هل اسعار السيارات في حراج مبالغ فيها؟

المعارض و الموقع نفس الاسعار وكلهم تحصل فيهم الرخيص والغالي

المعارض يتميز بالحراج ولكن اغلب اللي تكون بالحراج مضروبه

بخصوص سعر التورس

صراحه وحقيقه

سعر 2013 نفس سعر 2015

صدق او لا تصدق

انا كنت ادور لي 2013

وكانت اسعاره من 45 الف لـ 50 الف

واتفاجيء بان 2015 سعره حوالي 55

وكلمت شخص معه 2015 لون اسوده وقال مسيوم 53 الف وحدي فرق السوم والسياره بودي بلد خليجيه ماشيه تحت 60 الف كيلة

فشوف لك 2014 و 2015 احسن لك ( طبعا استاندر )

موفق عزيزي

الاغلبية في الموقع غير جادين في البيع
كل ما تدخل اعلان تحصل الاسعار طايرة

و بعض الاعلانات لها شهور وكل ما واحد سام
قال نطلب من الله الزود
مع العلم ان السوم يتعدا سعر السوق وبقووة

والله شوف انا جالس ابحث لي عن جيب ربع اسعار الموقع جدا مرتفعه المعارض مرتفعه لانه تايوتا بس مو زي الموقع الموقع بزياده مرتفعه ولو ابحث عن سياره غير تايوتا 
احصل فرق كبير بين اسعار الموقع والمعارض طبعا الفرق لصالح المعرض ارخص

انا مثلك كنت ادور تورس 2014 أو 15 نزلت الحراج ماحصلت سعودي إلا ثنتين بعد تعب أما المستورد الأمريكي مغرق الحراج فإذا تبغى سعودي وهو الأفضل طبعا من ناحية الضمان دور بالموقع وبتحصل نظيف وبسعر مناسب

والله ادور اكورد وبالموقع احصل 2014 حاط سعرها سعر 2016 !!!!! 
واحصل 2016 سعرها حليو وبعضها سعرها يجيب لك 2017 جديد 

وبالمعارض والله تنغبن اسعار نااار وشي يرفع الضغط واحد عارض 2014 سبشل مستورده ماشيه 100 وعليها بسعر تطق 70 الف !!!!!؟؟؟ 





وين تنصحوني ادور لاني محتاج موتر وقاعد على اجار حاليا 

حتى والله التورس كنت ابيها وحلوه لكن مثل ماقال ابو خالد اسعار المرديل القديم تجيب لك جديد مستعمل شي يرفع الضغط 

والتورس موتر مالي الشارع الحين بس عيبه بالنسبه لي ديكور القير والقزازه الخلفيه والسعه 

تلقى فيها اسعار حلوة او لا
سبق وحطيت موضوع عن لكزس 2009 اي اس بي 33
والمصيبه تلقى 2007 اي اس اكثر ممشى واقل نظافه . يقول السوم واصل 35؟؟؟

يعني بتلقى منهو بايع وماعنده وقت يروح المعارض . او طفش من المعارض
وتلقى الشريطي الي فالمعارض في الموقع مثل بن عاتق النصاب . بكل مكان ماشاءلله عليه

السبب يا سعود انه يوجد من يرفع السوم بالموقع بهدف التخريب يخلي البايع يطمع وينحش الزباين الجادين

الموقع فيه الرخيص والغالي
لكن الغالب غالي ويطلبون اسعار خياليه

مشكلة المعارض ما عاد تلقى السياره النظيفه فيه
اغلب اللي موجود بالمعارض ماهي طيبه

اتفق مع ابو ناصر اغلب اللي فالمعارض خرد واذا حصلت النظيف يكون غالي 

أغلب اللي في الموقع
نظامهم ينزل سيارته المعارض
جابت ٥٠ مثلاً ينزلها الموقع و يحدها ب ٦٠
لأنه يحسب اللي في الموقع مدمغين و عقولهم مو في روسهم

الصراحه ماجت على السيارات

حتى الجوالات بالموقع مبالغ فيها

يجيك واحد عارض جوال مستعمل وفيه انواع الدقات وقيمته والجديد سوا

نزلت محلات الجوالات وتفاجأت بفرق سعر 300 ريال عن الموقع

بس الصراحة يا اخوان السيارات اللي في الموقع غالبا تكون حقت مستخدمين اصليين مو شريطية فتكون نظيفة اما المعارض والله قليل تلقى النظيف

اصبح حراج اغلى من المعرض في الاونة الاخيرة الظاهر 
الشريطية تركوا المعارض وجو هنا 
اشتر سيارة مع مستخدم وليس شريطي
تقدر تكتشف الشريطي له عدة علامات اولها
1/ لايمكن يكون المالك الاول
2/ سيارته غاااالية تفوق نظيراتها 
3/ يبدأ لك اعلانه بآية قرآنية (يعني يستخدم الدين شوي)
4/نغمة جواله دعاء او قرآن 
5/كفر سيارته يكون جديد ومنجد ومغسل
السيارة ع الاخر واحيانا ملمع

اما المستخدم فتقدر تعرفه بشوية علامات
1/ تلقى كبة عصير على المقاعد تكاسل ماغسلها
2/سعر سيارته معقول
3/الكفر مايكون جديد ع الاخر 
4/ السيارة مايلمعها 

عندي توروس ١٣ ماشيه ١٠٠ الاف حدي فيها ٣٤ لونها ابيض توكيلات الجزيره ٠٥٣٦٧٦٤٦٣٣

ماشاءالله لاتدفع العربون الا بعد الفحص هذا ان جازت لك بالتوفيق