أضف سؤال أو موضوع جديد          

تهريب زيت

up 2 down 1
moiiad 28
قبل 5 سنه و 4 شهر



السلام عليكم ورحمه الله وبركاته اخواني الكرام عندي فورد ماركيز م 2000 امس لاحظت زيت تحت السياره رحت عند ميكانيكي قلي صوفه ماكينه وتبغى فك ماكينه وتغير صوفه سؤالي لاهل الخبره هل الكلام صح والتكلفه طلب 1000 ريال ارجو المساعده على ورشه جيده في الرياض ولكم الشكر والدعاء







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


نعم تجي صوفة خلفية للمكينة بين المكينة والقير ، ولازم من تغيير الصوفة فكة المكينة عن القير ، لكن شغل اليد إلى طلبه غالي

حق الشغل في من 500 إلى 600 هذه التكلفة في أغلب السيارات والصوفة معروف سعرها رخيص ، لكن تتأكد أكثر من مصدر

التهريب ممكن يكون وجه الكرتير أو صرة الزيت وفي هذه الجالة تغسل السيارة من تحت ويبين معك مصدر التهريب ، وأعتقد

أن الصوفة بالعادة يطلع منها ترشيح في البداية وليس تهريب يعني ما تلاحظه يسقط على الأرض ، وبما ان التهريب لاحظته

تحت السيارة تتفقد مستوى الزيت ولا يكون نقص كثير ، وتصلحها في أسرع وقت ، والله أعلم


up 3 down 1
النهراني 271
قبل 5 سنه و 4 شهر



مر اكثر من واحد.     ياجماعه رحت اركب الغطاء اللي يجي تحت المكينه
ويقعد الأخ الرفيق الباكستاني يحرك الاذرعه قال لازم تغير اذرعه او نظبطها نخرطها او نكبسها ب ٧٠ 
قلت هلحين ظهر وحر.   متأكد قال متأكد. قلت على هالخشم بس بكره.      جلست كم يوم. وانا راعي سفر.       وامر. ٤ ورش. قالوا.  الاذرعه
من احسن مايكون ولافيها شي.       ف الأخ الرفيق.  كان متعود الظاهر على ناس يقول اكبس غير.       يا اخوان لاتكذب احد ولاتصدقه
الدنيا كذا.        تأكد بنفسك.    ليس المطلوب مني ان اخون بتشديد الواو.  احد او  اثق بأحد.    مالم يكن بيننا سابق تجربه         لماذا
ابني حكمي بالسلب او الإيجاب على شخص لا أعرفه


up 3 down 0
عبدالله الشفيعي 1440
قبل 5 سنه و 4 شهر



كله خير ان شاء الله
الله يعينك
هذي صوفة المكينة الخلفية
تحصل احد يغيرها لك ب 600 أو 700 ريال
الصوفة سعرها بسيط لكن مشكلتها بفك الماكينة ووزن القير بعد التركيب هذي تعذب الميكانيكي

عندي نفس المشكلة بالكامري من سنة وشويه لكن ما غيرتها ولا عملت شي
بس أشيك على الزيت كل 4 او 5 ايام
المشكلة ما تأثر مررره المهم الزيت ما ينقص


up 1 down 0
الابداع التقني1 165
قبل 5 سنه و 4 شهر



عليكم السلام ورحمة الله 
وش اللي يفك المكينة عشان صوفة وشغل ١٠٠٠ ريال !!
شف ورشه ثانيه هذا يبي يخسرك ويخرب سيارتك 
ماعمري سمعت احد فك مكينة عشان صوفه
هو ياتفك المكينة او تفك القير 
فك القير اسهل واسرع من فك المكينة وارخص وحده 
٣٠٠ ريال فك تركيب مايحتاج تفك المكينة ابد 


up 2 down 0
w.asa 2027
قبل 5 سنه و 4 شهر



اذا انت شرق الرياض. برسلك لواحد فاهم وشغله 

ماعليه خوف.  الورشه في النسيم الشرقي 

شارع الحمزه. اذا انت جاي من طريق المية 

ادخل شارع الحمزه تعدا محلات الزينه. 

يجيك تقاطع ديوار. تعداها خلك ماشي سيده 

يجيك اشاره. المحل قبل الاشاره. على اليمين 

وبعطيك رقمه واحد بنقالي اسمه بلال 




up 2 down 0
سبحان الرازق سبحانه 2513
قبل 5 سنه و 4 شهر



0554403455

هذا رقمه اذا حبيت تكلمه. 


up 1 down 0
سبحان الرازق سبحانه 2513
قبل 5 سنه و 4 شهر



اغسل السياره عشان تتأكد من مكان التهريب ١٠٠٪‏
بعدين اذا هي فعلا صوفه لازم تفك الماكينه
من ٥٠٠ الى ٨٠٠

ما ادري اذا هي زي الدفع الامامي والا لا
الدفع الامامي لها صوفتين اماميه وخلفيه

دامك فاك الماكينه غيرهن كلهن


up 1 down 0
الملك المجهول 170
قبل 5 سنه و 4 شهر



لازم تتاكد اكثر بغسل بطن السياره وفيه احتمالات كثيره للتهريب وجه كارتير صرة الزيت غطا البلوف يهرب من الخلف وغير ملاحظ

واحتمالات كثيره .. المهم اذا تاكدت انها الصوفه الخلفيه غيرها وغير بطريقك صوفة القير لانها نفس الشغل

والسعر غالي 1000 على ايش ماتسوى حقها بالكثير 400 500 ريال


up 1 down 0
abdullah.ags 395
قبل 5 سنه و 4 شهر



يا اخوي والكلام لبقية الاعضاء مستحيل يفك المكينة علشان صوفة المكينة القير اسهل له وقد غيرتها مرة جاب عفريته طويلةعلى كفرات وفك القير وركب الصوفه والشغله ما تاخذلها 300 ريال وصاحب الاعلان روح كذا ورشة والله يعينك


up 0 down 2
ابوخلوودي1 5070
قبل 5 سنه و 4 شهر



السلام عليكم ورحمه الله سالت اكتر من ورشه شي يقولو فك ماكينه شي يقول فك الغير وما حد طلب اقل من الف ريال


up 2 down 0
moiiad 28
قبل 5 سنه و 4 شهر



حتى رحت عند الميكانيكي بلال وطلب غسيل بستم وغسلتها ورجعت بعد ساعتين قلي لازم فك الغير ونغير الصوفه ونشوف بعدين لو في تهريب من الماكينه وطلب الف ريال


up 1 down 0
moiiad 28
قبل 5 سنه و 4 شهر



اذا تبي اكلمه لك ينزلك بالسعر  بحاول معه 

بال 800 اذا مناسبه لك. لاني قبل فتره 

غيرت صوفه للاكسنت عنده واخذ مني 800 ريال 

وكل الي في الصناعيه طلبو الف 

اذا تبي اكلمه. لك. انا بخدمتك 


up 0 down 0
سبحان الرازق سبحانه 2513
قبل 5 سنه و 4 شهر



ياصاحب الموضوع. كلمته 

لك يقول. عندك تهريب في صوفة القير ووجه كرتير القير 

وصوفه خلفيه للمكينه. احتمال تكلف 900 ريال 

الى الف. لو المشكله عندك بصوفه المكينه ممكن 

ينزل لك من السعر. بس عندك. تهريب من القير 

واحتمال صوفه المكينه. ولازم يفك القير برا 

ويتئكد من المكينه والله ييسر امرك 


up 0 down 0
سبحان الرازق سبحانه 2513
قبل 5 سنه و 4 شهر



الله يجزاك الخير امره ان شاء الله اخر الاسبوع


up 0 down 0
moiiad 28
قبل 5 سنه و 4 شهر



ابعد عن النصاب ذا اهب ياوجه يبغى يفك المكينه 
الصوفه الاماميه تجي في الصدر يفك بس البكره الأماميه وتتغير 
في حالة كانت الصوفه الخلفية رايحه هنا ينزل القير فقط المكينه مكانها 
لأن الصوفه الخلفيه بين المكينه والقير وغير معها الصوفه الاماميه للقير لأنها بنفس المكان 
الزبده 1000ريال بالعربي هذا نصاب 
لوبتغير كل الصوف الاربعه ماياخذون عليك أكثر من 600ريال بالكثير 


up 0 down 0
ملزلز -19
قبل 5 سنه و 4 شهر



ابعد عن النصاب ذا اهب ياوجه يبغى يفك المكينه 
الصوفه الاماميه تجي في الصدر يفك بس البكره الأماميه وتتغير 
في حالة كانت الصوفه الخلفية رايحه هنا ينزل القير فقط المكينه مكانها 
لأن الصوفه الخلفيه بين المكينه والقير وغير معها الصوفه الاماميه للقير لأنها بنفس المكان 
الزبده 1000ريال بالعربي هذا نصاب 
لوبتغير كل الصوف الاربعه ماياخذون عليك أكثر من 600ريال بالكثير 


up 0 down 0
ملزلز -19
قبل 5 سنه و 4 شهر



السلام عليكم تم اصلاح التهريب من صوفه الغير الاماميه تم الاصلاح مع تغيير الصوفه مع الزيت كلف 500ريال الله يجزاكم خير


up 2 down 0
moiiad 28
قبل 5 سنه و 3 شهر