ماهي أعراض جلد البلوف بالفورد

التفتفه غير الثروتل او البوابه ويسمونه الصفاي حق الهواء بتلاقيه فوق المكينة وسعره جديد وكاله ب 220 ريال وشغل يد 30 ريال لانه بيفكه في 3 دقايق بالكثير ويغيره لك وبعدها تصفى المكينة

اذا ماصفت المكينة وقف التجارب ودخله كمبيوتر ب80- ربال يطلع لك الخراب بالضبط

تنظيف الثروتل 100 ريال بالكثير او نظفه بيدك سهل جدا
صفاية ب45 ريال اصليه
جلد البلوف ما تسبب تفتفه

اذكر واحد من جيراننا كان معه فورد 2003

وكان فيه تفتفه نفس سيارتك. ويحصل 

زيت على البواجي. وقالو له. الورش. ان سبب التفتفه 

الزيت. يجي على البواجي. وتضعف الشراره الي تطلع 

من البواجي. وتصير تفتفه بالمكينه. 

وسبب الزيت. على البواجي. من جلد البلوف. 

وبعض السيارات يجي لها صوف في الغطاء حق المكينه

اذا فكيت الراس او الغطا عشان تغير جلد البلوف. 

تحصل الفتحات او الامكان مدخل كل بوجي. يجي فيها

صوفه. هذي ببعض السيارت. اما سيارتك ماادري بالظبط لها او لا


المهم جارنا غير جلد البلوف. وغير بلف تبخير الزيت 

ومن بعدها جلست معه سنتين. واختفت المشكله نهائياً

الين باعها. 

فااحتمال. عندك نفس المشكله. والله العالم. 

1 اذا لمبه المكينه والعه افحص كمبيوتر وريح راسك من الخساير
2 اذا فيه دخان مائل للزرق معناته الجلد بدت تسرب زيت للسلندر واكيد بتفتف
3 اذا مافيه دخان افصل اسلاك البواجي كل مره بوجي والسياره شغاله والبوجي اللي اذا فصلته ما يطيح العزم (معناته وجوده زي عدمه) معناته لازم تفحص كل ما يتعلق بذا السلندر من بخاخ واسلاك
4 اذا البواجي كلها مافيها فرق قرب اذنك وحاول تسمع صوت تنسيم تسسسسس
5 اذا مافيه خل التفتفه تطلع وخل واحد يفحص ضغط طرمبه البنزين بالساعه
6 لازم مركز فحص يشبك الكمبيوتر ويشيك على كل شي (الكمبيوتر يعطي معلومات غير الاكواد ومنها يقدر يعرف الخراب 100 بالميه لاكن لازم تدفع 250 قيمه فحص لاكن النتيجه ابيض او اسود بدال فتاوي السباكين

تسلمون الله يرضى عليكم جميعاً... ولا يريكم مكروه

جلد البلوف لاصارت تعبانه على الاخير للاسف البواجي يجيها زيت وتفتف ولطولت كثير يطلع لها صوت قوي وتاكلك بزيت بقوه الحل غير جلد واذا تبي تعرف الجلد خربانه شغل المزيونه وشوف لون العادم اذا كان يطلع دخان ازرق خمس دقائق ويختفي جلد بلوف معدومه واذا لا معناته عندك الشنابر متاكله ومعرفتها دخان ازرق مستمر عكس جلد البلووووف

عندي لمبه AlRBAG شغاله احد يعرف المشكله

جبتوها الله يوفقكم.. يانواف انا طلعت لي مرة لمبة الايرباق نفس سيارتك.. وفحص الكمبيوتر حدد لي المكان بالضبط وطلع حساس ايرباق مرتبة الراكب