صوت في ديكور التورس

الي عنده علم عن الموضوع يعلمني تكفون 

الله يعينك
سمعت الصوت 27ثانيه
وتنرفزت وانا مالي دخل
حاول تبحث عن مصدر الصوت
ضغط الديكورات بيدك والزوايا
حاول توصل للصوت يمكن
الديكور يحك بالقزاز الامامي او
بديكور الكتف مدري العارض حق الباب مدري
وش اسمها بالضبط
حاول تصلحها بنفسك لو قدرت تحط جلده
تفصل الديكور عن المكان الي يحك فيه او اي شئ يكون غير واضح

او توجه للوكاله على الضمان

ممكن من بوابه الهوا جرب قفل البوابة و امشي بالسيارة و المكيف مط في
و شوف اذا يدخل هوا 
حط يدك على فتحات التكيف و شوف اذا يدخل هوا

الوكاله المفروض تصلحها او تستبدله لك توها جديده السيارة

والله صوت يقهرررر

منتشره فالتورس هالمشكله
وغالبا هي من الديكور
هذي مشكلة تطبيق الديكور بكلبسات وصناعته من مواد ضعيفه سيئه

خوي كانت معاه 2015 جديده وارد بريمي ومر بنفس المشكله بس الصوت اخف

كل الموديلات الحديثه ديكوراتها سيئه وانواع الاصوات

انا معي كامري ٢٠١٥ 

طلع لي اكثر من ثلاث اصوات ديكورات
كلهم عرفت مصدرهم بعد تعب وضبطتهم وراح الصوت
وباقي لي واحححححد بس عجزت عنه يقهر بس خفيف 

هذا سلمك الله من الديكور الي قدام إلى تحت القزاز مباشره
اضغط عليه اذا طلع الصوت اذا راح فهو منها فبسيطه حلها
ارفعها بسكروب ولا اي شي حاد لانها كلبسات بسيطه وبعدين
حط من الشريط الاصق ابو وجهين تحصله في محلات الزينه
عل الحواف في الطرف والوسط ويفضل الي لونه اسود كامل
عشان ماينعكس عليك الابيض في القزاز وبعدين اطبق عليها وأن
شاء الله تضبط.
ونصيحه مني ودها الوكاله اذا انت فاضي وهم يضبطونها لك وموفق

كان الله في عونك من هالصوت المزعج
سياراتك على الضمان اذهب للوكاله

والله ياخوي اصوات الديكور تقهرر قهر ههههههههه
معي سيراتو 2016 كان في صوت مهبل بي في قزازة العدادات
يطلع الصوت وانا ماشي بالسيارة فقط احط يدي على قزازة العدادات
يروح اشيلها يرجع الصوت والله ياهو طفشني ههههههه
ورحت الوكالة ورموني على فرع تاني ولا رحت انشغلت
في الاخير راح الصوت لحاله لان الديكورات تاخذ فترة عشان تتماسك
وتتمتلي الفراغات بينها ، بس ماقلت كم ماشية سيارتك وكم صار لها معاك

شاكر لكم ياااخوان والله شي يقهر الموتر توه ماشي 700كيلو ويطلع اصوات 

انا زي الصوت الي بالفديو بس خفيف بوديها الوكاله واشوف 

ياخوي الله يعطيك خيرها ويكفيك شرها 

انا كان يجي عندي في فورد فكتوريا لاخوي نفس الصوت
بس اخف واذا حركت فرار حق البرود والحراره يروح !! 
وعرفت انه من قسام الهواء وخليته 
فجرب انت يمكن منه وجرب تشغل المكيف يمكن يروح وجرب
تغير جهة خروج الهواء والله يزينها معك
ولاتنسى تفيدنا بالحل وتكسب الاجر 

يمكن فيه مسمار طايح جوا مكيف القزاز الامامي او شيء من هالقبيل

هذا الصوت تتقبله اذا طلع بعد ممشى 200 الف او اكثر 
ودها الوكالة 
و في نفس المقطع صاحب القناة يقول انه من الحديدة اللي تحت العدادات

لا الصوت فوق الطبلون 

ياليت طلع الصوت بعد 200 الف مافي مشكله

تذكرت يوم كنت أبحث عن سيارة جديدة أشتريها ومريت وكالة فورد واعطوني تجربة قيادة لتوروس 2014 وطلع مع الموظف
وطلع لي نفس الصوت يتهيأ لي إنه من دهة ديكور العداد أو حوله
وسألت الموظف : ليه فيه اصوات ديكور
قال : لإنه هذي سيارة تجربة واستهلكت في أماكن كثير مثل حلبة الريم
قلت له : بس السيارة ماشية 1300 كيلو فقط

نفس الصوت بس يطلع في النهار والسيارة حارة  في الليل يحتفي والي متاكد منه انه من ديكور الطبلون الأمامي