أضف سؤال أو موضوع جديد          

بخصوص ضمان السيارة والصيانة

up 3 down 1
al 3oomda 75
قبل 5 سنه و 2 شهر



السلام عليكم ورحمه الله وبركاته 
اخباركم ان شاء الله بأفضل حال 

عندي استفسار بخصوص اللي مايبي يصين سيارته بالوكاله 
لأنهم نصابين ولا عندهم سالفه وفواتير عاليه 
وش المراكز المعتمدة بحيث انه مايروح الضمان 
كويك لاين ممتازين والا فيه غيرهم بخصوص الفورد 
وبالنسبه للجمس 
مراكز ايسي دلكو وش وضعها 

ويعطيكم العافية شباب 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


لأي تجربة مع بترومين وهي اني مره غيرت الزيت عندهم ولقيت غطا علبة زيت الفرامل مفتوح
وشغل اي كلام بصراحه غير كذا اسعارهم ما تفرق عن الوكالة كثير



up 2 down 3
loody_23 363
قبل 5 سنه و 2 شهر




هو معتمد عند الشركات ولكن شغلهم  خرطي وحتى فلاترهم غير اصليه 



up 1 down 0
al 3oomda 75
قبل 5 سنه و 2 شهر



عليكم السلام ورحمة الله
بالنسبه لمراكز خدمة آي سي ديلكو : فهو معتمد من قبل شركة الجميح
كما هو مذكور في موقعهم


up 1 down 0
naif30naif 36
قبل 5 سنه و 2 شهر



تقدر تدخل سيارتك للصيانه , وقلهم بس أبغا أغير زيت المكينه والقير , وما ابغا صيانه ثانيه , عشان لا يسرقوك

لانك انت الحين تبغا تطلع سيارتك من الوكاله وتصينها برا بسبب انهم يغيرون لك قطع اخرى ما تحتاج تغير زياده على الزيت

فاطلب من الوكاله هالشيء

قلهم ابغا زيت مكينه وسيفون وبس

وبكذا تكون مرتاح


لان احد الاخوان طلع اوبتيما 2016 ويغير لها زيت الان من بترومين من نوع A1 علبته ب 60 بسعر 322 مع السيفون بعد الخصم 4 علب ونص , والوكاله ارخص بحوالي 290 ان ماخاب ضني او ارخص

فمراكز بترومين وهالمراكز تنفع للمطفرين مثلي :)

انا عندي كيا 2014 وما ودي أغير زيت ب 290 بالوكاله

فاروح ادور الرخيص + سيارتي ماتطلع من الضمان نهائيا لانهم معتمدين من الوكالات

فرحت لبترومين واغير الزيت الان ب 96 ريال مع السيفون

يقولون لي غير الزيت ابو 322 مثل صاحبي لان هذا حق الوكاله واللي ينصح فيه , لكن اقول انا ابغا الزيت العادي 10W30

4 علب ب 80 ريال + اي علبه زياده تحسب ب 16 ريال وانا سيارتي تشيل 4 ونص يعني المجموع 96ريال

السيفون مجاني كل يوم سبت , وانا اجي عندهم اغير يوم السبت كل 5 الى 6 الاف كيلو عشان اخذ العرض :)

وبكذا اكون غيرت برخيص + سيارتي ماطلعت من الضمان

_______________

فانت اذا بتروح لبترومين وتغير من الزيت الغالي

فاقولك خلك على الوكاله , افضل واضمن وارخص , وقولهم بس ابغا اغير الزيت والسيفون وبطلع

اما لو تبغا تطلع من الوكاله وتغير من الزيت الرخيص والسياره تبقى على الضمان

فاقولك توكل على الله




up 2 down 2
ابوخالد1397 2889
قبل 5 سنه و 2 شهر



يعطيكم العافيه شباب
بس المشكله بترومين  غالين على غير سنع 
وايسي دلكو زيت القير عندهم قديم lll atf 
والزيت الموصى به دكسرون VI
والجميح صيانه 60.000كم  ب 1800 
وش النقاط فحص السوائل تغيير زيت مكينه وقير مع الفلاتر 
تدوير الكفرات على شكل X 
يعني كله كلام فاضي حتى البواجي  مايغرونها 
وش المراكز المعتمدة وشغلهم نظيف ومعتمده في الوكالة 
مايز معتمد  أنا اعرف انه حق سمكره وميكانيكا 



up 2 down 0
al 3oomda 75
قبل 5 سنه و 2 شهر



غير الزيت باي مكان , الضمان مايروح انا عندي اكسبديشن صلحته على الضمان كان فيه خلل مصنعي
كل الزيوت اغيرها برا عند البناشر العاديه ماعدا مره رحت لكويك لاين عشان زيت القير مابي يلعبون فيه برا
لمن رحت الوكاله عشان الخلل ماسالني عن الصيانات ولا الوكاله ولا شي استلموها وسلموني سيارة بديله


up 1 down 1
وسيط مالي6682 101
قبل 5 سنه و 2 شهر



الضمان مايروح حتى لو تغير برا
معي تورس 2015 ماشي 37 الف غيرت في الوكاله اول تغييره بس الي هي 8 الاف
والباقي ف البناشر برا
وخربت عليه البطاريه وغيرتها عندهم وعلى الضمان وطلع فيها عيب مصنعي واستلموها وعطوني بديل
ولاسالو عن الصيانة اني سويتها عندهم او لا
تعاملهم ممتاز


up 1 down 1
مورد الماء 322
قبل 5 سنه و 2 شهر



انتبه لهاذي النقطة
اي تغير في مقاس الكفر او الجنط المكتوب في استكر الباب يعتبر الضمان ملغي علي المساعدات والعكوس والدفرنس والمقصات والجوزات والأذرعة وكراسي المكينة والجير

انا صيانتي كلها في بترومين خدماتهم
تغير زيت مكينة وقير وتنضيف بخاخات فقط

اربع علب زيت 80 ريال
اربع علب زيت مع الفلتر الزيت 100 ريال



up 0 down 2
grshp 245
قبل 5 سنه و 2 شهر



شكرًا لكل من تفاعل مع الموضوع 
ويعطيكم الف عافية  ياشباب 


up 0 down 0
al 3oomda 75
قبل 5 سنه و 2 شهر



اهم شي اذ غيرت الزيت خارج الصيانه تأخذ فاتورة والا تغير زيت ثقيل لانه لو لاقدر الله خربة المكينه يطلبون منك فاوتير اخير ثلاث تغيرات للزيت  هذي من تجربه سارت معي اكسبديشن 2013ماشي٩٠الف وخربت المكينة علي معاني محافظ علي السيارة توكيلات الجزيرة رفضو يصلحون السيارة واشتكيت في وزارة التجارة وطلبو مني الفواتير رحت لواحد اعرفه واعطاني الفواتير بس نوع الزيت الي سجل ثقيل وقالو السبب في خراب المكينه هوالزيت وصلحة السيارة علي حسابي 


up 0 down 0
يوسف الترجمي
قبل 5 سنه و 2 شهر



اللي استغربه الفلبيني وين مارحت
امين وصادق وجاد في العمل ومرتب وتطلع السياره بافضل حالاتها
كل هالكلام عكسه في عمالة بترومين احسهم جايين من سجن او اصلاحيه خبره ههه


up 0 down 0
khaled3224 284
قبل 5 سنه و 2 شهر



انت تقصد صيانة او تغيير زيوت ؟
تغيير الزيوت بالوكالة ببلاش على الضمان حتى 150 الف او ثلاث سنوات .. برضو زيت القير يتغير كل 40 الف كيلو .
اما الصيانة ما هو شرط تسوي بالوكالة وعندهم كويك لاين تابع لهم وخدمات سريعة وعندهم اشتراكات سنوية تسوي بها صيانة لسيارتك .
وانا اقولك من تجربه التورس تبدأ تطلب منك بعد 50 الف كيلو مثل الفحمات + المساعدات فقط .. واذا تعديت 150 الف كيلو تبدأ تطلب مثل :
كراسي القير والمكينة + جلد المقصات + والمساعدات والفحمات + البواجي وغيرها ..
واذا ماتبي تغير زيت عندهم : رح لمحل قطع الغيار حق الوكالة وقله ابي ( كرتون زيت تورس 5w30 ) كرتون كامل فيه 12 علبة بـ 160 ريال بعد الخصم .
واثنين فلتر مكينة .. وتروح لأقرب بنشري يغيره لك بـ 25 ريال .. تعبيها خمس علب ونص يعني 6 علب مع الفلتر ويبقى نص العلبة معك .
يعني 6 علب بـ 80 ريال + 25 ريال فلتر = 105 ريال + 25 ريال شغل يد = 130 ريال لتغييرة زيت المكينة .
وزيت القير تغيره كل 40 - 50 الف كيلو سواء بالوكالة او تشتري الزيت من الوكالة وتغيره برى تفك السره وتخلي القير يبرد نص ساعة وبعدها تعبي الجديد / لأن قير التورس مافيه فلتر وحيله على الزيت .
وتوفر على نفسك .. وهذا الزيت هو الصالح لمكينة التورس وهو اللي مكتوب في دفتر المالك والمناسب للمكينة ويمشيك 7 الاف كيلو .. بعكس 10w30 اللي لو خليته الى 7 الاف احتمال يخرب المكينة عليك .



up 0 down 0
.. عبدالإله .. 419
قبل 5 سنه و 2 شهر