أضف سؤال أو موضوع جديد          

ثلاجة مكينة الفورد

up 9 down 10
عبدالله الشفيعي 1440
قبل 4 سنه و 11 شهر



السلام عليكم.     وصباح الخير
الثلاجة حقت مكينة الماركيز ٢٠٠٧.     فيها اثار تهريب. قديمه.   وموية الاديتر ماتنقص.  مراقبها
ف تنصحون بتغييرها كامله.   والا وجه.    والا اشوف وش تقول الورش
لاني ناوي اروح لعدة ورش.         المهم ان موية الاديتر ماتنقص.  تتوقعون   هربت وخلاص ظبطت
مع اني قبل فتره شميت ريحة حراق. وطلع دخان خفيف مع فتحات المكيف. ووخرتها بعيد عن السيارات ونزلت فتحت الكبوت
مامن اثر.      طبعا كنّا حر ومشغل المكيف
اهل الدمام.      اللي يبي قطع غيار للفورد.  تراني من كثر مافريت  ومن كثر ما استخدمت الفورد.    كونت فكره.  عن القطع
ومستعد للمساعدة في ما اعرفه.      







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


عندك دراهم زايدة ولا كيف 
الماء ماينقص والسيارة مافيها تفتفه ولا تقطيع 
ليش من الاساس تروح الورش 
اغلب الناس اللي يغيرون ثلاجة المكينة بسبب انها تهرب ماء وينزل على البواجي ويسبب تقطيع وكتمه في العزم 


up 2 down 0
hussain4 854
قبل 4 سنه و 11 شهر



حبيب قلبي.      الان السياره في الورشه بسبب حادث تكلمت عنه قبل الحادث.   قبل ٤ شهور.   لاحظت صدى وبقايا مويه خفيفه
مريت وانا مستعجل.   احد السباكين.  قال تهريب واشر على نفس المويه. والصدى.  قعدت اتابع موية الاديتر
طبعا السباك قال نفكها ونشوف وجه والا ثلاجه كامله.    انا من عادتي امر كذا واحد.            اضف الي ذلك اني سمعت نصايح
بعض الاخوه هنا يقولون قبل تبلش في الكويلات وتنقط المويه صلحها.   يعني. ادفع ١/٣٠٠.  تصليح وثلاجه ولا ابلش في الكويلات
ف.   قبل اسمع تجاربكم.  لاني متوقع ان اغلبهم يقول غير الثلاجه.      ولأني دايم التشييك فالتهريب من شهر ١٠ او ١١ اللي فات



up 2 down 2
عبدالله الشفيعي 1440
قبل 4 سنه و 11 شهر



بمعنى اخر.   تصلح ثلاجه.  احسن من تبعات التهريب تخسر ١/٣٠٠ والا تخسر اكثر
لكن قبل ذلك اكيد. الفحص والتشخيص.    من اكثر من واحد.  واذا تأكدت وتطابقت اقوالهم.   غيرنا
عموما.  اذكر مره غيرت ل موديل ٩٧.  راس فقط ب ٧٠٠.   وليس كامله.  وكانت كامله ب ١/١٠٠.  قال المهندس.   في ورشة الوطنيه
ماله داعي.  جب راس فقط.       


up 2 down 1
عبدالله الشفيعي 1440
قبل 4 سنه و 11 شهر



اذا موية السياره نظيفه مافيها صدى كثير ممكن يكون وجه لان موديل سيارتك الثلاجه معدن ماتنكسر

عموما بالفورد لايغرك مستوى المويه بالقربه احيانا يكون فل وفيه نقص داخلي ولو بسيط ويبان معك مع الوقت ترفع حراره شرطه.

لكن فيه جزء خلفي بلاستيك الي رايح لثلاجة المكيف الحار هذي ممكن تنكسر وتهرب بس اعراضها واضحه تفتفه

على طول لان المويه تروح للكويلات


up 3 down 0
abdullah.ags 395
قبل 4 سنه و 11 شهر



حياك
اقطع الشك بيقين
انقز اقرب ورشة وخله يفك ويشيك اذا وجه او الثلاجة يمكن
بداية خراب


up 1 down 0
باترول 2020 2623
قبل 4 سنه و 11 شهر



المشكله كنت ناوي امر ورش عليها الكلام. لكن البناخي صدم. والان السياره بطلعها من ورشة العامر او ابو عامر للسمكره
واشيك عليها عند ابو عامر للميكانيكا
انا قال واحد نفكها عشان نعرف وجه والا الثلاجه وكانت ميزانيتي ماتساعد
يعني قلت اذا بفكها بكون جاهز اجيب وجه او ثلاجه.   يقول مقدر احكم الا بعد الفك
اظن ورشة  العامر.   بتقول من غير فك. ياوجه ياثلاجه


up 0 down 0
عبدالله الشفيعي 1440
قبل 4 سنه و 11 شهر



بعد اذنك ياعبدالله

انا معي فورد 2009 لاحظة انه يقطع الموتر بعد ما اشغله بخمس دقائق وتوقعت بواجي وغيرتها مانفع
ورحت لورشة فحصها وقال لازم تغير الثلاجة وصدمني يوم قال 1700

فيه حل ؟


up 0 down 0
ابو المارية 78
قبل 4 سنه و 11 شهر



ليه   قيمتها ١٠٥٠ الي ١١٠٠ والتركيب من ٢٥٠ الي ٣٠٠.   بالكثير.  ١٣٥٠
بس هذا بيلطش    ووممكن يجيب لك امريكيه.     ممكن الثلاجه اثرت على الكويلات
وهربت من مكان ذكره احد اخواني في الردود على موضوعي مدري موضوع اخر.  يعني ماتبين لك
اللي عليك التالي
١/ تتاكد من ٦ ورش.  ترى كلها ٢٠ دقيقه.  
٢/ اذا تم التشخيص.  من الجميع
تشوف ورشه محترمه.         وتقاطعهم. وترى شغل اليد بالكثير ٣٠٠
ثم تنقز للرميزان او اي موزع موثوق به.  والرميزان ارخص.    وناجم الزهراني ممتاز
والفرق بتلقاه ٥٠.   عموما تاخذ الثلاجه.    بنفسك.        قل للورشه الثلاجه انا بجيبها


up 0 down 0
عبدالله الشفيعي 1440
قبل 4 سنه و 11 شهر



تم المرور على اكثر من ورشه وتم الاجماع على وجوب تغيير الثلاجه.  اخذتها اصليه ب ١٠٥٠. من الرميزان
علما بان السوق فيه امريكيات. من ٦٠٠ الي ٧٥٠ كلٍ يقول الزود عندي نصحني واحد قال فيه امريكي يعيش ١٥ سنه وزي الاصلي
وفيه ابو سنتين كيف افرق واعرف.  لذلك قلت. ركب اصلي. وجهين اصليين ب ١٤٠.  وعند الدوليه تركيب مع كشف كمويوتر ب ٤٠٠
وممتازه.      


up 0 down 0
عبدالله الشفيعي 1440
قبل 4 سنه و 6 شهر



كيف حالك اخوي عبدالله 
الثلاجه الي شريتها من الرميزان كيف وضعها الحين ،
انا متخوف اشتري اصلي الا من الوكالة اخاف انه مزور في المحلات يعني المحلات مخليها للتجاري بس 
وش رايك  سياره فكتوريا 


up 0 down 0
hazemk1
قبل 3 سنه و 11 شهر



شف.      الرميزان.  يبيعها. برقم الوكاله.    موزع مضمون ميه بالميه.   لو وديتها الوكاله قالوا اصليه.    وهو ثقه
السياره.    للاسف.  صار عليها حادث وراحت تالف.    لكن اهم شي التطبيق يطبقونها صح.  التركيب مهم
مع العلم ان فيه امريكيات.      تجي بوجه وبدون ب ٧٠٠. ناس مركبينها من ١٠ سنين
عموما.     اذا انت في الدمام.    بعطيك رقم السوداني.    لأن ثلاجتي وكاله.  ووجيهها وكاله.     ولا مشيت عليها
لو تاخذها ب ٥٠٠ انت كسبان.          تراها اصليه ولا مشيت عليها ٣٠٠٠.     ابي مصلحتك.     اذا ماباعها
لكن اعرف شي   النهدي تويوتا.  والمنيف ووو.   والرميزان فورد والمغلوث.   ذولا ناس ثقه.    هم ياخذون جمله من الوكاله.   بسعر رخيص
والوكاله تبيع.   للمترددين. امثالك.  واللي يؤمنون بالوكاله.         فترصعهم.      فخذ وعلى ضمانتي


up 0 down 0
عبدالله الشفيعي 1440
قبل 3 سنه و 11 شهر



صلحها عند الدوليه ب ٤٠٠.  مع فحص كمبيوتر.        اضمن.   فيه اسعار ب ٣٠٠ بس ورش متعلمين
ممكن يحصل تنسيم.            الدوليه عماله فلبينيه ممتازه.   شغل صح


up 1 down 0
عبدالله الشفيعي 1440
قبل 3 سنه و 11 شهر



سلام عليكم اخوي الثلاجه باقي موجوده وكم تبغا فيها ووين موقعك


up 0 down 0
براء هادي
قبل 3 سنه و 6 شهر