أبغى اشتري كراون فكتوريا أو جراند ماركيز 2003 أو 2004

والله جلست نص شهر ادور فورد لخوي بسعر 45 بس للاسف اي فورد مستعمل لدينا تلقاها مضروبه واحصابها يهبلون فيك مايقولون الصدق وصارت مواقف حسبي الله عليهم بس نصابين ماتلقى نظيف اخر شي قلت لخوي خلنا ندبر فلوس لحد ال 60 ونشتري فورد بطاقه جمركيه مستعمل نظيف ابرك من هذي المفقعات وشرينا ماركيز 2007 ووورده والحين كارفه خطوط وماشي مثل العسل ونصيحه الفورد يا انك تاخذه نظيف وتحافظ عليه او لاتقربه لانه لو فتح فمه او كان حق تفحيط وسوء استخدام الله يعينك عليه

هلا شاقح الله يعين بس

طيب شاقح بسألك فيه صالات أحصل فيها موديل 2003 أو 2004 ووين مكانهم لإني ما جيت الصالات بالمرة

هلا اخوي شيخ المعارض وش هالحظ طيب المعارض كم أسعارهم هالموديلين

والله انا رحت الرقيه من الرياض عشان واحد عتيبي كان عارض ماركيز 2004 فل كامل تفاحي نظيف ويوم وصلت له طلع عارض الصور فموقع حراج يوم كان نظيف اول ماجى من امريكا والحين شكل الماركيز مفقع ومصدوم والبويه مقرشه ؟ قلتله انت عارض صور فموقع حراج والموتر نظيف !!! قال هذي الصور قبل سنين هههههههه يعني تبي تلعب علي وضاربني موشوار ابو كلب واخرتها تطلع الصور قديمه وسيارتك مصدومه والبواجي تجاريه وسيارتك ملعوب فامها !!! تعبت وانا ادور شي نظيف والله يعينك على الدوران واللفلفه لحد ماتلقى شي لاتيئس وراح تلقى بس يمكن ضربة حظ او بعد فتره طويله ... اما الصالات كلها غاليه وبتلقى عندهم النظيف وماراح تتعب اذا بتدور عندهم

صراحه ماتحصل الا نادر وشوف الي يملك فورد مايبيعه الا لسبب اذا كان من الموديلات القديمه حراره مشاكل قير المكينه فيها مشكله ومحد يصدق معاك وانا سالفتي مثل شاقح  ثلاث سيارات احصلها واخرتها افحص يطلع لك قايمه اعطال وصاحبه او المعرض يقول نضيف اقوله بيني وبينك الفحص قبل شهرين او اكثر حصلت واحد عارض في المعرض 2001 طالب 23 وماعطوه الشريطيه وصلوه لين 19 جيته ومناحله لين نشف ريقي وقال 22 قلت على الفحص في البدايه قال انا امسك خطوط والسياره نضيفه جربه قلت هاذا شرطي فحص واعرف الامريكي فحصت الله لا يوريك مكينه نسبتها 80 ومعروف اقل نسبه مره طايحه 84 غيرها المكينه مره تعبانه القير ضعيف فاصل الارباق الكمارات الاماميه معدله قلت يارجال السياره كذا نضيفه قام يصرف يقول 2001 تبيها مثل الوكاله وقلت بصبر لين احوش مبلغ واخذ مستورد لنه المستورد افضل وانضف واقل ضمان سنه لو كان فيه مشاكل فحاول تزود فلوسك وتاخذ مستخدم 

اذا بتاخذ من صالة حرام تاخذ 2006 لانة بياصل 60000 والله مبالغ في سعرة

زودها 10000 وخذ 2010

شاقح : بعد كل هالمشوار أخر شيء تطلع مضروبه كان الله بعونك

princ فعلا ناس ما تستحي و ليكون خلى الفحص عليك بعد

شليطيح ودي لكن هاذي اللي معاي و دام الصالات ما فيها إلا 2006 و طالع بدور بالمعارض و يمكن الله يرزقني بوحده نظيفة







لكن بسألكم فيه صالات بمعارض النسيم لإن الصالات اللي أعرفها كلها بالشفا

مثل ماقل اخوي الي معه فكتوريا والا ماركيز قديم شوي تلقاه ما يفررط فيه لأنه عارف انه نظظظيف ومرتاح له اخوي معه واحد ماركيز موديله 2000 كان مخزززن في صاله ماتحرك اخذه من تقريباً سنتين الى الان معه وبويته مشهبه شوي / ويقول لو يصير مايصير ما ابيعه لان لو بعته مايسوى شي لكن طالما انا مرتاح عليه وماعمريحطيت فيه ريال واحد ف اخليه عندي نصيحتي لك ،، حاول تزود المبلغ اللي معك وتشوف واحد 2006 او 2007 والله يوفقك

اكيد الفحص علي الفحص مايتحمله الا الي سيارته موديل جديد وعارف مابيطلع فيها عيوب اما الي شاك بس مجرد شك يقولك شوف السياره ونضرك يحكم وانت حر تبي تقلب ولا تقلب مع فحص بعضهم يقلب وينغر بالموتر بوديه جديد والسياره مربطه واخرتها يتوهق فيها الان الكمبيوتر يطلع بلاوي ماتتوقعها 

تراك تحصل باالمعارض بس لاتستعجل واذا ماحصلت انا بعد فتره ناوي ابيع سيارتي موديل 2003 ابيض ماركيز لاني ابي اجيب سياره موديل 2007 ولاني بايع السياره لين احصل سياره




فيه واحد من الجماعه عنده فور ماركيز 2005 استخدم من امريكا واخذها من الصاله قبل تقريبا 3او 4 سنين ولونها بحري قابلته امس ويقول انه ناوي يبيعها لانه يبي هايلوكس جديده

هلا الوافي

طيب الماركيز 2005 كم حادها الرجال أبي من الاخر و انا صامل ان شاء الله تكفى و الله تعبت و انا ادور

و الرجال كم حادها و معلومات عنها و ان شاء الله يصير


و إنت إذا بغيت تبيع سيارتك متى ناوي ان شاء الله يعني اسبوع اسبوعين

انا اشوفه وارد لك وسيارتي تقريبا شهر او شهرونصف لاني ابي اسدد قرضي واحول لبنك اخر واخذ قرض جديد

يقول الرجال حادها 45000 وقابل لتفاوض ويقول على الشرط

الوافي هلا فيك

الله يرزقه يا رب ما معي هالمبلغ ولا كان تقابلنا و إذا نظيف يستاهل و على العموم إذا نويت تبيع سيارتك اتمنى تراسلني اخوي الوافي و أنا بدور على راحتي و بسألك أنت من وين من الرياض ؟؟

ارجو المراسله اذا ماحصلت سياره