أضف سؤال أو موضوع جديد          

هل اسعار السيارات في حراج مبالغ فيها؟

up 4 down 1
haraj.j 67
قبل 11 شهر



السلام عليكم ياخوان عندي استفسار بسيط
هل حقيقه اسعار السيارات في موقع حراج اغلى من
الموجود في معارض النسيم او اي معارض اخرى
وابسألكم افكر ب تورس مستعمله وش رايكم فيها
وكم سعر موديل 2013 مستعمل







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


المعارض و الموقع نفس الاسعار وكلهم تحصل فيهم الرخيص والغالي

المعارض يتميز بالحراج ولكن اغلب اللي تكون بالحراج مضروبه

بخصوص سعر التورس

صراحه وحقيقه

سعر 2013 نفس سعر 2015

صدق او لا تصدق

انا كنت ادور لي 2013

وكانت اسعاره من 45 الف لـ 50 الف

واتفاجيء بان 2015 سعره حوالي 55

وكلمت شخص معه 2015 لون اسوده وقال مسيوم 53 الف وحدي فرق السوم والسياره بودي بلد خليجيه ماشيه تحت 60 الف كيلة

فشوف لك 2014 و 2015 احسن لك ( طبعا استاندر )

موفق عزيزي


up 2 down 1
ابوخالد1397 2347
قبل 11 شهر



نعم . يوجد فرق 20 الف بين سيارة بالموقع وسياره بالمعارض .

بعطيك مثال . قبل فترة كامري 2010 جي ال اكس ماشيه 350 الف . 

فيها سمكرة بابين يمين ورفرف يمين وصدامات مرشوشه يقول الحد 45 الف !!!

وددسن 95 غمارة ناسي كم ماشيه يقول سوم 14 الف !!!! 

واسعار 2008 غمارتين نظيفه شرط بدي ومحركات بالمعارض م تتحاوز 30 الف وممشى 150 ف اقل . 

ف نصيحتي . شوف اسعار الموقع .. بعدين اطلع للمعارض . وبتشوف العجب بالموقع اسعار غاليه . 


up 5 down 0
سعود 15 -63
قبل 11 شهر



الاغلبية في الموقع غير جادين في البيع
كل ما تدخل اعلان تحصل الاسعار طايرة

و بعض الاعلانات لها شهور وكل ما واحد سام
قال نطلب من الله الزود
مع العلم ان السوم يتعدا سعر السوق وبقووة



up 5 down 0
ghost1 574
قبل 11 شهر



والله شوف انا جالس ابحث لي عن جيب ربع اسعار الموقع جدا مرتفعه المعارض مرتفعه لانه تايوتا بس مو زي الموقع الموقع بزياده مرتفعه ولو ابحث عن سياره غير تايوتا 
احصل فرق كبير بين اسعار الموقع والمعارض طبعا الفرق لصالح المعرض ارخص


up 0 down 0



انا مثلك كنت ادور تورس 2014 أو 15 نزلت الحراج ماحصلت سعودي إلا ثنتين بعد تعب أما المستورد الأمريكي مغرق الحراج فإذا تبغى سعودي وهو الأفضل طبعا من ناحية الضمان دور بالموقع وبتحصل نظيف وبسعر مناسب


up 0 down 0
bloly 1129
قبل 11 شهر



والله ادور اكورد وبالموقع احصل 2014 حاط سعرها سعر 2016 !!!!! 
واحصل 2016 سعرها حليو وبعضها سعرها يجيب لك 2017 جديد 

وبالمعارض والله تنغبن اسعار نااار وشي يرفع الضغط واحد عارض 2014 سبشل مستورده ماشيه 100 وعليها بسعر تطق 70 الف !!!!!؟؟؟ 





وين تنصحوني ادور لاني محتاج موتر وقاعد على اجار حاليا 


up 0 down 0
جـرآح 171
قبل 11 شهر



حتى والله التورس كنت ابيها وحلوه لكن مثل ماقال ابو خالد اسعار المرديل القديم تجيب لك جديد مستعمل شي يرفع الضغط 

والتورس موتر مالي الشارع الحين بس عيبه بالنسبه لي ديكور القير والقزازه الخلفيه والسعه 


up 0 down 0
جـرآح 171
قبل 11 شهر



تلقى فيها اسعار حلوة او لا
سبق وحطيت موضوع عن لكزس 2009 اي اس بي 33
والمصيبه تلقى 2007 اي اس اكثر ممشى واقل نظافه . يقول السوم واصل 35؟؟؟

يعني بتلقى منهو بايع وماعنده وقت يروح المعارض . او طفش من المعارض
وتلقى الشريطي الي فالمعارض في الموقع مثل بن عاتق النصاب . بكل مكان ماشاءلله عليه


up 1 down 0
صاحب سموه 535
قبل 11 شهر



السبب يا سعود انه يوجد من يرفع السوم بالموقع بهدف التخريب يخلي البايع يطمع وينحش الزباين الجادين


up 0 down 0
abo3edh 202
قبل 11 شهر



الموقع فيه الرخيص والغالي
لكن الغالب غالي ويطلبون اسعار خياليه

مشكلة المعارض ما عاد تلقى السياره النظيفه فيه
اغلب اللي موجود بالمعارض ماهي طيبه


up 1 down 0
ابوناصر 454 653
قبل 11 شهر



اتفق مع ابو ناصر اغلب اللي فالمعارض خرد واذا حصلت النظيف يكون غالي 


up 1 down 0



أغلب اللي في الموقع
نظامهم ينزل سيارته المعارض
جابت ٥٠ مثلاً ينزلها الموقع و يحدها ب ٦٠
لأنه يحسب اللي في الموقع مدمغين و عقولهم مو في روسهم


up 0 down 0
معلم مستجد 469
قبل 11 شهر



الصراحه ماجت على السيارات

حتى الجوالات بالموقع مبالغ فيها

يجيك واحد عارض جوال مستعمل وفيه انواع الدقات وقيمته والجديد سوا

نزلت محلات الجوالات وتفاجأت بفرق سعر 300 ريال عن الموقع




up 0 down 0
aboahmed2014 412
قبل 11 شهر



بس الصراحة يا اخوان السيارات اللي في الموقع غالبا تكون حقت مستخدمين اصليين مو شريطية فتكون نظيفة اما المعارض والله قليل تلقى النظيف


up 1 down 0
فيصل طلال... 157
قبل 11 شهر



اصبح حراج اغلى من المعرض في الاونة الاخيرة الظاهر 
الشريطية تركوا المعارض وجو هنا 
اشتر سيارة مع مستخدم وليس شريطي
تقدر تكتشف الشريطي له عدة علامات اولها
1/ لايمكن يكون المالك الاول
2/ سيارته غاااالية تفوق نظيراتها 
3/ يبدأ لك اعلانه بآية قرآنية (يعني يستخدم الدين شوي)
4/نغمة جواله دعاء او قرآن 
5/كفر سيارته يكون جديد ومنجد ومغسل
السيارة ع الاخر واحيانا ملمع

اما المستخدم فتقدر تعرفه بشوية علامات
1/ تلقى كبة عصير على المقاعد تكاسل ماغسلها
2/سعر سيارته معقول
3/الكفر مايكون جديد ع الاخر 
4/ السيارة مايلمعها 


عندي توروس ١٣ ماشيه ١٠٠ الاف حدي فيها ٣٤ لونها ابيض توكيلات الجزيره ٠٥٣٦٧٦٤٦٣٣


up 1 down 0
ابحرت بعيونك 22
قبل 11 شهر



ماشاءالله لاتدفع العربون الا بعد الفحص هذا ان جازت لك بالتوفيق


up 0 down 0
نواف الحربي4 348
قبل 10 شهر و 2 أسبوع