  متخصص وفنان 


up 1 down 0
نواف الحربي4 306
قبل 7 شهر و أسبوع



للمعلوميه  الكلتشات  القير الاوتماتيك اذا محروقة عزمه يضعف  مثل القير العادي لتعطل الصحن يصير مافيها غزم


up 1 down 0
نواف الحربي4 306
قبل 7 شهر و أسبوع



لاتوظب يمكن تغير كلتشات وتتعطل التبديلات او يمكن ماينظفونه لك زين وينسد مخ القير وتضطر تفكه مرره  ثانيه وطيح ف مشاكل بغنى عنها  غيره وريح راسك وسلامتك 


up 0 down 0
نواف الحربي4 306
قبل 7 شهر و أسبوع



اشكركم اخواني على المشاركات الطيبة وجزاكم الله خير.
بالنسبة للتوضيب والله متردد اوضب او اخليه يصبر شوي معاي لين اغيره من التشاليح بواحد وارد امريكا لاني ماراح اركب استخدام الخليج نهائي.


up 0 down 0
بوحمد4445 37
قبل 7 شهر و أسبوع



لا تتردد حبيبي روح التشاليح وشوف يمكن تحصل سيارة مصدومه نفس موترك تشليح تقدر تاخذ منها القير بس لاتتردد غير علشان ترتاح والله ييسر امورك


up 0 down 0
نواف الحربي4 306
قبل 7 شهر و أسبوع



اي مشكلة في السيارة حاول قد ماتقدر تصلحه لاتمشي عليه كثير  علشان ترتاح والله يعين 


up 0 down 0
نواف الحربي4 306
قبل 7 شهر و أسبوع



شكرا يانواف الحربي

وجزاكم الله خيرا جميعا على مشاركاتكم..


up 0 down 0
بوحمد4445 37
قبل 2 شهر و 2 أسبوع