تنسيم هوا بباب السائق مالحل ؟

الفورد بجميع انواعه عزل العواء فيه سيء 

والحل تركب الاسفنج على اطراف الابواب افضل من تغيير الجلود تحصله بمحلات الزينة اللفة ب ١٥ ريال

نصيحه لزق الاسفنج لاتركبه. ابد 

انا ركبته على سيارتي. والله ان صوت تنسيم الهوا 

زاد اكثر من اول. وفكيته وتركتها زي ماهي 

مثل ماقال اخوي
لاتركب اسفنج يزيد الطين بلة ولا منه اي فايدة
جربته زمان على كامري 2001 وزاد صوت الهواء وفكيته

فيه طريقة
وهي تشتري ليات سود بالمتر الغير سميكة وهي مثل اللي يركبوها
في المكيفات الصحراوية تلاقيها عند حقين الكبس اشتري ٥ متر وقصها
على مساحة الباب وركبها بكل باب

لزق الاسفنج الاسود ابعد عنه انا ركبته للتجربه والباب صار ماينقفل الا بالقوه
عموما اشوف افضل حل تغير الجلود وتركب نفسها جديده

شيك على فصالات (مفاصل) الباب اذا تحتاج وزنية او تغيير

عزل السيارة ماقدر افتيك فيه........

لكن اذا تسمع صوت تنسيم هوا ومتأكد ان فيه تنسيم يعني عندك مشكلة وحلها وزن الباب

انا حصلتلي المشكلة هذي وتركتها سنة وصدمت عالسيارة ووديتها لسمكري وزنلي الباب واختفى صوت التنسيم

هي الفورد كذا اللي عندنا تنسم هوا من باب السواق والباقي عزلها سيء 

انا انصحك لكن من غير تجربه :) واحد ماوده يصرف
المهم اتوقع المشكلة ان الربلات ناشفه يبيلك تدهنها وممكن
تضبط >>> مجرد توقع ؛)

اذا سافرت من فترة قريبة ترا مو تنسيم بمعنى التنسيم
هذا ضرب الهواء بالباب فيعطيك شعور بالتنسيم
جرب السفر بيوم صافي مافيه رياح قوية ووقتها تقرر اذا كان تنسيم ام هواء بس

صحيح السفر بالهوا ينسمع التنسيم بقوه بس متاكد ان فيه تنسيم من الزاويه العلويه باخر الباب جنب باب الراكب لان فيه تحس اثر للغبار بعد الجلده الخارجيه عالجلده الداخليه فتاكدت اكثر من التنسيم

غير جلده الباب وشيك على قزازالباب احتمال منه

عندي لمبه AlRBAG شغاله احد يعرف المشكله

يا اخوان احتمال كبير تكون المشكلة من القطعة اللي تجي تحت المساحات تحت الكبوت تحي ربلة سوداء كاملة تضعف وتتقطع من الوقت شيك عليها ترى تسبب تنسيم وانت تشعر انه من جهة الباب وهو منها مجرب والله اعلم