أضف سؤال أو موضوع جديد          

تجربتي مع لمبه الكفرات

up 9 down 4
سكودر 14882
قبل 10 شهر و 3 أسبوع



السلام عليكم


لمبه الكفرات دائم شغاله والسبب عاده ماتكون من الحساس او الهواء الغير مناسب للكفرات طبعن انت جرب تعاير الكفر وتحطه نفس مقاس الوكاله واهم شي يكون العيار صحيح ماهو حق البناشر قبل ماتحكم على ان الحساس خربان كل سياره ولها مقاس كفر معين وعاده تحصله في الباب اوكتلوج السياره اخوي معه تورس 2015 لمبه الكفرات شغاله

المهم اخذتها منه ومريت 5 بناشر كل عيار هواء حق بنشري يعطيني رقم من راسه وكلها خرابيط

وديتها محل متخصص في الكفرات وقال عندي الحساسات خربانه ماقتنعت فيه وقال اجيب لك حساس 150 ريال المهم سحبت عليه

وشفت مركز اسمه ون ستوب عندهم جهاز فيه شاشه تعطيك الرقم الصحيح والهواء الصحيح الي في الكفر ومضبوطه ميه بميه طبعن هم عندهم عيار هواء عادي وعندهم الي فيه شاشه انت خذ الي فيه شاشه

طبعن التورس مكتوب في الباب انها 33 الهواء وانا قلت له 33 كل الكفرات والحمد الله بعد مازبطها كلها حصلت الكفرات الي 40 واللي 30 واللي 22 واللي 28 خليتها كلها 33 حسب ماهو مكتوب على الباب والحمد الله مجرد مامشيت الى اللمبه طفت هذي تجربتي اليوم الصباح والفلبيني عطيته 5 ريال لن المحل هذا عاده مايعطون العيار هذا الى اللي يغير زيت من عندهم يعني vib واذا جيت تبي تعاير كفرات سيارتك يعطيك العيار العادي









إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


انا معي تورس. وشاري مقياس رقمي. من امازون. ومعاي ما طور. وكل اسبوعين اشيك بنفسي. على سيارتي. اهم شي. تكون الكفرات بارده. مو حاره

والتورس. تولع اللمبة اذا نزل واحد من الكفرات عن ٢٥


up 1 down 0
sultan-000 174
قبل 10 شهر و 3 أسبوع



يازين حساسات الجمس 
يحدد ضغط الهواء في الكفرات الاربعة ويعلمك اي كفر ناقص فيه الهواء 
واذا خرب الحساس يعطيك على الشاشة الضغط اصفار جهة الكفر 



up 2 down 0
hussain4 584
قبل 10 شهر و 3 أسبوع



وزياده على كلامي
برمجة حساس الكفرات في التورس. تضغط فلشر ثلاث مرات وتتبرمج
اذا كانت مولعه وكل شي تمام بس معلقة


up 1 down 0
sultan-000 174
قبل 10 شهر و 3 أسبوع



بالكامري عندي والعة لمبة حساسات الكفرات رغم اني معبيها
نيتروجين ثابتة على ٣٥ من يومها وقبلها غيرت كفراتها
والحساس مايشتغل الا اذا نقص الهواء عن ٢٥ لكن شكل احد
الحساسات خربانة ومدري كيف اعرف الخربان منها رغم ان عندي
كيبل حق تويوتا شريته من زمان لكن يبغالي كمبيوتر ويندز xp
ومالقيت لي كمبيوتر اعرف اشبك الكيبل عشان اعرف اي الحساسات خربانة
او اصلا يمكن مايظهره لي وصابر على اللمبة مدة سنة وشوي


up 0 down 0
ابو عبدالله احمد 3257
قبل 10 شهر و 3 أسبوع



ياخوك نفس مشكلتي لها خمس سنوات ولمبة الحساس شغال وكل مره اشيك واحط على مقاس واحد
والمشكله لازالت

ون ستوب تبع نيسان اللي تقصده اذا اهو بمره اليوم

قسسسم فقعت مرارتي المشكله ذي


up 0 down 0
aboahmed2014 296
قبل 10 شهر و 2 أسبوع